الحلقة التانية من اذاعه حب مع ۩۩ elMagic ۩۩

[phalsteen]

مســــــــــاء الخير اهلا بكم فــــ اذاعة حب الـــــــــــــــــحب فلسفة احتياج قبل ان تكون فلسفة وجود فلسفة روح ترتاح لها الروح فلسفة ترياق شافي في وقت ما يكون هناك احتياج للاخر انها قدر محتوم لابد منه فهما تقاسما تلك التفاحه وهما تلامسى تلك الارض التي خلقت ليكونا بها خير خليفة هي قدر له ...وهو قدر لها هي بالعشق والعزف والنزف والتراتيل تسمو وتحيى في قلب يبقى بها قدر الاقدار وهو بها حلم ياخذها الى قدرا تبقى به متطلعة منذ طفولتها يسرقها الى عالمة الاسطوري الذي رسمته به فارسا نبيل مهما تباعدت الخطى ومهما تفارقت الايادي فهناك دروب ليست بتلك الاستقامة التي تنذر بعدم اللقاء يا رواد اليوميات الكرام يا نجوماً مضيئه في سماء القسم اسعد الله أوقاتكم وأهلا وسهلا بكم في برنامجٍ شيقٍ هادف يستمد أوصاله من جذوركم العميقه والراسخة كالجبال في أرض إبداعنا هذا البرنامج يحمل الابداع في ثناياه ليس لانه من إعدادي بل لانه حديث القلوب ولأصحاب القلوب فقط والآن مع القلب النابض والعقل النيِر والفؤاد الرقيق بالمشاعر ضيفكم اليوم هو.......... ۩۩ elMagic ۩۩ اهلا بيك اماجيك اهلا بيكي سما اتاخرت شويه ف الرد علشان شغال محاضرات والجو ملخبط معايا شويه فا معلش .. ايه رأيك في الحب ؟ جميل : D ايه معني الحب بالنسبة ليك ؟ الحب إنك ترتاح لاى شخص بدون اى اسباب منطقيه فقط انت بتبقى عايزه تتكلم معاه ف اى حاجه وخلاص ومش شرط تكون بنوته ع فكره متي نشعر بالوحده في ظل الحب ؟ لما حبي للشخص دا يقل لسبب ما هل تشعر بالوحدة رغم من كونك تحب؟ مش شرط علشان بتحب تبقى انت كده مش حاسس بالوحده انت بيبقى عندك اكتفاء ذاتي في الحب ولكن بتبقى فيه جوانب تانيه فقيره وممكن تشعر فيها بالوحده .. هل تؤمن بالحب من النظرة الاولى؟ ممكن ليه لاء بس هنا بيبقى اعجاب اكتر من حب واولا واخيرا بيبقى كل شئ نصيب هل يلتئم الجرح بعد كلمة اسف؟ ع حسب الموقف لان مش كل الجراح يُمكن ان تلتئم بسهوله عاجباني يلتئم دي حقاً ماهو اكثر شئ تخشاه ف الحب ؟ التردد ماهى طريقتك للتعامل مع حزنك؟ بأفضل اكون لوحدي ساعتها لما ارتبط مفهوم الحزن بالجرح عامة ؟ علشان الاثنين واحد اصل انت مش ممكن تحزن الا بعد ما تتجرح ومش شرط جرح لفظي او موقف حصل من شخص ما ولكن عادي جرح بسبب فراق شخص عزيز عليك تؤمن ببكاء القلوب ؟ ومتي يبكي قلبك ؟ اه عادي لان القلب بطبيعته بيكون صادق وعند فراق شخص عزيز اكيد حاجه بتبقى صعبه لو تـم الفـراق بينك وبين من تحب رغـم ارادتكـم هـل هـذا يمنعـك من ان تشتـاق اليـه.....؟ هو لو انا عارف انها مش هتكون ليا يبقى مينفعش يكون لسه فيه اى مشاعر اتجاهها اكيد في الاول بيبقى صعب خصوصا لو باحبها فعلا بس لازم مع الوقت انساها وابدأ من جديد .. هل من المعقول بعد ان ينتهـي الحب ان يرضى احد الطـرفين بأن يكون للاخـر علاقات اخـرى دون ان يزعجـه الامـر بتاتـاً .....؟؟ زي ما قولتلك فوق لازم هتبدأ من جديد فا طبيعي لازم الطرفين هيدخلوا ف علاقات مستقبلاً ودي حاجه المفروض بتكون متوقعه ومعمول حسابها ،، خلاص كل واحد هيشوف حياته ومستقبله .. هل يجب ان تمـوت الغيره بعـد ان ينتهي الحب؟ هو دلوقت انت هتغيير على الشخص دا ليه ؟ اكيد علشان بتحبه وشايف انه ملكك لوحدك فا لما بينتهي الحب مبيبقاش ملكك وبالتالي المفروض ميكونش فيه غييره .. وما العمـل اذا اشتقت لمن تحب بعد الفـراق .....؟؟ هاحاول اكيد انساها علشان عارف انها مش ليا فا مينفعش افكر فيها دايما ماذا تفعل اذا كان القهر يسكنك لمجرد التفكير بأنـه نسيك وصار لـه حبيب اخـر ....؟؟ لا دا بقى هيبقى مرض لان طالما الحب انتهى فا خلاص كل شخص هيرتبط بحد تاني غيره هل يموت الحب لمجرد الفراق ؟ لا بيفضل موجود خصوصا لو كان الفراق دا رغماً عن الطرفين وهما لسه عايزين بعض ومكنش فيه سبب منطقي للفراق .. هل الفراق يحول الحب الى كره ؟ حسب سبب الفراق لو هما مش طايقين بعض ممكن يتحول لكره وانما لو كل شخص فاكر للتاني الخير بس فا هيظل الحب بينهم سائد بس اكيد مش زي الاول نورت اذاعه حب ايه رأيك في اذاعتنا بئه بعد نورك سما برنامج جميل واسئله جميله مجهود جميل منك ثانكس لإستضافتك لو عايز تبعت رساله منك لاي حد اتفضل امممم مش ف دماغي اى رسايل والله بس بمناسبة عيد الام فا بنقول لكل ام كل سنه وانتي طيبه وبعد تنتهي الحلقة التانية من اذاعه حب والي اللقاء مع اذاعه جديدة بتقديم ملك جبال الاحزان وربنا يوفقه ويخلي باله من البرنامج وصيتي ليك البرنامج احودة بئه

