الزواج العرفى بالمدارس من السبب؟

[همس الحنين]

اقتباس المشاركة الأصلية كتبت بواسطة دمعه حائره مدارس اعداديه دى كارثه بجد بس مش مفاجأه وسط مجتمع اختلت فيه كل القيم والاخلاق وافلام بتنزل تدعو للرزيله والخيبه ومافيش مثل اعلى حتى المدرس بيعتدى على تلاميذه ولافى رقابه ولاتربيه فى البيت سايبين الولاد ياخدوا ثقافتهم وتربيتهم من النت قريب اوى هانبقى زى اوروبا بس فى الانحلال والتفكك الاسري احنا محتاجين ثوره اخلاق تنضف المجتمع موضوع خطير تسلمى بسنت

والله يا دمعه

الامر محزن وكما ذكرتى محتاجين ثورة اخلاقيه

مش للابناء للاباء

احترامى حببتى لفكرك وردك

[همس الحنين]

اقتباس المشاركة الأصلية كتبت بواسطة الآمير العآشق كتير بتعجب لما بسمع او اشوف مثل هذي الامور وهقولك الاعجب / كانت موضه عندنا السنه الي فاتت زواج الدم وزواج المسيار وزواج الكاسيت وزواج الوشم وزواج الطابع والسنه دي حصل الاعجب / معانا اتنين اصحابنا بالكليه بينهم علاقة حب / وعشان مفيش صبر لما نخلص وبعدها كل واحد يعرف مستقبله ف ظل نظام بلادنا الهباب المووهيم ملخص الحوار دا دار ادامنا بالضبط هو قالها موش انتي بتحبيني / وهي ترد انت لسه بتسال قام قالها خلاص قولي زوجتك نفسي / قامت هي بدون تردد او حتي حياء من وقوفنا معاهم / ردت قالت زوجتك نفسي وهو رد نفس الجمله زوجتك نفسي !! وخلااص / ف اقل من خمس دقايق اتفق مع صاحب تاني لينا يروح مكان هو يعرفه عشان يمارسو حقوقهم الشرعيه من وجهة نظرهم !! هووناا سؤالي البت دي انتي مغيبه للدرجه دي ! ولا موش فاهمه اصلا كيفية الزواج الشرعي ولا عاوزه تلائي تبرير للزنا وخلااص ! وحتي صاحباتها مفيش واحده منهم اعترضت بالعكس كانهم نفسهم يعملو زيها ! وهووناا انا لي رايي الخاص وبدون زعل من اي حد ان السبب ف كل دا / هي حرب الفكر العلماني الي عاوز ينشر افكاره عندنا هوونا بمصر للاسف كل هذا الاسفاف والابتذال في الفن المعروض والذي يتلقاه الاطفال من سن صغير لتصير بعد ذلك هي سمة حياة الجيل المصري / وجيل ورا جيل ينشا علي هذا الفكر العلماني الذي ينسي او يتناسي تعاليم الدين ويبدء ف المناداه بكل شي حديث تحت مسمي التفكير العقلاني والمناداه بالتطور ف الحياه والابداع الفني بكل هذا الانحطاط تحت مسمي حريات الابداع / و بافكار تناست حديث رسول الله صل الله وعليه وسلم (( اياكم ومحدثات الامور فان شر الامور محدثاتها وان كل محدثة بدعة وكل بدعة ضلاله وكل ضلالة في النار )) يسلموو همسات طرح موضووع للنقاش موووهييم جدا ف حياتنا دمتي متالقهـ

اه سمعت عن الزواج بكلمتين

وقولها زوجتك نفسى وبعد ما تفوق من وهم الزواج او الزنا

تكتشف انها حامل وتتضر الى اجهاض الجنين او القائه فى القمامه

الفكر العلمانى له عامل كبير والسبب انه بيدور قدر الامكان عن تبرير اغراضه بتنويع الاحكام

ويطلع شئ كده اسمه بنى أدم ويقول بنتى طالما وصلت سن 21 هى حره تعمل الى عوزاها

من الاخر ديوث ولا يحترم حتى فكره

اغلب الافلام والمسلسلات قائمه على زرع حرية البنت والولد فى اختيار شريك الحياه

حتى بدون اخبار الاهل يالا بعد ما تبقى ام تبلغ لان وقتها بتكون وقعت فى كارثه

بس الامر كمان مافيش رقابه من اولياء الامور

احترامى لك أ. امير

[همس الحنين]

اقتباس المشاركة الأصلية كتبت بواسطة .نبض القلوب. دا فى مصر !!!! والله مش هقولك السبب التربية لان االاهل بيربوا و البنت او الولد بيكونوا ف البيت زى الألف بس يخرجوا للشارع يتجننوا ؟!!!! بيقلدوا الافلام و المسلسلات و خلافه عموما إذا كانت ظااهرة فعلا حقيقة فـ ربنا يرحمنا و يهديهم

