عناوين ومعانى..الحلقة الثالثة عشر..Aya 7ekaya

[العاشق الذى لم يتب]

السلام عليكم ومساءكم عنبروجورى عناوين ومعانى والحلقة الثالثة عشر: تجولت مع أحبتى أصحاب المدونات باحثا ومكتشفا تلك الأسرار والمعانى لعناوين مدوناتهم لنبحر سويا فى أنهار عذب مكنوناتهم نرتشف رحيق زهورهم الندية المفتحة ونبتهج بأريج عبق عطور كلماتهم الدالة على صفاء نفوسهم وومضات قلوبهم نتجول ربوع أمزجتهم حيث يكونوا فريحين تارة وأخرى غيرمستقرة لنرى كيف يكون معبرا نثر أقلامهم لقائى اليوم مع ذات الروح الخفيفة والكلمة النظيفة والضحكة الظريفة والأخلاق العفيفة كان لضحكتها حكاية فهى دوما باسمة والسعادة على وجوه الآخرين راسمة تمرح فى معيتها وتفرح ومن جليل شخصها تنهل السماحة وفى بساطتها تسرح إذا ماذهبت لضيافتها تجد لديها كل حديث وجميل تختار من بضاعتها مايشفى العليل حيث تعرض مايسرالعيون وكل إبتكارات الفنون غرف نوم ومطابخ وكل مايلزم العرائس الفارحون معى ومعكم أختى الغالية آية Aya 7ekaya مساءالخير واهلا وسهلا ومرحبا اتمنى قبول ضيافتى فى برنامج عناوين ومعانى والتكرم بالإجابة على الآتى 1 ماهو اسم مدونتك تنآسيت صمت عآلمي وأدركت أنني ← آستثنآء ♥ ( وردة خجوله )! ‏ 2 ما المعنى والمدلول من الاسم المعنى واضح جدا يعنى مش لاقيه شرح بصراحه وبين القوسين وردة خجوله ده كان اول اسم سجلت بيه ف المنتدى 3 أختارى 3 مشاركات منها مع التعليق على كل وحدة منهم اقتباس من يومين رفعت الصورة دى كرمزيه للفيس والاسكـ بتاعى لانى خلاص مليت .. مليت من كل حآجة حوليآ بجد #من ناس اتغيروا من غير سبب ونسيو احنا كنآ ازاى مع بعض #وناس قالتلى خليكى عارفه انا مااقدرش ابعد عنك واهى دلوقت مش بتدينآ وش #وناس قالت لو سبتينى انا ممكن اموت ودلوقت تقريبا نسيت اسمى #وناس بكلمها واقولها ليه مش بتسالى تقولى بقالى فترة بدخل ومش بكلم حد وناس ، وناس ، وناس انا نفسى ارجع للسن ده حياتى ورقه بيضه مفيهاش شخبطه كل اللى يهمنى ماما ولعبتى اللى بحبها نفسى ارجع مش فاهمه أى حاجة ف اى حاجة ولا انام يوم من غير دموع ! نفسى ترجع فيا الملامح دى بدل ملامح الحزن اللى بتتخبى من الناس اللى تعرفنى لمجرد ان جوايا شىء اسمه كبريآء عايزة أرجع آية اللى فـ الصورة ، مش آية اللى مآتت كل حاجة حلوة فيها لمجرد اشخاص كل اللى فيهم انانيه انا نفسى ارجع آيـــــــــــــــــــة دى ،،، حقيقى كتير بحلم ارجع بحياتى كام سنه كده وابدأ صح وابعد عن حاجات كتير غيرتنى اقتباس فـرآغ كبير فى حياتى رغم انى فى بدآيات الفراق الحقيقى ألم دآخلى غير عادى كلام كتير مكتوم مش قادرة اسمعه حتى جوايا بختصار هو ده الموت البطىء ## من اصعب اللحظات ال عشتها ف حياتى .. الحمد لله اقتباس صبآح الخير بقا .. صاحيه بجرى ومرعوبه وخايفه من النتيجة وكل اللى بيقولى هاتى رقم جلوسك اشوفهالك بزعقله واضربه واحتمال اعضه ،, هه بقا و طبعآ قلبى عمال يعمل .. دوم دوم جوم دوم اقتباس ي بخت اللى ف كليه ناو يالا كلو بيعدى بقا الثانويه العامه ^^ ايام الرعب واهى عدت ودخلت الكليه تحياتى[/QUOTE] كده تمام[/QUOTE] كده تمام التمام وسعدت بوجودك معايا نورت الحلقة وأتمنى لك مزيدا من التوفيق والنجاح مع خالص دعواتى لك دوما بكل سعادة وفرح أحبتى فى الله وهكذا تنتهى حلقة اليوم وحتى نلتقى يوم الخميس القادم أستودعكم من لاتضيع ودائعه مع دعواتى لكم بالسعادة والتوفيق والسلام عليكم ورحمة الله مع تحيات أخوكم رفعت

