ريال مدريد يخطف فوزاً بنكهة إيطالية على بايرن ليفتح باب الاحتمالات في الإياب

[توحد ارواح]

ريال مدريد يُسقط البايرن بهدف ويقترب من اللقب العاشر جانب من مباراة ريال مدريد وبايرن ميونيخ فاز فريق ريال مدريد الإسبانى على ضيفه بايرن ميونيخ الألمانى بهدف نظيف، فى ذهاب نصف نهائى دورى أبطال أوروبا، فى المباراة المقامة على ملعب "سنتياجو برنابيو" معقل الفريق الملكى. وجاء هدف المباراة الوحيد عن طريق المهاجم كريم بنزيمة فى الدقيقة 19، بعد توغل من البرتغالى كوانتراو من الناحية اليسرى ومرر كرة متقنة لكريم بنزيمة الذى سدد الكرة بسهولة فى مرمى بايرن. شهدت المباراة سيطرة كاملة من لاعبى بايرن ميونيخ على أحداث المباراة، وقابل هذه السيطرة دفاع قوى من جانب لاعبى ريال مدريد. وخرج النجم كريستيانو رونالدو لاعب ريال مدريد فى الدقيقة 74، وشارك بدلا منه الويزلى جاريث بيل. ومن المنتظر أن يلتقى الفريقين الثلاثاء القادم فى مباراة العودة على ملعب "أليانز أرينا" فى ألمانيا. ويذكر أن ريال مدريد حصل على لقب بطولة دورى أبطال أوروبا تسع مرات من قبل كان آخرها عام 2002. Benzema by goalsandmore

[აα∂ Ԑγεა]

حاليا احد اهم الامور في كرة القدم انك تمتلك دفاع كويس
اي فريق يقدر يدافع ويتمركز كويس قادر علي انه يفوز علي اي حد !

البايرين للاسف وزي مانا كنت متاكد ومتوقع , اتحول لبرشلونه 2
نفس طريقة اللعب العقيمة اللي كانت في برسا جورديولا بقيت ف بايرين جوارديولا !
للاسف البايرين فقدت متعه وجماليه يوب هانكس الموسم الماضي !
واصبحت مجرد ممرين كرات قصيره مثل ما كان البارسا مجرد ممرين
,,

هل هييجو في اخر الماتش واالحكم يحسبلهم الفوز علشان الاستحواذ !
انا فاكر ماتش بروسيا دورتموند اللي خسروه ب 3 صفر من اسبوعين
البايرين عمل الشوط الاول 320 تمريرة وبروسيا دورتموند عمل 80 بس !
وخلص الشوط الاول 1/0 لدورتموند والماتش 3/0 !!
بكل بساطة الاستحواذ مش بيجيب اجوان !!
معادلة بسيطة ,,
320 باص عقيم من البايرين مقابل ربعهم بس لكن فعال من دورتموند !

نفس الحكاية النهاردة استحواذ تام لكن شبه عقيم من البايرين
بينما الريال عرف يسير الماتش زي ماهو عايز ,
ساب البايرين يمسك الكورة ( اللي جورديولا بيحبها ! ) وقفل هو دفاعه كويس
ولعب علي المرتدة اللي بيجيدها كويس , ( وجاب جون وضيع 2 )
بينما فرص حقيقية للبايرين طول فتره الاستحواذ دي مظنش موجودة !
’
مش عيب انك تلعب علي امكانياتك وقدرات لاعيبتك حتي هتدافع علي ارضك ,
البايرين فريق قوي جدا وعنده خط وسط رهيب واثنين باكات هم الاروع ف العالم ,
تفتح اللعب قصاد فريق زي دا , هتشيل كتير فعلا
الريال لعب ف حدود الامكان بالطريقة الصح وعرف يكسب !

النتيجة مش جامده ولا هيا هتحسم اي شيئ , ممكن البايرين بسهولة يتأهل ’
اداء مختلف شوية مع حماس اكتر وفاعليه هجومية اشد
البايرن قادر انه يحرز جون واثنين وتلاته كمان في المانيا !
فالمباراه لسه في الملعب
, لكن لو الريال دافع بنفس البساله والطريقة دي , قادر انه يحط البايرن برا !

- الونسو نجم فوق العادة ومايسترو خط وسط حقيقي
- بيبي اخر مبارتين هو بيبي الحقيقي , احد افضل مدافعي العالم !
- كوانتراو ادئ زي ما بيعمل مع المنتخب ,, اداء فوق الرائع !
- ايسكو ملتزم جدا واصبح لاعب مهم
- ريبري لم يظهر علي الاطلاق !

ف الاخير ,
وسط لعب بايرن اللي مبقتش بحبه , يبقي اريين روبين لاعب ذو نكهه خاصه !
حقيقي بستمتع بكل كورة تيجي تحت رجله !

[توحد ارواح]

النتيجه والماتش عموما مش كانت متوقعه اوى
كنا منتظرين نتيجه كبيره ولعب احلى من كدا
خاصة من فريقين كبار كلا منهم يبحث عن البطوله ويعتبرها من حقه
شكرا على تحليل المباراه الرائع الشيق
تحيتى

[العاشق الذى لم يتب]

أكيد اخباررياضية جديدة
ومعلومات وتحليل
ومش هكترفى الرد
غيراقول
شكراللمجهود
وتسلم الايادى
وسماح ياحوده
تحياتى