الزواج العرفى بالمدارس من السبب؟

[همس الحنين]

السلام عليكم ورحمة الله وبركاته

فى أحدى المدارس الاعداديه

انتشرت شائعات حول زواج الفتايات عرفى بشباب

كانوا لهم صحبه

يعنى مصاحبيين

الموضوع اتكرر فى كذا مدرسه

كنت الاول بسمع الامر ده فى الكليات

انما فى مدراس لسه اعدادى وثانوى

زواج عرفى وتجبر مديرة المدرسه بالكشف على البنات

امر مقزز

فما الذى جرى كى تصبح تلك الظاهر ه

هل تربيه

الدراسه نفسها

وما سبب تسيب الابناء

واين الرقابه واين الامهات

بأسف والقلب ينزف

لما نسمع من تلك القزارات

مشكله حدثت واقعيه

ربما تتكرر وربما نجدها فى كذا مكان

فما الدافع

وما الحل

حفقظكم الله من كل سوء

همسات فوق القمر

[دمعه حائره]

مدارس اعداديه دى كارثه بجد
بس مش مفاجأه وسط مجتمع اختلت فيه كل القيم والاخلاق
وافلام بتنزل تدعو للرزيله والخيبه
ومافيش مثل اعلى حتى المدرس بيعتدى على تلاميذه
ولافى رقابه ولاتربيه فى البيت
سايبين الولاد ياخدوا ثقافتهم وتربيتهم من النت
قريب اوى هانبقى زى اوروبا بس فى الانحلال والتفكك الاسري
احنا محتاجين ثوره اخلاق تنضف المجتمع
موضوع خطير تسلمى بسنت

[الآمير العآشق]

كتير بتعجب لما بسمع او اشوف مثل هذي الامور
وهقولك الاعجب / كانت موضه عندنا السنه الي فاتت
زواج الدم وزواج المسيار وزواج الكاسيت
وزواج الوشم وزواج الطابع
والسنه دي حصل الاعجب / معانا اتنين اصحابنا بالكليه
بينهم علاقة حب / وعشان مفيش صبر لما نخلص
وبعدها كل واحد يعرف مستقبله ف ظل نظام بلادنا الهباب
المووهيم ملخص الحوار دا دار ادامنا بالضبط
هو قالها موش انتي بتحبيني / وهي ترد انت لسه بتسال
قام قالها خلاص قولي زوجتك نفسي / قامت هي بدون تردد
او حتي حياء من وقوفنا معاهم / ردت قالت زوجتك نفسي
وهو رد نفس الجمله زوجتك نفسي !!
وخلااص / ف اقل من خمس دقايق اتفق مع صاحب تاني لينا
يروح مكان هو يعرفه عشان يمارسو
حقوقهم الشرعيه من وجهة نظرهم !!

هووناا سؤالي البت دي انتي مغيبه للدرجه دي !
ولا موش فاهمه اصلا كيفية الزواج الشرعي
ولا عاوزه تلائي تبرير للزنا وخلااص !
وحتي صاحباتها مفيش واحده منهم اعترضت
بالعكس كانهم نفسهم يعملو زيها !

وهووناا انا لي رايي الخاص وبدون زعل من اي حد
ان السبب ف كل دا / هي حرب الفكر العلماني الي عاوز
ينشر افكاره عندنا هوونا بمصر
للاسف كل هذا الاسفاف والابتذال في الفن المعروض
والذي يتلقاه الاطفال من سن صغير لتصير بعد ذلك
هي سمة حياة الجيل المصري / وجيل ورا جيل
ينشا علي هذا الفكر العلماني الذي ينسي او يتناسي تعاليم الدين
ويبدء ف المناداه بكل شي حديث تحت مسمي التفكير العقلاني
والمناداه بالتطور ف الحياه والابداع الفني بكل هذا الانحطاط
تحت مسمي حريات الابداع
/ و بافكار تناست حديث رسول الله صل الله وعليه وسلم (( اياكم
ومحدثات الامور فان شر الامور محدثاتها وان كل محدثة بدعة
وكل بدعة ضلاله وكل ضلالة في النار ))

يسلموو همسات
طرح موضووع للنقاش موووهييم جدا ف حياتنا
دمتي متالقهـ

[.نبض القلوب.]

دا فى مصر !!!!

