حلقة جديدة من ( أجمد عضو ) مع ( حرف هجاء )

[Words Whisper]

حلوة الحلقة دي ..


الانفصال حاجة طبيعية
وممكن كمان يكون شيء صحي جدااااااااا
اتنين منفصلين وهما الاتنين متفاهمين هيكون التعامل ازاي مع الأولاد
أفضل مليون مرة من ان الأولاد يعيشوا بين اتنين مش بيحترموا بعض ولا بينهم ود
الناس في مجتمعنا اللي مش موقر بتعتبر دا كارثة وانه الست لازم تعيش عشان الأولاد
في الحالة مش بيكون في حد عايش لا الزوجة ولا الزوج ولا الأولاد وبيكون مجرد منظر ادام الناس
البيت مش جدران ، البيت دفا
والانفصال مش بس طلاق ، فيه ناس منفصلة وعايشه تحت سقف واحد
الفرق ان اللي عايشين مع بعض دول حياتهم ميته وأولادهم هيتأثروا بكل حاجة سلبية بينهم
بصي ياأسيل انتِ عملتِ الصح وبرافو عليكِ انك انفصلتِ
أنا مش أعرف الشخص التاني عشان أعرف هو حلو ولا وحش
ممكن يكون الشخصين كويسين جداااااا بس مش مع بعض ..




الجزئية التانية اللي عايزة أتكلم عنها
سؤال فيه حاجة بين أسيل و مـ.نور ؟!!
مجتمعنا الشرقي عشان يمثل دور الوقار والعفة
بيكون أسهل حاجة عنده يتكلم عن أخلاق الناس
ماهو بيمثل ، أصل لو بجد موقر مش كان اتكلم بأخلاق الناس
وانتِ غلطانة ياأسيل انك جاوبتِ ع السؤال دا
لأن دا مش يخص حد واللي عايز يظن حاجة مع نفسه
إلقاء التهم على الناس شيء مقرف ومش يستحق الرد
وحتى لو فيه حاجة مش يخص حد بحاجة عشان يعبر عن وجهة نظره ..




عجبتني الحلقة باستثناء إنها شخصية جدا
بس دا أسيل شايفه دا عادي فحقها ..


شكراً أ.مرشدي
وشكرا أسيل ..
دمتم بخير ..

[Silver Flower]

حبيبتي الله يعوض عليكي الي أحسن منه
واحد يخاف ربه
أعجبني كلامك لأعضاء إرساله
وأكيد استضافه حلوه منوره فيها وب إجابتك

[جبل عالي]

اسيلوووووووووووو

هقولك ايه أكتر من اللي اتقاااااااااال ؟؟


برافو عليكي وهقولك سر اول مرة تعرفيه

انا قبل مااعرفك كنت بخاف منك ومن قوتك

حلوة دي صح ؟؟


بجد والله العظيم ربنا يكرمك ويقويكي

ويعوضك كل الخير وصدقيني

محدش بيحس بالنار إلا اللي لامسها وعايشها

ويمكن من قرف المجتمع بتاعنا المشكلة البسيطة

بتنمو لما تبقا كارثة ...... ليه ؟؟؟ مش قادرة افهم

[phalsteen]

مش لاقيه كلام ازيد من اللي اتقال
غير انك تستاهلي كل خير
واكيد ربنا هيعوضك خير
ربنا يحميكي ويخليلك البنات يارب
تحياتي

[حَرفُُ هجآءّ]

صباح الخير
مبدئيا الحلقة وحشه عكس اللى اتقال هههههه
مورشووو يمكن أنت اكتر واحد عارف انى كنت متردده اد ايه انى اتكلم بالشكل ده عن حياتى الخاصة
لان انا اصلا ضد الكتابة عن الحياة الشخصية
ويمكن قولت الكلام ده قبل كده
لكن لما يتربط غموض حياتى الشخصية بعلاقة مشبوهه
حبيت اوضح الحقيقة فين وكنت ناويه اكتب بعض من الكلام ده فى المدونه المراقبة
اللى هى مدونتى بس ترددت ورجعت قولت بلاش
لكن لما انت بعتلى على الاستضافة قولت دى احسن فرصه عشان اقطع لسان اى حد بيتكلم
وبيجرح مشاعر انسان تانى

