اشباه الرجال (مسابقه النقاش)

[ايمان طلعت]

السلام عليكم ورحمه الله وبركاته

للانترنت اهميه و فوائد كثيرة
بنتعلم منه حاجات كتيرة اوى وبيفيد ناس فى شغلها
لكن ليه الشباب بيستخدموه غلط

الشباب بيقلدوا الغرب فى كل حاجه فى اللبس قصات الشعر الاسلوب والاخلاقيات التى لا تناسب مجتمعنا و ديننا
ليه التقليد ميكونش فى استخدامهم للنت ايضاً ولا التقليد فى الغلط وبس



فسوف اتحدث الان عن اشباه الرجال المكتوب فى البطاقه فقط ذكر ولكنه ليس ابدا برجل

الشباب الان يدخلوا النت للكذب وخداع البنات فقط و غوايتهم
كأن النت كشبكه العنكبوت وجدت ليصطاد فريسته
ونسى انها للمعرفه والتعلم والتقدم الحضارى

ليه مفاهيم الشباب انحدرت و انحصرت فى اللعب بالمشاعر والغرائز فقط
والتفكيربأن كل بنت تدخل نت تبقى مش كويسه و داخله لاغراض دنيئه
فالشاب يعتقد ان البنت تبحث على النت عن الحب و الاختلاط بهم فقط
ويعتقد بالمرآه التى تدخل نت انها تبحث عن الحب ايضا واشياء اخرى اخجل ان اذكرها
وقد مررت بمثل هذه النوعيه من الرجال وللاسف هم كثيرين



فالشاب ينتهز ضعف البنت و رقه احساسها يحاول ويحاول معها كثيرا و بطرق عده ليكتشف نقاط ضعفها ويلعب عليها ليضعها تحت براثنه والبنت لا حول لها ولا قوة
وبكلامى هذا لا اقف بجانب البنت فهى اكيد خاطئه بالتحدث مع شاب على النت لا تعرفه و تثق به لتتبادل معه الحديث وتكشف له عن اسرارها و تتبادل الصور معه او تشغيل الكاميرا وهى لا تعلم انه يحتفظ بصورها او يسجل لها ويهددها بهم فيما بعد

لكن طرق التحايل كثيرة والبنت احساسها ضعيف وباى طريقه ممكن تقع


فمثل هذه الاحداث كثيرة جدا و مصائب وفضائح و خراب بيوت حدثت بسبب ثقه البنت بشاب على النت وكلنا نعلم هذا وسمعنا قصص يشيب لها الوليد من انتهاك اعراض وابتزاز اموال ونشر صور على النت مع ارقام تليفونات فى مواقع اباحيه واحيانا تصل الامورللقتل او الانتحار او انحدار الفتاه
ولكن مع ذلك فالكثير يقع





السؤال
لماذا انحدرت اخلاق الشباب لهذا المستوى ؟
هل قله دين ام عدم تربيه و ترك الشباب للتليفزيون واصدقاء السوء
لماذا هذا الاستغلال لمشاعر الانثى و كأنها سلعه ؟
هل هو كبت جنسى لدى الشباب ام صعوبه الزواج او الاستهتار بالغير واللامبالاه



مع احترامى للشباب فيوجد ايضا شباب على خلق ودين فهذا ليس تعميم بل ظاهرة واضحه جدا ومنتشرة

[۩۩ elMagic ۩۩]

هو زي ما فيه لوم بيقع ع عاتق الشباب
فا بردوا هناك لوم يقع على البنات
لان الشاب إستحاله يقدر يتجرأ ويعمل اللي عايزه مع البنت
الا بعد ما تكون هي سمحتله بإنه يعمل كده ،،
ومينفعش نقول البنت مرهفة الحس وضعيفه ،، دا مبرر خاطئ
لان رغم إن كتير من البنات بيبقوا عارفين اللى بيحصل من بعض الشباب الطايش
إلا انهم بردوا بتلاقيهم بيقعوا ف نفس الاخطاء ويسلموا نفسهم لبعض الشباب
فا دي سذاجه منهم زياده عن اللازم ..
ولو هنتكلم عن النوع دا من الشباب
فا هو مراهق وطايش
عنده رغبات ونزوات بيسعي علشان يحققها بطرق غير شرعيه
وفي الأول والاخر كما تدين تدان
لو الشاب دا عنده حراره وبيخاف على عائلته واخواته وقرايبه البنات
مش هيفكر يعمل كده ببنات تانيه ،، تسلمي إيمان لطرحك المميز

[انجي_1]

الاندال واشباه الرجال كما ذكرتي

بس احب اقول لك حبيبتي

انه كما تدين تدان

الشاب ده عنده امه واخته وزوجته وبنته في المستقبل

يعني زي مابتتلاعب ببنات الناس

استنى يا خويا

اكيد ليك يوم

هتتذكر فيه اللي عملته ببنات الناس يوم ما هيتلعب ببنتك او اختك او مراتك

نايس توبيك يا ايمان
موفقة ان شاء الله

[جبل عالي]

