تعالوو نضحك سوا ع البخلآء هههههههه

[الآمير العآشق]

احلا نكت ع البخلاء

مره واحد بخيل جاله ضيوف فقال لمراته بفكر ادبح البغبغان دا
واعمل عليه شوربه واشويى رجليه
واعمل منو لحمة راس وكبد وقوانص
فرد عليه البغبغان
متحلبنى بالمره واعمل رز باللبن يروح امك.

مرة واحد بخيل جدا خبط فى حيطة اتعور جامد اوى
و قعد ينزف شافه واحد عسكرى قال له :
اشوفلك دكتور
قال له لا شوفلى حد يشترى الدم اللى نازل ده.

بخيل سأل مراته اجيبلك هدية جوازنا فلوس و لاتخدى موبايلى الجديد
قالت لنفسها دا بخيل لو قلت له فلوس هيدينى 2 جنيه
فقالتله موبايلك الجديد
قالها اكتبى عندك 01273..........

واحد بخيل قاعد يسمع الراديو وكان فيه حفلة خيرية في الراديو،
وبعدين مقدم الحفلة قال..دلوئتي هانبدأ جمع التبرعات..
راح البخيل قافل الراديو بسرعة

بخيل متعصب جدا و قاعد زعلان مراته بتسأله مالك ؟
قالها الصيدلية عاملة خصم و محدش فينا عيان

سألو واحد بخيل طحن: تعمل ايه لو الدنيا برد؟
قال: أروح جنب الدفاية. قالو: ولو الدنيا بردت أكتر؟
قال:أقرب من الدفاية. قالو: ولو بردت أكتر؟
قال: ألزق في الدفاية. قالو: طب ولو نزل تلج؟
قال: أشغل الدفاية بقى وأمري لله

بخيل اتحرق بيته اتصل بالمطافى رنة واحدة وقفل.

واحد بخيل راح يشترى ساعة لقيها غالية أشترى خمس دقايق

مرة واحد بخيل بيشرب شاى وقعت فيه دبانة طلعها و قعد يضربها
ويقولها تفى الى شربتيه.

واحد بخيل جدا جدا جوز ابنه وقاله العروسه دى ليك انت واخواتك
موش كل يوم هنعمل فرح.

مرة واحد بخيل اوووى حب يدهن شقته
دهن حيطة ابيض وكتب على باقى الحيطان نفس اللون


انا خلاااااص هشد شعري من البخلااء دووول

[اميره الشعر الشجين]

ههههههههههههههه وربنا جاااااااااااااامدين

[انا دنيته وهو حياتى]

ههههههههههههههههه
اعوذ بالله يا اخى
هو فى كدا

[العاشق الذى لم يتب]

ههههههههههههههههههه
كان نفسى أضحك وضحكت
وربنايفرحك قلبك
وحلوة الضحكة
تحياتى ودعواتى