مستنقع التشبيه الاسود

[big bốss]

السلام عليكم ورحمة الله و بركاته


يقع الكثير من الناس فى مستنقع من الوحل الفكرى لجهلهم معنى الآيات القرانيه

و استخدمها أستخدام خاطىء من اجل الدعايه ، و هذه كارثه و خصوصآ اننا

مجتمع مسلم .


فهناك من يقون بفتح محلات جديده يضعون

تلك الايات "انا فتحتنا لك فتحا مبينا "

- حيث شبه فتحه للمحل بالفتح المبين

و هناك الى بيفتح عصارة قصب

و يضع تلك الايات "وسقاهم ربهم شرابا طهورا "

و هناك الكثير مكتوب على السيارات

و فى الشوارع




ما رايك فى هذا الاسلوب ؟

و كيف نعالجها ؟

و على من تقع عاتق المسئوليه ؟


فالايات القرانيه لها معنى محدد و ليست للدعايه

و من الخطأ توصيف معانيها بغير حقيتها

[✿ Celiηα]

قد تكون نسبة الجهل العالية هي السبب
اللي بيحصل كالتالي اولا مفيش تعليم
مهي البنت اخرها هتتجوز والولد هينزل شغله مع ابوه
وهيتججوز بردو فالاخر وده منتشر جدا الفكر ده فمصر
لكن الدين اولا الصراحة تلاقي الواد او البنت حافظ المصحف
ما شاء الله بس مش فاهم فيه ولا كلمة فالبالتالي بينشأ
حاجات زي كده
حاجة تانية كمان انت قليل اوي لما تلاقي شخص تسأله عن حاجة
ويقولك لا مش عارف ؟ ازاي يا عم معرفش مانت طلاما بتسألني عليها
يبقى انت كمان مش عارفها واي كلام مضروب عليه شوية اناناس
وهبان قدامك اني المايسترو وانت هتبقى ماشي بكومة من المعلومات
الغلط فدماغك نتيجة كده للاسف بتحصل معايا شخصيا فالمدرسين
ممكن مثلا يا استاذ مهي دي المفروض تبقى كذا كذا وانا كلامي صح
وهي مجرد غلطة منه فيها ايه لما تصلحها والله والله بيالف عشان
يثبتلي انها صح عشان ميتحرجش مع اني مش شايفة فيها احراج
انا بحترم جدا الشخص اللي يقول مش عارف
اصل مستحيل انك تبقى عارف كل حاجة

موضوع قيم بيج بوص ..

[ŌиĹч.Ḿё]

ههههه سيب الغلابة ياكلو عيش

[ايمان طلعت]

طبعا هذا من قله التعليم
فى المدراس المناهج بتتحفظ مش بتتفهم
لو واحد فاهم مش هيشبه عصير القصب بحوض الكوثر
وغيرة كتير
زى مثلا اللى يتخض يروح قايل سلام قولا من رب رحيم
وطبعا مش عارف معناها ولا قالها فى مكانها خالص ولا ليها علاقه اساسا بالخضه
ناس غريبه و عليها بدع اغرب
وكله فى النهايه لقله التعليم والدين
او بالاصح لطرق التعليم الغير صحيحه
تحياتى

[حلم عمري]

اكيد دا جهل لان احنا مفيش عندنا اهتمام بالدين سواء في المدراس او في التربية او في الحياة عمتا
يعني مثلا معانا طالب حافظ حوالي نصف القران ولكن للاسف معندوش لا ادب ولا اخلاق ليه
لانه حافظ بس مش فاهم حاجة
ودا اللي بيحصل دلوقتي هما مجرد حافظين الايات لكن مش فاهمين معناها ايه
الموضوع محتاج نشر الوعي الديني والثقافي اكتر
تسلم نور للطرح

[™Amiliya]

السبب من وجهة نظري قلة الدين والجهل بيه والخلط في الاشياء والجهل في مصر مستمر
ربنا يهدي

[حالمة باميرى]

على فكرة انا اول مرة اعرف بالحكاية دى
ومنتشرة جدا
وعلى كلامك دة هنا يبقا فعلا قلة جهل وتوعية للناس
بس الناس الجهالة الى متعرفش تقرا ولا تكتب
المفروض الازهر يطلع ويتكلم فى الحكاية دى عامة
وبكدة الى حتى لو ميعرفش فى الى هيبلغة برضة

[العاشق الذى لم يتب]

طرح قيم
وإنتقاء رائع
جزاك الله خيرا
دام التميز والنشاط
تحياتى وودى