اه والله يا نبض فى مصر

وانا ممكن اذكر اسم المدرسه والمحافظه بس امر زى ده غير محبب عندى

دى مش ظاهره دى كارثه ان لم تعالج اصبحت وباء

شاكره تقديرك

مودتى

[همس الحنين]

اقتباس المشاركة الأصلية كتبت بواسطة moulin اسباب كتير بتؤدي للظاهرة دي التربيه والاعلام والتعليم لان هي دي مصادر الطفل في الحياة اذا كانت التربيه سليمه والاعلام نضيف ييخاف ع شبابه وبناته والتعليم فيه نظام وحرص ومراقبه وفصل الشباب عن البنات في المدارس بمعنى ان المدرسه تكون اما بنات بس او ولاد مش مختلط عمر ماهتكون للظواهر البشعه دي وجود وهتكون المدرسه اخلت مسؤليتها من الموضوع وترجع المسؤليه للاباء ربنا يستر علينا ويهدينا ويثبتنا ع دينه تسلمي لطرحك

الاعلام من اسرع الوسائل نشر للرذيله

لان لو استخدم الاعلام بهدف التوعيه الصحيحه كان منع الافلام القذره

والمسلسلات الهادمه

والاعلانات الماجنه

ولا البراماج الى بتعرف المجرم والمغتصب كيف يقوم بفعلته وجرمه

ربنا المعين

الف شكر لكى

مودتى

[همس الحنين]

اقتباس المشاركة الأصلية كتبت بواسطة big bốss تعرفى أيه سبب الكارثه دى الافلام الى بتنشر الرزيله و تنثر انحطاط القيم من غير اى معيار هادف و اختلال اساس التربيه فى البيوت المصريه و انحدار وظيفة التعليم الى المفروض يغرس قيم و يزرع أخلاق مش أنحطاط موضوع جميل بسنت

البيوت افتقرت للتربيه السليمه

ام او اب نفسهم بس يوفروا الرافهيه للاولاد

موبايل ونت من سن 8 سنين ومافيش رقابه

اعلام فاسد كرتون فاسد

النتيجه جيل منحل اخلاقيا

اشكرك

احترامى لك

[همس الحنين]

اقتباس المشاركة الأصلية كتبت بواسطة حلم عمري هو احنا فعلا كان منتشر عندنا في المدرسة الاعدادي البنات والولاد اللي بيصاحبوا بس متوقعتش انها توصل للدرجة دي وفيه كذا سبب للموضوع دا اولا التربية والرقابة من البيت صحيح بيكون في طلبة اهاليهم كويسين ومحترمين بس للاسف مش بيكون في رقابة تاني حاجة المدرسة بردو لازم يكون فيها اهتمام ورقابة طبعا ثالثا بقا ودا السبب الرئيسي الافلام اللي بقينا نشوفها الوقت الحالي اللي بتصور مصر رقاصة وبلطجي وخلاص وبتدفع الشباب للافعال دي وبصراحة دي كارثة بكل المقاييس ربنا يحفظنا ويصلح الحال موضوع رائع حبيبتي تسلمي

اه تعرفى اكثر ما يتعبنى من تلك الافلام

تصوير المجتمع المصرى كله

مابين خمر وقمار ومخدرات وزنا ورقص

ومافيش فيلم يتكلم عن الدين والاخلاق

واصبح كل من ينادى باخلاق زى ما بيقولو دقه قديمه

شاكره تفاعلك الراقى حببتى

مودتى

[همس الحنين]

اقتباس المشاركة الأصلية كتبت بواسطة العاشق الذى لم يتب حقا انها مشكلة وجريمة بمعنى الكلمة وليست مقتصرة على مصرفقط بل موجودة فى جميع المجتمعات العربية واناشوفت بنفسى كنت موجود فى اكبردولة عربية بعد مصر وبالصدفة حيث كانت الحافلة والتى تقل طالبات وبعد نزولهن سمع السائق صوت بكاء طفل حمله وإذ به حديث الولاده دخل للإدارة وكل المدرسة فتايات وبالتى تم استدعاءالطالبتا واللاتى كن يركب الحافلة وأستدعت مديرة المدرسة طبيبة نساء وتم الكشف على الطالبات وعرفت أم الطفل وكانت الفجيعة الكبرى أن 96% من طالبات المدرسة بعد إجراء كشف العذرية عليهن كانت النتيجة أنهن غيربكر وهذه حالة كنت أناشاهدعيان عليها حيث أخبرنى بذلك إحدى المدرسات فى تلك المدرسة ولكن أرى أن ذلك يرجع لعدم متابعة الأهل لأبنائهن وكذلك تيسيرالتواصل بين الجنسين شكرالك همسات لطرح عظيم تحياتى

