الحلقة الاولى / من برنامج اسرار بنات/ ومعانا روح صامتة

[حَرفُُ هجآءّ]

اسرار بنات كل بنت عندها اسرار ممكن تكون اسرار فرح اسرار حزن اسرار حب بتخفيها فى صندوق اسرار مغلق ومفتاحه معاها لوحدها بعيد عن الام والاب والاخوات وممكن الصحبات وان شاء الله فى البرنامج هنحاول نوصل لاسرار البنات وفى الحلقة الاولى من البرنامج معانا روح صامتة من مبدعى المنتدى نثــــراتـ عطــر* ~ اهلا بك روح صامتة فى برنامج اسرار بنات اهلا بيك ي جميل :* البرنامج اقرب للفضفضه عشان نعرف ونقرب من شخصيتك واسرارك اكتر قشطة انا معاك في اي حاجة ^^ ايه رأيك فى فكرة البرنامج انها مخصصه للبنات ولا احسن تكون للبنات والشباب ؟ والله انا كنت شايفة انها عادي تتشاف من الولاد والبنات بس بعدين لما شفت الاسئلة قلت خليها للبنات احسن عايزاكى تقعدى على الشازلونج وتريحى اعصابك على الاخر ونبدء بالجزء الاول ايه اكتر حاجة بتحبيها فى شخصيتك واكتر حاجة بتكرهيها؟ اجتماعية .. مبحبش اخد موقف من حد .. بحاول اوازن علاقتي مع الناس ع الناحية التانية .. سعات بنسى ايه هية حقوقي وايه هية واجباتي .. مش قيادية .. عمرك خوفتى من نفسك ؟ كتير .. ^^ وايه اللى يخليكى تخافى من نفسك ؟ الخوف بيجي من ان فيه حاجتين ببقى بفكر فيهم في نفس الوقت فكرة ان حاجة تنتصر عليا جوايا انا مش عايزاها دي بتضايقني زي الخوف او القلق ,, امتى حسيتى انك مسيره مش مخيره ؟ انا ما اخترتش جنسيتي ولا عمر ولادتي ولا نشأتي ^^ حاجات كتير مسيرة فيها من وانا صغيرة .. اكيد دى حاجات مسيرين فيها اسرار بنات :ليه معظم البنات بتكون اسرارها مع صحبتها وبتحاول باستماته اخفاء الاسرار دى عن باباها ومامتها ؟ هوة ع حسب التربية اللي الاهل مربيينها .. انا اعرف بنات مش بتخبي على امهاتها حاجة .. الموضوع زمان كان اصعب من دلوقتي بس بتفهم الاهل ان البنت دي عندها مشاعر وعندها تطور بيحصلها في مرحلة المراهقة يقدروا يخلوها تحت جناحهم ووفي نفس الوقت ما تغلطش .. يعني حتى هية مفتوحة ع النت مش زي من كام سنة قبل كده بس الاهل لما بيبقوا عاملين خوف للبنت .. البنت بتلاقي ان صاحبتها عايشة الحالة دي زيها فاهمة احساسها .. انما الاهل خليهم مرتاحين ان بنتهم مبعتملش الغلط قدامهم ,, وبس عشان كده بتخبي لانه هيوفر عليها كتير الحب : ليه الحب من ضمن الاسرار عند البنت ؟ الحب عندنا سر .. اولا البنات عندهم اعتقاد ان الحب العلني دا فضيحة وبيضر السمعة .. وبيعمل مشاكل بين الحبيبة لانه الكلام الكتير من الناس حواليهم بيخليهم اساسا مش طايقين العلاقة دي .. زائد ان اول ناس هتخاف يعرفوا همة الاهل لانهم مربيين البنت على فكرة ان الولد اللي هيتقدم للجواز هوة دا بس اللي هتحبيه وهوة دا الاحق بالموضوع .. فمبتحبيش براها والا هيكون غلط وعيب وحرام .. ووان لو حد عرف انها حبت فلان .. دا هيقلل مثلا فرصتها للجواز مثلا لو فركشت معاه .. حوارات من دي يعني وكل بنت لها سببها الاصدقاء : فى بنات لما اهلها يحاولو يعرفوا منها اسرار صاحبتها البنات البنت بتخفى عنهم أى اسرار ممكن بس تتكلم فى حاجات سطحية هل اخفاء اسرارهم لسبب معين ؟ هوة بيبقى خوف ع صاحبتها البنت دي .. ونوع من عدم الفتنة وافشاء السر وخصوصا لو محلفاها سعات البنت مبتبقاش واثقة اساسا ان اهلها هيسمعوا وهيسكتوا .. ممكن يروحوا يبلغوا اهل صاحبتها وتبقى مشكلة للبنت دا يعتمد بقه ع الفكرة اللي البنت واخداها عن اهلها دي وخصوصا لو اهل البنت دول متزمتين .. وفيه سبب تاني اللي هوة ان البنت بتكون خايفة لو حصل لصاحبتها مشاكل ان البنات يبطلوا يكلموها او يصاحبوها عشان دي هيبقى اسمها "فتانة" ^^ بس لما تفضح لصحابها البنات مبتبقاش كبيرة زي لما تقول للاهل ويخربوا الدنيا ^^ ليه البنت أول ما توصل لمرحلة الجامعة بتحس انها كبرت خلاص ومش محتاجة لمساعدة اهلها وبتعتبر دراستها ونجحهها شىء خاص ؟ ممممم .. بالنسبالي حياة الجامعة فيها تحرر اكتر انت بتختار حياتك في الجامعة هتبقى عاملة ازاي اكتر من ثانوية عامة وكل شوية ضغط ومذاكرة ومجموع فيه ناس بتعمل كده من ثانوية بس عامة الجامعة حياة بتحسسك بالمسؤولية .. والواقعية اكتر وبتتعامل مع جمهور اكتر من الناس بتعتمد ع نفسك تقريبا في كل اختياراتك بس انا من الناس اللي بشجع اننا نسمع لاهلنا ^^ مش شايفة اننا المفروض نكبر عليهم في اي سن .. لان فيه ناس بقه بتفكر انك عشان تعتمد ع نفسك لازم تتخلى عن انك تسمع لاهلك .. الكلام دا مش صح ! الجزء الثانى بتحبى المرايات وهل انتى من النوع اللى بيقف ادام المرايه كتير ؟ انا مبقفش قدام المراية الا عشان اظبط شكلي وانا خارجة او الحاجات المعتادة ^^ مش متعلقة بالمراية دلوقتي بدرجة كبيرة عمرك اتمنيتى انك تمثلى وتدخلى الوسط الفنى ؟ اه كان نفسك تكونى زى مين من الممثلات ؟ مفيش واحدة معينة ,, ياترى كان نفسك تكونى مين من الممثلات ؟ الفتنه كتير اخوات لما واحد منهم يعمل حاجه غلط تلاقى اخ او اخت ليه بيفتن لباباه او ماماته عن اللى عمله اخوه او اخته كنتى بئا من الاطفال الفتانين ولا اللى بيتفتن عليهم ؟ بابا علمنا اننا ما نفتنش .. ^^ مفيش الفتنة دي كننا ع طول متعودين لو حد غلط نقوله انت غلطت في وشه .. ولو مسمعش الكلام نقوله احنا هنقول لبابا وماما عمرك حسيتى بالغيرة من اخواتك ؟ حسيت بالغيرة لما طوروا عليهم المناهج بس بعدين اكتشفت اننا احسن :P لا مش بغير منهم شخصيا بصراحة :* انتى بئا دلوعة باباكى اكتر ولا ماماتك ؟ بابا اكتر .. ماما بتناقشني اكتر في اللي بعمله احكلنا موقف عملتيه واضربتى عليه من باباكى او مامتك ؟ دا وانا صغيرة بس انا اللي كنت غلطانة بصراحة بلاش احكيه بقه ^^ لييييييييييييه؟ حسيتى قبل كده بغيرة من وحده صحبتك انها اتخطبت وانتى لسه ؟ ههههههه لا طبعا ^^ هية جابت وجع القلب لنفسها هغير منها ع ايه زائد ان اللي اتخطبوا بعاد عني مش صحابي اوي ^^ نائر ونئير : مين الشخص اللى فى حياتك اللى انتى وهو نائر ونئير على طول ؟ والله هوة انا وخالي ع طول بنناقر في بعض الحمد لله لما بتكونى فى حالة شجن واكتئاب بتسمعى مين من المغنيين ؟ مفيش حد معين بسمع الاغنية الحزينة بس ^^ سمعت تامر عاشور قبل كده ؟ البني ادم دا حزين في كل حالاته بيكئبني ولما بتكونى فى حالة حب ورمانسية بتسمعى مين ؟ عادي بسمع اي اغنية سعيدة بس الاغاني بالنسبالي تعبير عن حالة الاغنية نفسها مش شرط تنطبق عليا هل انتى مقتنعه بعلاقة الــ ((Boy Friend)) مع شاب ؟ مش دي in puplic و without feelings so what ? لا مفيش حاجه ياوختى برحتك خالص مالص لو عرفتى ان نهاية العالم كمان اسبوع هتعتذرى لمين ؟ وهتشكرى مين ؟ هتعتبى مين ؟ هعتذر لأهلي عشان تعبتهم .. هشكر اهلي بردو عشان همة سبب نجاحي في حاجات كتير في الحياة .. هعاتب .. الي استندلوا معايا ^^ بدون ذكر اسماء بقه مين الشخص اللى لو شوفتيه ممكن تسيبى المكان وتمشى ( شخصيه عامة او خاصة ) ؟ ههههههههه مفيش لحد دلوقتي يعني .. لو هتتنفى فى جزيرة بعيده لمدة سنه هتاخدى مين معاكى ؟ ووهتاخدى ايه من حاجات الشخصية معاكى وليه ؟ هاخد بابا وماما واخوات هية لو الجزيرة فيها كهرباء انا هاخد الموبايل والشاحن طبعا :P رغااااااااااية بئا ياجماعه ايه رأيك بئا فى البرنامج قابله النقد البرنامج جميل ^^ تسلم ايدك ي اسيل ميرسى ربنا يخليكى وبكده خلصت الحلقة نورتى مى حلقة تجريبية والبرنامج قابل للتعديل رأيكم فى البرنامج يهمنى