[phalsteen]

لكل لون حس مرهف ولــ عيون العشق طيور تتهادي على تلك الورود بتغاريد صباحية يفوح شذاها غزارة امطار صيفية لها خط القلم بتلات زهور الربيع ونسج على اوراقها حروف قلب يرجو ترانيم العشاق ويقدمها بلغة العشق القدرية لكل عاشق لغه ومساحة للتعبير بلغه وحدها اجاد فك طلاسمها وها هنا بعض رسائل اعضاء بنات مصر prinses sahar مشرفه قسم عالم الرجل لــ اخويه رفعت انت اخ عزيز عليه وافتخر طبعا انك ابن عمي ولــ اخي عازف الاحساس بجد فرحت ليك اوي وربنا يتملك علي خير ودايماتبقاسعيد ايمان طلعت مشرفة قسم الشعر والخواطر احب اهدى الجميع هنا فى المنتدى هذه الكلمات انا من هنا وانتم من هناك فنحن غرباء لكن اليوم وها هنا صرنا اصدقاء فعندما يأتي المساء يأتي القريب والبعيد للقاء تتلاقى عيوننا وايدينابكل صفاء نتلاقى جميعاً رجال ونساء وننسى ما يلقبوننا من اسماء فلقائنا دوماً يتسم بالرقى والنقاء فتلك الأيام اقضيها دوماً معكم في هناء وفى بُعدكم أعيش أنا في عناء وبلقائكم أصدقائي يحلى المساء وكل وقت يمر يزداد بيننا الوفاء فتصبح صداقتنا اكتر رونقاً وبهاء واد حبيب مشرف الخواطرسابقا انا ابعت اهداء الي ست الكل الحاجه ام ياسر اللي هيه امي وبقولها كل سنه وانتي بالف خير وسعاده ويخليكي لينا يارب الأميرة رودي مشرفة صفحات مكشوفة اهدائي لـ ماما فى هذا اليوم من العام الماضى قَبلت يداكِ وداعبتينى مبتسمهً ( أنتي أغلى مافى حياتي ) واليوم استنشقت أنيني صباحا وانا اتذكر مراره فراقك كنتِ بلسماً لآتسطع دمعاتي معاداته . بيمينك تداعبيني فيهتز الوجود ، و قبلة على جبينى فـ تطمئن نفسي إن بحثَت روحى عن السكينه وجدتها فى احضانك وان تمنيت الجنه تذكرت انها تحت اقدامك فكيف لي ان انسى وجع رحيلك ،اللهم انها عادت اليك راضيه مرضيه كما أمرتها فادخلها جنتك ==== مهما هـ تكلم مش هوفيها حقها ولآ هرد جميلها ولآ هقدر أوصـف أد ايه وجودها نعمـه والحرمـان منها أكبر انكسار.. طبيب الهوى مشرف الابداعات سابقا إهداء لأبنتي ريم هَمسِة أب لِأبنَتَهُ الحُبَ ليسَ جَسداً ليسَ لحظة إشتهاء فالحُبَ قَبسٌ مِن نور مَنبَعَهُ العطاء وإن رحلَ الجَسد يَبقىَ الوفاء فَحُبِها لا زالَ يُغَذي الدِماء وسأُظل أُحِبُها وأكتِبُ فيها الرِثاء وأنا لستُ مِن أساطيرَ العُظماء فقلمي يَهذي ولا يَكتُب بِصيغَة الشُعراء مَن يُحِب أبنتي لا يَجرَحُ الكِبرياء يُفَكِرَ كَثيراً في هِبَة السماء التي تَمنَحَهُ الطمأنينة والرخاء وتَرتَقي بِمشاعِرهِ وتملأ قَلبهُ صَفاء هذا هو الحُب أبنتي بِلا أي ثَناء والعابِثونَ بِه وبإسمِه جُهلاء وتأكدي أن كُلَ بَني آدم خَطاء هذيان قلمي المجنون Nefertiti سيدة مصر الأولي انا اتهبلت يوم فرحي وغنيت مع احمد وسعد الصغير ومن يوميها ندمانه اوي كنت اتسألت علي الاغنيه هسبهلكم اهداء بئه نسمعه مع بعض لا ومتصورة وانا ماسكه احمد وبردحله كدة وبكــــــدة خلصت الاهداءات اللي معانا والي اللقاء في الحلقه التالته من الاذاعه بتقديم ملك جبال الاحزان

