اتليتكو مدريد يتألق ويخرج البارسا من دوري الابطال

[აα∂ Ԑγεა]

وجه أتلتيكو مدريد الأسباني صفعة جديدة إلى مواطنه برشلونة في هذا الموسم العصيب
وأطاح به من بطولة دوري أبطال أوروبا لكرة القدم بعدما تغلب عليه 1-0 اليوم الأربعاء
باستاد “فيسنتي كالديرون” بالعاصمة مدريد في إياب دور الثمانية للبطولة.






وانهى اتليتيكو مباراة العودة على ملعبه كالديرون بالفوز 1-صفر
بعدما كان قد تعادل ذهابا الاسبوع الماضي في برشلونة 1-1
ليبلغ الدور قبل النهائي في ارفع مسابقة للاندية في اوروبا لاول مرة في 40 عاما

وهيمن اتليتيكو على اول عشرين دقيقة من اللعب
وبعد ان سجل لاعب الوسط كوكي من مسافة قريبة في الدقيقة الخامسة
سدد مهاجم برشلونة السابق ديفيد بيا مرتين في العارضة.

واستفاق برشلونة بعض الشيء في الشوط الثاني مستغلا الاجهاد الذي ظهر على لاعبي اتليتيكو
لكن الفريق صاحب الضيافة تماسك بقيادة مدربه الملهم دييجو سيميوني ليخرج منتصرا.

[აα∂ Ԑγεა]

تعليقي بقي :d

كان عندي شكوكي في تأهل اتليتكو للدور دا !
لكني في الحقيقة كنت اتمني دا بشدة :d
وشكوكي زادت مع الحظ العجيب اللي كان مع البارسا الشوط الاول !
كورتين في العارضة غير الجون اللي كان مش ناوي اصلا !
دا ايه دا !
بسهولة الشوط الاول ينتهي 3/0 والمباراه تخلص لكن الحظ أبي !

,,
عالعموم تأهل مستحق جدا وفريق منظم وقوي وحماسي للغاية
وعرف يسير المباراه زي ماهو عايز
وكان اخطر في اغلب اوقات المباراه ولو في توفيق كان هيكون فوز كبير !

في اندية ولاعبين يصنعوا مدربين , وفي مدربين بتصنع اندية ولاعبين !
سيميوني من افضل مدربين العالم حاليا واللي حققه دا انجاز كبير جداا
قدر من فريق متوسط يصنع مثلث في الليجا !
ويكون احد اضلع مربع الابطال ,
فعلا فعلا مجهود وشغل المدرب اولا واخيرا اللي في اتليتكو

,,,

نقط سريعه بقي :]

@ هو ميسي لعب ؟
@ خوان فران مجهود غير منقطع وملهوش نظير !
@ فيليبي لويس كالعادة رائع
@ اتليتكو فريق جماعي بدرجة امتياز !
@ فابريغاس ملهوش مكان في البارسا
@ كوبري نيمار :d حاجة فخيمة
@ اتليتكو فرض ذاته فغاب البارسا بجدارة

في الاخير
احد ابزر الامور اللي مخلياني مش مقتنع بجوارديولا كمدرب
هو انه كان بيعتمد علي ميسي فقط لا غير
في وقت كان عنده ابزر مهاجمين العالم علي الاطلاق
بل انه قتل نجوميه النجوم دي
" ايتو , هنري , ابرا , فيا "
اربعه من افضل مهاجمي العالم في التاريخ ! وقتلهم لمصلحة ميسي !
النهاردة الكواخي فيا اثبت نفسه للغاية في ماتش كبير وكبير جدا
ولولا الحظ السيئ لكان سجل هدفين عالاقل في مرمي البارسا !
اتمني وجود نجم وهداف اسبانيا الاول في المونديال القادم !

[محمود الصاروخ]

بصراحه دفاع أتليتكو كان من حديد ف الماتش ده
ويستاهل الماتش

تسلم عالتغطيه ياصحبى
دوام النشاط والتميز

[عيون مصرية]

كانت مفاجأة بالنسبة ليا خروج البارسا
بس فى نفس الوقت اتليتكو الموسم ده
فى افضل حالاته و كان يستحق التاهل
عمل مباراة كبيرة جدا امام البارسا
تسلم يا محمود على التوبيك و المجهود

ودى

[აα∂ Ԑγεა]

اقتباس المشاركة الأصلية كتبت بواسطة مـح ـ الصاروخ ـمود بصراحه دفاع أتليتكو كان من حديد ف الماتش ده ويستاهل الماتش تسلم عالتغطيه ياصحبى دوام النشاط والتميز

اصبح فريق حديد و صلب وصعب جدا بالفعل !
السؤال ماذا لو واجهوا فريق بنفس الاسلوب
يطلق عليه اسم تشلسي

اظن دي نهايه المغامرة لاتليتكو لكن اتمني ظني ميتمش :d
تسلم لمرورك وردك ياباشا ومنور القسم بوجودك الرائع

[აα∂ Ԑγεა]

اقتباس المشاركة الأصلية كتبت بواسطة عيون مصرية كانت مفاجأة بالنسبة ليا خروج البارسا بس فى نفس الوقت اتليتكو الموسم ده فى افضل حالاته و كان يستحق التاهل عمل مباراة كبيرة جدا امام البارسا تسلم يا محمود على التوبيك و المجهود ودى

لو علي اداء اتليتكو في اخر 4 مباريات ضد البارسا ؟
اظن كان العادي انه يخرج البارسا
لانه لحد دلوقت مخسرش من البارسا نهائي !

لكن شكوكي كانت في الحظ اللي بيخدم البارسا دايما + الحكم

تأهل مستحق طبعاا
تسلمي لمرورك وردك الجميل يا عيون مصرية