الفلول - الاخوان (وجهان لعملة واحدة)

[SiLver Spectra]

في عصر الاخوان كان الانصار يصيحون بأن الفلول هم من يقطعون الكهرباء
بل ان مرسي بنفسه صرح بذلك

في عهد السيسي يصيح الفلول بان الاخوان من يقطعونها

بالفعل هم وجهان لعملة واحدة
المنطق لديهم هو "الكراهية"
و لا عجب في ذلك
فهم "عقول مسخ .."

" لكم التعليق "

[دمعه حائره]

منتظر ايه من احمد موسي غير التلون وتزيف الحقايق
احنا كده لازم نلاقى شماعه نعلق عليها فشلنا
وعدم قدرتنا على ايجاد حل للمشكله
انا لسه سامعه خبر عن حرق كشك كهربا
وبيقولوا الاخوان اللى عملوها
فكرونى بحوادث القطارات وان الفلول اللى كانوا بيتسببوا فيها
وكمان يقطعوا الكهربا
عشان مرسي يفشل
الكلام بيتعاد تانى وكأننا انكتب علينا الفشل
فيديو وضح كتير من المأساه اللى عايشينها
تسلم دكتور

[فتحى عيسى]

طبعا وأتفق تماما مع ما تفضلت به
الفلول جرفوا مصر وأفسدوها وكرهوا شعبها
وزادو الفقر فقر والجهل جهل وهاهي أجيال تقاسي
من فقر ومرض وتعليم وبطالة وفساد مستشري
في عضم البلد
لكنهم لم يرفعو السلاح في وجه مصري
لم يذبحوا أبناء بلدهم
لم يفجروا منشآت وطنهم
لم يرتكبوا خيانة عظمي
الأخوان فعلو كل هذا ومازالوا حتي اللحظة
أحييك وطرحك القيم
سلمت والنبض
مودتي وإحترامي

[نور ونار]

مش بس الكراهيه دآ تحيز اعمى
عشآن تقول الحق فى تغيرات الموقف
يتقآل عليك اكثر من وجه
طب كل مره الوضع بيتغير ،، مش معنى انى بنقد تصرف معين
للآخوآآن يبقآ الشرطه حق طول الوقت او الجيش
نفس الشىء معنى انى بنقد الجيش مش يعنى مؤيده للآخوآآن
ولكن الان لزآمآ علينآ الاختيآآر لانك مرغوم عليه
اى معسكر انت اخوآنى او عسكر
واذآ حآولت الشرح ينفذ رصيدهم من الصبر
ويقال عليك مدلس او خليه متخفى
يريدونهآ ابيض يآ اسود اختآآر
ولا عزآء لبقيه الالوآآن ..
=============
دآ بيفكرنى باغنيه المهرجانات
اللى بيشكر بجنون واللى يكره
معنآهآ هتعتى منصه الالهه يآمآ تعاقب بحد السيف
قطعآآ فى حاجه غلط ..
=========
موضوع يحاكى واقع .. وفلسفه موجوده

[العاشق الذى لم يتب]

وانا شايف
العيب فى الحكومة
ازاى يعنى ماتعرفش مين بيقطع الكهربة
الحكومة محتاجة حكومة
وتسلم ياصاحب مقام
تحياتى

[همس الحنين]

لا طبعا فى فرق بين الفلول والاخوان

هو فى تشابه بينهم بس الاختلاف كبير

الفلول الكل بيأيد افعلهم بل وبيدارى عليهم

الفلول هيودوا مصر لمصير لا يعلمه الا الله

الاخوان فاشلين بكل الطرق واكبر فشل انهم مقدرشوا

يسيطروا على ودان الشعب المصرى والتحكم فى الاعلام وكسب احترام الشعب

الفلول حاربوا الاخوان وساندوا ال cc ولسه بيساندوا وهما خربوا وهيخربوا البلد اكثر

يبقى فى اختلاف لكنهم فى الوز سواء
شكرا على التوبيك

[براءة طفلة]

المشكله دلوقتي ان كل واحد متحيز لشخص معين وبيمشي وراه لو قاله ارمي نفسك من البلكونه هيرمي نفسه ومفيش حد راضي يسمع ابدا للاخر
المشكله دلوقتي مش فلول واخوان اصل كلنا مصريين
وبرده المشكله مش في قطع النور والحاجات دي
المشكله ان محدش عاوز يتناقش مع حد او يقعد حتي يسمع كلامه جايز يقتنع ولسا خصلة العند موجوده في العب المصري للاسف

[الآمير العآشق]

قوول يابااسط
/
مسالة الحقد والكره دي مساله نسبيه بين المصريين
لادخل لها كونك فلول او اخواني او سيساوي او ....
مثلا : انا بشوف اقلام كتير هووناا وبكل مجال اجتماعي
ومتعصبه جدا للسيسي / وترفض الفلول !!
يحني ليست اخوان/ وايضا ليست فلول
ومع ذلك تجد اقلامهم يملاها الحقد والكره علي مصريين مثلهم
مصريين مسماهم الاخوان / وذلك تحت حجة بدعة الارهاب !
التي يروج لها السيبسي واعلامه وامن دولته ومخابراته

قصد كلامي الحقد والكره دي صفه ذميمه وغير محموده
وتوجد في نفوس بعض البشر / وللاسف يجدون لانفسهم التبرير
للحقد والكره في كلامهم وافعالهم !!
ـــــــــــ
كنت قاعد مع واحد صاحبى على الكافيه فا النور قطع
لئيته بيقول: الله يخرب بيتك يا مرسى
رديت قلتله: مرسي مين يابني ! احنا ف زمن السيسي
قالى: ما هو اللى جاب لنا السيسي

[احساسى صحيح]

لا اكيد فى فارق كبير جدا
لأن المتحكم فى العصرين هما نفس الاشخاص وهم الفلول
رغم وجود مرسى فى العصر السابق
يس فى عصر مرسى الاخوان مثلا لم يتهموا الفلول بخزعبلات
وان هناك مؤامره كونيه مصدرها الاخوان
وفعلاَ وحقيقى الفلول هما إللى كانو بيعطلوا البلد زمان
وهما من كانوا يحرضوا ضد الرئيس مرسى عن طريق الاعلام زمان وما زالوا حتى تلك اللحظه ,, لم يغمض لهم جفن وعندما فشلت اتهامات التخابر مع حماس
اخترعوا اتهام تخابر جديد مع قطر ربما غداََ إتهام جديد مع كوكب المريخ ..


بس الجديد بقاا إن ايام مرسى لم تنقطع الكهرباء فى الشتاء بتلك الدرجه
لأن على الاقل الان لم نستخدم بعد التكيفات فما بالك أذا شغلناها ماذا سيحدث

الان ونحن فى شهر مارس قطعت الكهرباء اربع مرات والمره الواحده ساعتين كاملتين
فماذا تبقى من اليوم ؟
ضاع اليوم وضاعت الحياة والكرامه والحريه وحتى التنفس
ويتبقى فقط السيسى
هنيئاََ للعبيد ...

[سيناا]

المشكلة دلوقتي أيها المشير



ان زمن الاخوان عدا راح


لماذا الرجوع والنظر للوراء