اه والسبب ان كل بنت مستعجله

على ايه مش فاهمه

عمرهم ما تخيلوا ان الزنا وطفل الزنا ينسب الى امه

دى نفسها جريمه

والمشكله تتكلم مع اى بنت عن اللبس المحترم مش هقول حجاب كامل

تقول موضه وخرافات

والله دى كارثه ووباء وفعلا مش قاصره على مصر

انا شوفت فى كذا جريده جرائم قتل اطفال رضع والسبب مجهول

ويكتشف انه ولد زنا ويعترفوا بعد كده

شاكره ردك

احترامى

[همس الحنين]

اقتباس المشاركة الأصلية كتبت بواسطة شاعر الحب الحزين يعني مدارس ما بتعلمش القيم والأخلاق والشباب والبنات دول مش صغيرين للدرجة دي مش جهلة هما والحق باين والباطل باين الصح باين والغلط باين ربنا يهدينا ويهديهم موضوع رائع للمناقشة

الحلال بين والحرام بين وبينهما امور مشتبهات

بس مين هنا يعلم الحلال والحرام

اولا الاسره

ثانيا المدرسه

ثالثا المجتمع وهنا يقتصر على الاعلام

لو جمعت كل دول فى بؤره الانحراف عادا الاسره

تجد النتيجه سلبيه

لان فى اسر محافظه وبتسعى للتربيه السليمه

انما الاعلام والمجتمع نفسه لا يقبل الا بالانحلال

شاركه لك تفاعلك

مودتى

[همس الحنين]

اقتباس المشاركة الأصلية كتبت بواسطة ساحر الأحزان أنا كنت قريت دراسة من فترة كبيرة كانت فى أنجلتر وحمل البنات وهما لسة فى تانية وتالتة أعدادى وكان بنسبة كبيرة ؟ ودة كان الرد علية بتحجيمة بنزول رجال الدين لنشر الوعى الفكرى عند الشباب والبنات وخصوصا فى بلد علمانى زى أنجلتر ؟ أنما أحنا فى مصر ودة يختلف كتير أنما عندنا فى مصر وفى السن الصغيرة يبقى دة زى المرض الخبيث ألى محتاج السيطرة علية يعنى لما بنت صغيرة ولا ولد عندة فيس ولا تويتر ولا قدام النت من دون رقيب تتوقعى منة أية ؟ مطلوب الرقابة من الأباء على أولادهم وخصوصا فى السن الحرجة دى مجبشى لأبنى ولا بنتى تيلفون حديث ينزل مقاطع أباحية علية وأسيبة برحتة من غير ما أتدخل لأن الولاد ولا البنات فى الوقت دة بيكون تفكيرهم غير مستوعب خطورة الموقف والمدرسين ليهم برضة دور كبير فى مراقبة سلوك الابناء وتبليغ أولياء الأمور حتى يمكن السيطرة على الوضع السىء قبل أستفحالة

المرض الخبيث مشكلته

انه بينتشر بتوغل فى سريه تامه

بيظهر عندما تحدث الكارثه

لما كنا بنقول الاختلاط حرام فى الدراسه من سن الاعدادى

بيتم الهجوم بطريقه بشعه ويقال انتم متخلفين البنت تصون نفسها لو فى وسط الف رجل

طيب والاغتصاب فين من ده مافيش

لما يتقال تمنع المنتقبات من الدراسه الا لو خلعت نقابها

والمتبرجه تكرم

وقتها توقع الكوارث

لما يتكرم الفنانات والراقصات على المجون والرزيله

وطفل خاتم للمصحف بتجويد وتفسير

يتم تجاهله

تبقى الحرب من المجتمع على الاخلاق وتشجيع الفشل والرزيله

ينتج عنها كارثة الزواج العرفى او الزنا والاغتصابات ومنها ينشق اطفال الشوارع وجرائم الاطفال مجهولى النسب وقتل الاجنه والقائهم فى المخلفات

لما تعرض على الشاشه كيفيه اغتصاب طفله عمرها 9 سنوات والمغتصب يلقها حتى الموت
ومع ذلك عقوبته تافهه يبقىى بيفتح الباب لاى مريض يفعل ولا يعاقب

المفروض الجزاء من جنس العمل

لكن من يفعل

شاكره لك أ ساحر

واسفه على الاطاله

[ابتسام القمة]

للأسف ينتشر الفساد بين الطلاب في المدارس
والزواج العرفي منتشر بين الطالبات والطلاب في المدارس حتى في المدارس الابتدائية
أين الرقابة لا أعلم
أين الأمهات والآباء لا اعلم
أين المعلمين والمعلمات لا اعلم
اتمنى ان يكون هنالك حل
والظاهرة ليست في مصر فقط بل في الوطن العربي كله