فال وحش لو مدخلتش ؟

[phalsteen]

مساء الخير

انا من زمان اوي عاوزة حد يجاوبني علي السؤال دا

يعني ايــــــــه فال وحش؟

الحاجات دي مشهورة اوي عندنا في الشرقيه
وكمان لاقتها في المنصورة
الناس دي بيجيبوا الكلام دا منين

في خطوبتي

اتقمصت مع احمد ومرضتش يلبسني الدبله
صرخت مرات عمي وزعلت اوي
وقالتلي دا فال وحش دا

في فرحي زهقت حبتين بئه

فقولت لاحمد تعالي نبدل الكراسي
لاقيت برضو مرات عمي
جايه تقولي وهي مخضوضه كدة
يا بنتي دا فال وحش

يوم كتب الكتاب

الفستان كان داخل فيه اللون الاسود
برضو جات نفسه الحاجه
وقالتلي فال وحش

يوم فرحي الساعه 6 الصبح
لاقيت مرات عم احمد بئه
ال ايه لازم انا واحمد ننزل نشتري ورد
ودا ليل علي ايام السعاه والحب
وفال وحش برضو لو معملناش كدة


اللي محيرني بئه

الخوف بيخليك تسمع الكلام
لكن طبعا مفيش ايمان بالكلام دا
يعني لو مروحتش جبت الورد في الفجر
مش هشوف السعادة

دا موروث شعبي ولا مجرد خزعبلات ؟

طب زمان كان في اميه بتخلي الناس تصدق اي كلام
لكن دلوقت ليه لسه متمسكين بالحاجات دي ؟

فال وحش ممكن نحطها تحت اي بند
تخاريف ولا تقاليد ؟

[اذار .]

أمم ولو أني مش من مصر ، لكن ب أجاوبك على سؤالك
لأن فيه نفس الكلام هذا عندنا بس بطريقة أخرى .

هذا الكلام مو صحيح أبدا ، و أشوف انه بيأخذ المعنى الاثنين
تقاليد و تخاريف ، بس فيه ناس بتلتزم فيه للوقت الحاضر ، و فيه ناس بتعقل
و تدرك أن هالكلام مو صحيح ، و انه مجرد خزعبلات مثل ما تفضلتي
حضرتك ، لأن ، لا يصيبنا إلا ما كتب الله لنا .

تقريبا أغلب الكلام جاء عن طريق الهزار ، و الناس أخذته بجديه
ف ماتسمعي للتخاريف هذي ، قولي لهم أن شاء الله و ما تعملي حاجه هههههههه

و يارب يخلي لك زوجك و ابنك و يُديم عليكم السعادة

تقبلي رديّ عزيزتي

[აα∂ Ԑγεა]

يا سما فال وحش انك تفكري في الامور دي

مورثات شعبيه من زمن الجهل والامية ,
مستمرة لانها علي فكرة إنا وجدنا آبائنا وإنا علي آثارهم !

[ايمان طلعت]

هى ممكن تكون منبعثه من تجارب قديمه
او موقف معين حصل واتعقدوا منه
فلما يحصل زيه يقولك دة فال وحش
هى عموما معتقدات خاطئه موروثه
فاصبحت تقليد اعمى دون تفكير

[big bốss]

كلها تخاريف و مورثات خاطئه بسبب جهل الاجيال القديمه

بس فى طريقها للذوال

[شاعر الحب الحزين]

جهل وقلة دين وقلة إيمان بعيد عنك

مش ايمان طلعت لا اقصد الإيمان نفسه هههاي

اسمعي من هنا ونفضي من هنا

كله كلام فاضي الناس اللي بتقول الكلام ده عنيها وحشة يا سما خلي بالك

بس ليه انتي تقلديهم وتقولي فال وحش لو مدخلتش ههههاي

طب انا دخلت اهون يعني لو مدخلتش كان المنتدى هيتقفل ولا ايه هههههاي

تسلم إيديكي يا أم حمني

نقطة مهمة جدا للحوار بس بيني وبينك موضوع مش مستاهل عشان

فال وحش لو اتكلمنا فيه هههههاي

تسلمي سما

[morshooo]

معتقدش ان الكلام دا صح
وفى حد بيصدقه

[phalsteen]

اقتباس المشاركة الأصلية كتبت بواسطة أذار . أمم ولو أني مش من مصر ، لكن ب أجاوبك على سؤالك لأن فيه نفس الكلام هذا عندنا بس بطريقة أخرى . هذا الكلام مو صحيح أبدا ، و أشوف انه بيأخذ المعنى الاثنين تقاليد و تخاريف ، بس فيه ناس بتلتزم فيه للوقت الحاضر ، و فيه ناس بتعقل و تدرك أن هالكلام مو صحيح ، و انه مجرد خزعبلات مثل ما تفضلتي حضرتك ، لأن ، لا يصيبنا إلا ما كتب الله لنا . تقريبا أغلب الكلام جاء عن طريق الهزار ، و الناس أخذته بجديه ف ماتسمعي للتخاريف هذي ، قولي لهم أن شاء الله و ما تعملي حاجه هههههههه و يارب يخلي لك زوجك و ابنك و يُديم عليكم السعادة تقبلي رديّ عزيزتي

اه مهو طبيعي يا قلبي مش مقتنعه
ولا بحطه في بالي
بس عاوزة اعرف ليه متمسكين بيه
وزي ما انتي قولتي
بيدأ هزار لح ما بيصدقوه
نورتي يا قلبي

[العاشق الذى لم يتب]

خلاصة الكلام والحكاية
انك ربناكرمك وبقيت زوجة أحمد
وحبيبة أحمد
وأم محمد وحبيبة محمد
وحكايات وعادات ماأنز ل الله بها من سلطان
وأظن الجيل الحالى نادرا ماتكون فيه هذه العقلية
وهى وكما أشاروا من سبقونى فى طيقها للزوال
ولانأخذ ولانهتم إلا بماجاء فى القرءان وسنة الحبيب محمد
صلى الله عليه وسلم
شكرا لك سما
طرح راقى
تحياتى

[phalsteen]

اقتباس المشاركة الأصلية كتبت بواسطة აα∂ Ԑγεა يا سما فال وحش انك تفكري في الامور دي مورثات شعبيه من زمن الجهل والامية , مستمرة لانها علي فكرة إنا وجدنا آبائنا وإنا علي آثارهم !

لا مبفكرش والله يا ساد
بس عندك حق
كلامك صح فعلا