مصيتنا التقيلة _ حصري _

[فتحى عيسى]

مصيبتنا في مصر إنها مليانة حرامية
شغلتهم ينهبوها وبس أبا عن جد عن حفيد
إن شالله تغرق مش مهم تولع مش مهم تتحرق مش مهم
المهم يبنوها وياريت بذمة وبضمير وبجدية
ويعمروها تاني وتالت ورابع وكل مرة يسرقوها بمنتهي الأمانة والعفوية وبكل ود
مجرد محط إيده ورجله في مكان مهما كانت وظيفتة
كتبها علي أسمه ودونها في شهادة ميلاده وأولاده وأحفاده علي حبة نسوان
ويفضل لازق فيها حتي وهو عضم في قفه
مش مصدقني هاتلي أي مؤسسة أو بنك أو شركة أو جهة حكومية
داخلية كانت أو خارجية من أول رياسة الجمهورية وفروعها
حتي أصغرها مديرية وأفقرها قرية أو وحدة محلية
وكل سبوبة علي أرض المحروسة بئت تكية
لاء والمصيبة الكبري وصلت حتي الجهات الرقابية والقضائية
الكل فاكرها عزبة أبوه وأمه واخدينها وراثة مشفية
وهما هما اللي بيتكلموا عن الفساد عن الرشوة عن المحسوبية
عن الحكومات الخايبة اللي بتيجي وتمشي كل شوية
وهما أساس البلاوي كلها في مؤسسات الدولة وفرضوا ألعن بيروقراطية
هما اللي خربوها بجد وقعدوا علي تلها
بأنانية مفرطة في الظلم لبقية الشعب الغلبان اللي مش لاقي وظيفة
ولا مكان يتاوي فيه
لما يبئا إبنك ولا بنتك جايبة مجموع علي الحركرك
وتديله مكان واحد جايب إمتياز أو جيد جدا
وتعمله معيد وهو عبيط
والنبيه اللي ذاكر وتعب وطلعت عينه هو وأهله
يترمي ع القهوة وياريتة لوحده آلاف زيه كل سنة بتلحقه
وياعالم بينتهوا فين
وكده أنت مخدتش حق غيرك مركز بس
لاء ده أنت سرقتة وكل قرش بتكسبه حرام
والنوادي اللي بتتمتع بيها أنت واهلك متستهلهاش
والمزايا كلها خسارة فيك لأنك حرامي
أستفدت وغيرك دفنت
عشان نبني صح لازم نهد من الاساس
مش نسيب في كل ركن افعي
وف كل دور ترباس
الخراب عشش من زمن
ونخرب في الناس
وياريتنا إستفدنا من ثورتنا
علي أوضاعنا السودا
دي كشفتنا وفضحتنا
وقتلت الاخلاق
عشان نبنيها صح
لازم نحبها الأول
حب بجد
ونخاف عليها
مننا وقبلينا
مصر الغالية
ياريت نكبر
بيها
فتحي عيسي
وليدة اللحظة

[دمعه حائره]

عندك حق وفعلا مصيبة وأرث من الفساد هانفضل فيه طول عمرنا
مافيش ولاثورة قدرت تنضف البلد من الحراميه
والطماعين كل واحد ماسك منصب بيورثه لاولاده
ولامكان للمتفوقين من عامه الشعب
امته هايصحى الضمير جوانا ونعرف قيمه بلدنا ويعنى ايه انتماء
نص راقى تسلم استاذنا

[Lamees]

هي مصيبة فعلاً
بس الحل ايه مع ناس باعت ضميرها
وسلمت نفسها للشيطان
وكأننا في غابة والبقاء للأقوى
والقوة هنا في نظرهم
المال من يملك المال أكثر
هو الأقوى

طرح راقي استاذ فتحي
وواقعي جداً وللأسف هو ده الحال
دمت سالماً

[العاشق الذى لم يتب]

أحسنت اخى فتحى
ربنايبعت من يتقى الله فينا
كل الشكرلمااوضحت وقولت
تقبل تحياتى وودى

[شموع الروح]

أحنا عايشين مأساه بجد
احسنت في التعبير
تحياتى

[فتحى عيسى]

اقتباس المشاركة الأصلية كتبت بواسطة دمعه حائره عندك حق وفعلا مصيبة وأرث من الفساد هانفضل فيه طول عمرنا مافيش ولاثورة قدرت تنضف البلد من الحراميه والطماعين كل واحد ماسك منصب بيورثه لاولاده ولامكان للمتفوقين من عامه الشعب امته هايصحى الضمير جوانا ونعرف قيمه بلدنا ويعنى ايه انتماء نص راقى تسلم استاذنا

شكرا علي هذا التشريف العاطر
وهذا التواصل الراقي برقي شخصك
بوركتِ
مودتي وإحترامي

[رنيم.]

ربنا يحمي مصر
وشعبها
ويصلح حال الناس

[فتحى عيسى]

اقتباس المشاركة الأصلية كتبت بواسطة ro♥ony هي مصيبة فعلاً بس الحل ايه مع ناس باعت ضميرها وسلمت نفسها للشيطان وكأننا في غابة والبقاء للأقوى والقوة هنا في نظرهم المال من يملك المال أكثر هو الأقوى طرح راقي استاذ فتحي وواقعي جداً وللأسف هو ده الحال دمت سالماً

شكرا علي هذا التشريف العاطر
وهذا التفاعل الراقي مثل شخصك
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة العاشق الذى لم يتب أحسنت اخى فتحى ربنايبعت من يتقى الله فينا كل الشكرلمااوضحت وقولت تقبل تحياتى وودى

آمين يارب العالمين
شكرا علي تشريف الراقي
وتفاعلك الكريم
بوركت
مودتي وإحترامي

[فتحى عيسى]

اقتباس المشاركة الأصلية كتبت بواسطة شموع الروح أحنا عايشين مأساه بجد احسنت في التعبير تحياتى

اه والله مأساة حقيقية
ربنا يرحمنا برحمتة
شكرا علي هذة الإطلالة العطرة
وهذا التفاعل الراقي
بوركتِ
مودتي وإحترامي