والله مش هقولك السبب التربية
لان االاهل بيربوا و البنت او الولد بيكونوا ف البيت زى الألف
بس يخرجوا للشارع يتجننوا ؟!!!!
بيقلدوا الافلام و المسلسلات و خلافه

عموما إذا كانت ظااهرة فعلا حقيقة
فـ ربنا يرحمنا و يهديهم

[Safira]

اسباب كتير بتؤدي للظاهرة دي
التربيه والاعلام والتعليم لان هي دي مصادر الطفل في الحياة
اذا كانت التربيه سليمه
والاعلام نضيف ييخاف ع شبابه وبناته
والتعليم فيه نظام وحرص ومراقبه وفصل الشباب عن البنات في المدارس
بمعنى ان المدرسه تكون اما بنات بس او ولاد مش مختلط
عمر ماهتكون للظواهر البشعه دي وجود
وهتكون المدرسه اخلت مسؤليتها من الموضوع
وترجع المسؤليه للاباء
ربنا يستر علينا ويهدينا ويثبتنا ع دينه
تسلمي لطرحك

[big bốss]

تعرفى أيه سبب الكارثه دى

الافلام الى بتنشر الرزيله و تنثر انحطاط القيم من غير اى معيار هادف

و اختلال اساس التربيه فى البيوت المصريه

و انحدار وظيفة التعليم الى المفروض يغرس قيم و يزرع أخلاق

مش أنحطاط

موضوع جميل بسنت

[حلم عمري]

هو احنا فعلا كان منتشر عندنا في المدرسة الاعدادي البنات والولاد اللي بيصاحبوا
بس متوقعتش انها توصل للدرجة دي
وفيه كذا سبب للموضوع دا
اولا التربية والرقابة من البيت
صحيح بيكون في طلبة اهاليهم كويسين ومحترمين بس للاسف مش بيكون في رقابة
تاني حاجة المدرسة بردو لازم يكون فيها اهتمام ورقابة طبعا
ثالثا بقا ودا السبب الرئيسي الافلام اللي بقينا نشوفها الوقت الحالي
اللي بتصور مصر رقاصة وبلطجي وخلاص وبتدفع الشباب للافعال دي
وبصراحة دي كارثة بكل المقاييس
ربنا يحفظنا ويصلح الحال

موضوع رائع حبيبتي تسلمي

[العاشق الذى لم يتب]

حقا انها مشكلة وجريمة بمعنى الكلمة
وليست مقتصرة على مصرفقط
بل موجودة فى جميع المجتمعات العربية
واناشوفت بنفسى كنت موجود فى
اكبردولة عربية بعد مصر
وبالصدفة حيث كانت الحافلة
والتى تقل طالبات وبعد نزولهن
سمع السائق صوت بكاء طفل
حمله وإذ به حديث الولاده
دخل للإدارة
وكل المدرسة فتايات
وبالتى تم استدعاءالطالبتا واللاتى كن يركب الحافلة
وأستدعت مديرة المدرسة
طبيبة نساء
وتم الكشف على الطالبات وعرفت أم الطفل
وكانت الفجيعة الكبرى
أن 96%
من طالبات المدرسة بعد إجراء كشف العذرية عليهن
كانت النتيجة أنهن غيربكر
وهذه حالة كنت أناشاهدعيان عليها
حيث أخبرنى بذلك إحدى المدرسات فى تلك المدرسة
ولكن
أرى أن ذلك يرجع لعدم متابعة الأهل لأبنائهن
وكذلك تيسيرالتواصل بين الجنسين
شكرالك
همسات
لطرح عظيم
تحياتى

[شاعر الحب الحزين]

يعني مدارس ما بتعلمش القيم والأخلاق

والشباب والبنات دول مش صغيرين للدرجة دي مش جهلة هما

والحق باين والباطل باين الصح باين والغلط باين

ربنا يهدينا ويهديهم

موضوع رائع للمناقشة

[ساحر الأحزان]

أنا كنت قريت دراسة من فترة كبيرة كانت فى أنجلتر وحمل البنات وهما لسة فى تانية وتالتة أعدادى وكان بنسبة كبيرة ؟

ودة كان الرد علية بتحجيمة بنزول رجال الدين لنشر الوعى الفكرى عند الشباب والبنات

وخصوصا فى بلد علمانى زى أنجلتر ؟

أنما أحنا فى مصر ودة يختلف كتير

أنما عندنا فى مصر وفى السن الصغيرة يبقى دة زى المرض الخبيث ألى محتاج السيطرة علية

يعنى لما بنت صغيرة ولا ولد عندة فيس ولا تويتر ولا قدام النت من دون رقيب تتوقعى منة أية ؟

مطلوب الرقابة من الأباء على أولادهم وخصوصا فى السن الحرجة دى

مجبشى لأبنى ولا بنتى تيلفون حديث ينزل مقاطع أباحية علية وأسيبة برحتة

من غير ما أتدخل لأن الولاد ولا البنات فى الوقت دة بيكون تفكيرهم غير مستوعب خطورة الموقف

والمدرسين ليهم برضة دور كبير فى مراقبة سلوك الابناء وتبليغ أولياء الأمور

حتى يمكن السيطرة على الوضع السىء قبل أستفحالة