[big bốss]

بتحبى المرايات وهل انتى من النوع اللى بيقف ادام المرايه كتير ؟

انا مبقفش قدام المراية الا عشان اظبط شكلي
وانا خارجة او الحاجات المعتادة ^^
مش متعلقة بالمراية دلوقتي بدرجة كبيرة :d



انتم بتلزقوا قدام المرايه فى الرايحه و الجايه

تظبط شكلها قال محسسانى انها موتور عربيه بيتظبط

و عايزه تأخدى شاحن و موبيل للجزيره ليه ؟

بتحبوا الرغى على الموبيل

اجابات جميله و اسرار حلوه عرفناها عن مى " الشخصيه الهادئه "

و برنامج جميل منك يا اسيل

بالتوفيق فيه

تقيمى

[۩۩ elMagic ۩۩]

اجابات عسل والله ودمها خفيف
منوره دايما يا مي
وبعدين ي عم اهلك واخواتك هما قدامك علطول
كمان لما تتنفي عايزاهم معاكي
طب ربنا يديم المحبه
الله ينور اسيل
برنامج شكله له مستقبل مميز
يدوم النشاط بقآ ,,,

[دمعه حائره]

حلوة اوى الاسئله واجابات مى جميله
انتى اصلا بنوته عسوله ومثقفه وبتعجبنى جدا آراءك
نورتى الحلقه وربنا يوفقك
تسلمى اسيل على الاستضافه

[حَرفُُ هجآءّ]

	المشاركة الأصلية كتبت بواسطة big bốss

	بتحبى المرايات وهل انتى من النوع اللى بيقف ادام المرايه كتير ؟ انا مبقفش قدام المراية الا عشان اظبط شكلي وانا خارجة او الحاجات المعتادة ^^ مش متعلقة بالمراية دلوقتي بدرجة كبيرة :d انتم بتلزقوا قدام المرايه فى الرايحه و الجايه تظبط شكلها قال محسسانى انها موتور عربيه بيتظبط و عايزه تأخدى شاحن و موبيل للجزيره ليه ؟ بتحبوا الرغى على الموبيل اجابات جميله و اسرار حلوه عرفناها عن مى " الشخصيه الهادئه " و برنامج جميل منك يا اسيل بالتوفيق فيه تقيمى

ميرسى يانور
نورت
وشاكرين افضالك بئا

[حَرفُُ هجآءّ]

	المشاركة الأصلية كتبت بواسطة ۩۩ elmagic ۩۩

	اجابات عسل والله ودمها خفيف منوره دايما يا مي وبعدين ي عم اهلك واخواتك هما قدامك علطول كمان لما تتنفي عايزاهم معاكي طب ربنا يديم المحبه الله ينور اسيل برنامج شكله له مستقبل مميز يدوم النشاط بقآ ,,,

تشكرات افندم
نورتنى
كتيييييييييير

[✿ Celiηα]

برنامج جميل جدا واسئلته حلوة
وحلوة فكرة انه يكون للبنات
والضيفة منورة

[حَرفُُ هجآءّ]

	المشاركة الأصلية كتبت بواسطة دمعه حائره

	حلوة اوى الاسئله واجابات مى جميله انتى اصلا بنوته عسوله ومثقفه وبتعجبنى جدا آراءك نورتى الحلقه وربنا يوفقك تسلمى اسيل على الاستضافه

ميرسى يامنه
تسلمى يارب
نورتى

[حَرفُُ هجآءّ]

	المشاركة الأصلية كتبت بواسطة ✿ celiηα

	برنامج جميل جدا واسئلته حلوة وحلوة فكرة انه يكون للبنات والضيفة منورة

ربنا يخليكى يارب
نورتى سيلينا
عقبال ماتنورينى فى البرنامج ضيفه

[Abdallah]

مجهود خرافى و اسئله مبهره
و اجابات و لا اروع من كده
شكرا جزيلا لكم ع خفه الدم و جمال الأسلوب
موفقين دوما بأذن الله تعالى ..