[Ŗăήćy]

حلوة البرنامج الخفيف ده
يوشتى منورة طبعاً كنتى عسولة وانتى صغيرة ياخلاثى
وانتى ماشاء الله لما بتبقى نكدية مابيبقاش ليكى مثيل وكذلك فى الرخامة..ماعندكيش وسط

تسلم ايدك بقى ربنا يسعدك قلبك ويوفقك يارب ياسديكتى

تسلم أ-رفعت عالمجهود وعجبتنى المقدمة على فكرة
بانتظار الحلقة الجاية بقى

[رووكه]

توتا منوره الحلقه ويآرب يكتب
ليها الفرح ويبعد عنها الاحزآن
منوره يا قلبى ودائما مميزه
تسلم رفعت ع الحلقه والضيفه العثلاته

[.نبض القلوب.]

أول مرة اشوف البرنامج دا بس جميل
بيعطينا خلفية عن صاحب المدونة و مدلول كتاباته ..

من الوواضح ان اية شخصية جميلة و رقيقة
أتمنى لك كل توفيق يـا يويا فى الكلية

شكرا أستاذ رفعت و أية

دمتم

[Aya 7ekaya]

اقتباس المشاركة الأصلية كتبت بواسطة Ŗăήćy حلوة البرنامج الخفيف ده يوشتى منورة طبعاً كنتى عسولة وانتى صغيرة ياخلاثى وانتى ماشاء الله لما بتبقى نكدية مابيبقاش ليكى مثيل وكذلك فى الرخامة..ماعندكيش وسط تسلم ايدك بقى ربنا يسعدك قلبك ويوفقك يارب ياسديكتى تسلم أ-رفعت عالمجهود وعجبتنى المقدمة على فكرة بانتظار الحلقة الجاية بقى

هههههههههههه انا رخمه ي مرام انتى ال بتقولى عليا كده ده انا ديما طيوبه خالث
نورتى بقا وانتى ال عثل

[Aya 7ekaya]

اقتباس المشاركة الأصلية كتبت بواسطة رووكه توتا منوره الحلقه ويآرب يكتب ليها الفرح ويبعد عنها الاحزآن منوره يا قلبى ودائما مميزه تسلم رفعت ع الحلقه والضيفه العثلاته

يارب ي روكه يسمع منك ربنا
نورتى ^^

[Aya 7ekaya]

اقتباس المشاركة الأصلية كتبت بواسطة .نبض القلوب. أول مرة اشوف البرنامج دا بس جميل بيعطينا خلفية عن صاحب المدونة و مدلول كتاباته .. من الوواضح ان اية شخصية جميلة و رقيقة أتمنى لك كل توفيق يـا يويا فى الكلية شكرا أستاذ رفعت و أية دمتم

انتى ال جميله والله ^^
تسلمى ي عثل ومنورة

[حلم عمري]

حلو البرنامج الخفيف السريع دا
ايوش منور اكييد
بجد كنتي زي العثل وانتي صغيرة ما شاء الله
ربنا يسعدك دايما حبيبتي ويبعد عنك اي حزن ويوفقك في حياتك

البرنامج رائع رفعت
في انتظار حلقة جديدة ان شاء الله

[سيناا]

آية لو بقيتي ع الطيبة المفرطة دي


رح تتعذبي بحياتك


اوكي خليك متواضعه وكمان كوني حازمة وطموحة


بتعقدي وانتي صغيرة


والله يوفقك بحياتك

[سيناا]

وهنا الشكر الجميل لصاحب الفكر الكبير



العاشـــــــق رفعت رائع البرنامج وهذه اول مرة لفت انتباهي



لكن ما سوقت عنه الله يسامحك كنت سوي بنر و ضعه ع سطوح المنتدى فوق



كنا ع السريع اول الحاضرين



يعطيك الف عافية اخوي