انتي وصفتيهم بالعنوان وكفى

وزي ما قالوا مفيش شاب هيتجرأ إلا لو البنت

أعطته الفرصة دي .... مينفعش نحمل الذنب كله للولد

ومن ناحية تانية برضو عايزة أقولك

ان قوامة الرجل للأسف بتتنفذ فيما يخصهم فقط لاغير

يعني في موضوعك هنا زي مانتي شايفة بنجيب اللوم ع البنت

ف البداية انها شجعته .... لكن لو قلنا بما انك ولد وقوام

ليه متمارسش قوامتك دي هنا برضو .... يعني ع البنت اللي تكلمها ؟

شوفي هو مجرد وجهة نظر انا قلتها .... لكن كتطبيق اعتقد صعب

لأن النفس ضعيفة ورغباتها بتحكمها

يبقى نيجي للبنت ونقولها ...... ياريت ياريت ياريت

تحاولي تستمعي للنصايح على انها نصيحة بحب وبقلب خايف عليكي

ومتحاوليش تثبتي لنفسك ان النصايح دي عشان تخنقك او تحبس حريتك

وربنا يحمي كل البنات من هؤلاء الأشباه الرجال


اعتذر لطول الرد

كل الشكر والتقدير لكم جميعا

[Stop Ana Eltop]

بصراحه

الاخلاق كلها انحدرت مش اخلاق الشباب بس
يعنى لو البنات من الاول بتصدهم مكنش حصل كدا

واذا كان الجيل الاول نص وحش
الجيل الى بعده بيبقى وحش اوى
والى بعده اوحش
يعنى من انحدار لانحدار
للاسف بقا

تسلمى لطرحك

[ايمان طلعت]

انا ذكرت فى الموضوع ان البنت عليها خطأ كبير
ومنكرتش انها غلطانه اكيد
بس البنت لما تكون فى البيت ومالهاش غير النت
وييجى واحد يفرشلها الارض ورد ويفهمها انه ياما هنا وياما هناك
والبنت بطبعها عاطفيه ونفسها تحب وترتبط و تتزوج
وبتعتقد انه هو دة فارس احلامها وتصدقه وتثق فيه
وفى الاخر يطلع ندل
او واحدة مثلا متزوجه وظروفها صعبه شويه وتعبانه مثلا نفسيا
جه واحد معندهوش ضمير فى الحاله دى ولعب على عواطفها
اكيد هتتجذب ليه
ودة كله بسبب عدم التربيه وانعدام الرجوله والنخوة اللى كانت موجودة زمان فى الرجال
سيبكم من دة كله
مشكله حصلت ليا انا مش لحد
لما كنت على الفيس وضفت حد والحد دة كلمنى بطريقه مش كويسه فنهرته وحذفته
كان زوجى عامل اكونت بردو وكان عندى الزوج
دخل على صفحته واخد رقم فونه كان على صورة واتصل بيه
وانا بحب ايمان وهى بتحبنى وطلقها عشان نتجوز
واحنا بنتقابل ونخرج وكلام كتير
طبعا دة موقف يخرب البيت لكن ثقه جوزى فيا هى اللى خرجتنى من الموقف دة
اهو دة واحد معندهوش ضمير ولا نخوة الرجوله وانا مغلطتش
لكن كل دة بسبب ايه وايه اللى هيستفادوه معرفش
شكرا لكم جميعا لمروركم اصدقائى

[جبل عالي]

هنا يا إيمان لايسمى حتى شبيه رجل !!!!!!!!

هنا يسمى حقير وأقذر من الحيوان كمان


الله المستعان على إنحدار الأخلاق فعلا

[big bốss]

انا شدنى الموقف الى حصلك يا ايمان

دا كان ممكن يهدم بيتك بس قبل ما نهاجم الراجل

نشوف مين الى سمعله يكلم البنت ؟

مين الى سمحله يضحك على البنت ؟

انا معاكى ان فيه ناس كتير منعدمه الضمير و لا اخلاق و لا مرؤه

و دا سببه التربيه الغلط و الثقافه المنتشره عن ان الرجوله تقاس بمدى معرفتك بالبنات

و كمان التدنى الرهيب فى العلاقه بين الاهل و ابنائهم

ربنا يطلف بمجتمعنا

موضوع قيم ايمان

بالتوفيق ،،،،

[ايمان طلعت]

اقتباس المشاركة الأصلية كتبت بواسطة big bốss انا شدنى الموقف الى حصلك يا ايمان دا كان ممكن يهدم بيتك بس قبل ما نهاجم الراجل نشوف مين الى سمعله يكلم البنت ؟ مين الى سمحله يضحك على البنت ؟ انا معاكى ان فيه ناس كتير منعدمه الضمير و لا اخلاق و لا مرؤه و دا سببه التربيه الغلط و الثقافه المنتشره عن ان الرجوله تقاس بمدى معرفتك بالبنات و كمان التدنى الرهيب فى العلاقه بين الاهل و ابنائهم ربنا يطلف بمجتمعنا موضوع قيم ايمان بالتوفيق ،،،،

الموقف اللى حصلى دة بسيط بالنسبه اللى بيحصل وبنشوفه ونسمعه كل يوم
انا اعرف مواقف كتير حصلت بس مقدرتش اقولها فى التوبيك
وكل يوم بيزداد الانحدار اكتر من اليوم اللى قبله
وربنا يسترها على الجيل اللى جاى بقى
تسلم لمرورك نور
تحياتى

[Lamees]

أحيك يا ايمان على الطرح الراقي
ولكن كما ذكرتي فهم ذكور وليسوا رجال
مستغلين لا يعلمون عن الدين شيء
فهم احقر مما وصفتي
وليس لهم مبرر في ذلك وان كان الكبت
لان هناك منهم من يكون متزوج ولكنه لا يخجل من
التعرض لفتيات على النت ومحاولة استدراجهم لعلاقات

طرح راقي وعرضك للموضوع ارقى
بالتوفيق