[۩۩ elMagic ۩۩]

كانت الاسئله جميله منك سما
الاهداءات جميله
وكل سنه وكل ام بصحه وعافيه
وانتي ربنا يقومك بالسلامه وترجعي تكملي برامجك مره تانيه
ربنا يكرمك ويوفقك ف حياتك ,,

[phalsteen]

اقتباس المشاركة الأصلية كتبت بواسطة ۩۩ elMagic ۩۩ كانت الاسئله جميله منك سما الاهداءات جميله وكل سنه وكل ام بصحه وعافيه وانتي ربنا يقومك بالسلامه وترجعي تكملي برامجك مره تانيه ربنا يكرمك ويوفقك ف حياتك ,,

الاجمل وجودك في برنامجي يا احمد
ميرسي لذوقك ولقبولك دعوتي
ان شاء الله
ربنا يخليك

[العاشق الذى لم يتب]

أنافاكر كان لى إهداء
هو راح فين
ولاإحنا مش أد المقام
*******************
جميل البرنامج
وأسئلته متنوعة وراقية وجليلة
وأخى أحمد منور الحلقة
بإجاباته العظيمة المتزنة
ربنايوفقك أخى أحمد
وأشكر الأخت سحر لإهدائها لى
بارك الله فيك سحر
ربنايسعدك وأنت أيضا أخت غالية عندى وأعتزبيك جدا وفخوروسعيد بمعرفتك
وإلى كل من أهدى هناإهداء
وإلى جميع المنتدى إهديكم
تحياتى وودى وحبى ودعواتى
وجمعنا الله على المحبة فيه
وحفظنا من كل مكروه
وان شاءالله التوفيق لميدو فى البرنامج وحلقاته القادمة
تحياتى وودى
رفعت كان هنا

[انا دنيته وهو حياتى]

حلقه جميله جدا
البرامج جميل اصلا ^_^

بالتوفيق بئا

[phalsteen]

اقتباس المشاركة الأصلية كتبت بواسطة العاشق الذى لم يتب أنافاكر كان لى إهداء هو راح فين ولاإحنا مش أد المقام ******************* جميل البرنامج وأسئلته متنوعة وراقية وجليلة وأخى أحمد منور الحلقة بإجاباته العظيمة المتزنة ربنايوفقك أخى أحمد وأشكر الأخت سحر لإهدائها لى بارك الله فيك سحر ربنايسعدك وأنت أيضا أخت غالية عندى وأعتزبيك جدا وفخوروسعيد بمعرفتك وإلى كل من أهدى هناإهداء وإلى جميع المنتدى إهديكم تحياتى وودى وحبى ودعواتى وجمعنا الله على المحبة فيه وحفظنا من كل مكروه وان شاءالله التوفيق لميدو فى البرنامج وحلقاته القادمة تحياتى وودى رفعت كان هنا

انت علي راسنا يا عم رفعت
بس احنا قولنا ف قوانين الاهداء
انك لازم تقول لمين
وانت فاكر ان الاهداء للضيف
ودا غلط
الاهداء لاي حد بس تقول اسمه
وعموما حقك علينا
تتعوض المرة الجاية
ومنورانا والله

[phalsteen]

اقتباس المشاركة الأصلية كتبت بواسطة ♥انا دنيته وهو حياتى♥ حلقه جميله جدا البرامج جميل اصلا ^_^ بالتوفيق بئا

الله يخليكي حببتي
انتي اجمل

[Caramilla]

برنامج جميل وفكرته حلوه
واستضافه موفقه بجد واجوبه جميله
وعجبتني اهداءات الاعضاء
بالتوفيق وبنتظار الحلقه الي بعدها

[حالمة باميرى]

حماتى الحلقة جميلة اوى وهادية لان فيها احمد
ربنا يوفقة ويسعدة يارب
وانتى هتسيبى البرنامج لميدو مش خايفة
احنا لسة كنا امبارح معلقينة
ارجعى بسرعة ياخوفى على البرنامج