وهوضح اكتر فى ردى على اسماء

شكرا يا احمد على الاستضافة
اللى وفرت عليا كتير من العناء اللى جوايا بسبب بعض الناس

[حَرفُُ هجآءّ]

اقتباس المشاركة الأصلية كتبت بواسطة عاشق متيم لما شفت البرومو وام لبنتين توقعت حرف هجاء بس كلمه مطلقه وردك فى التوبيك خلتنى استبعدك تماما ً ======= حرف هجاء انت شخصيه محترمه وانسانه خلوقه وربنا يجزيكى كل خير على تربيتك لبنت اختك وربنا يرحم اختك ويرزقها الجنه واتمنى انك مش تتسرعى فى جوازك وربنا يرزقك بزوج صالح يتقى الله فيك ========= حلقه صعبه يا مورشو ومتميز كالعادة

لا انت ياعادل ديما تفكيرك صائب
بشكرك جدا على كلامك الجميل فى حقى
وينب اختى هى بنتى مش بعتبرها حاجة تانية غير كده
من زمااان قبل الجواز كنت بفرح اووى لما بتكون معايا فى مكان والناس تفتكرها بنتى
غير ان كلمة ماما منها بتوصل لقلبى على طول
مع ان فى البيت كانوا مضايقين لانها زى ما بيقولوا ( هتوقف حالك ومش هتتجوزى )
بس حتى الكلام ده مكنش بيأثر فيا لان غير انها بنت اختى
مش أى اخت دى كانت تؤامى
اما عن الجواز اكيد مش هيكون فى تسرع لانى معنديش الاستعداد للفشل تانى
وكله بتوافيق ربنا

بشكرك جدا جدا واكيد كلامك لازم احطه فى اعتبارى

[حَرفُُ هجآءّ]

اقتباس المشاركة الأصلية كتبت بواسطة store barbie احنا دخلين المنتدى عشان نفيد ونستفيد ونهزر ونلعب ونقضى وقت جميل مع بعض مش عشان نتخانق ولا نلاحق الاعضاء فى مين بيكلم مين ومين بيحب مين كل واحد مسئول عن تصرفاته اذا كانت غلط أو صح كل واحد فيه اللى مكفيه وزيادة مش مستحمل كلام من حد او سوء ظن وداخل المنتدى عشان ينسى اللى هو فيه معاكم ياريت نخاف على بعض ونحب بعض بجد بجد استطافه رائعه من عضو اسمه مرشدى ربنا يرزقك الزوج الصالح الى يخاف ربنا ويخاف عليكى وتعيشى معاه اسعد ايام حياتك وربنا يعوضك خير بزوج افضل اجابات ممتازه واستضافه رائعه يامرشدى

محمود صح ؟

يمكن انت جبت السبب الرئيسى اللى اتبنت عليه الحلقة
لانى بجد تعبت من الملاحقه والمراقبه
وتقريبا ده حال بعض الاعضاء

بشكرك على دعواتك ليا
ووجودك الجميل

[شاعرة الرومانسيه]

حبيبة قلبى طيب اقول ايه والجرح واحد
واواسيكى ولا أواسى نقسى فى مجتمع ظالم
وايه اقول بعد ناس ربنا سلط عليهم شيطانهم
وكرسو حياتهم فى القيل والقال
كلمه واحده عايزه اقولها
طالما بنتقى الله فى افعالنا
وبنراعى ضميرنا فيمن حولنا
وصلتنا بربنا قويه
فلا يمكن نيأس من رحمته
وحسبيى الله ونعم الوكيل
فى كل من سولت له نفسه
فى أزية البشر وتجريحهم
انتى صح وموقفك صح
وربنا يوفقك ويخليلك بناتك
ويابختك فى أجرك من كفاله اليتيم
واطمنى الجزاء أضعاف من ربنا
وان شاء الله يعوضك برجل يتقى الله فيكى وفى بناتك
بس ياريت ما تتسرعى وتنخدعى بالوشوش الى بتخفى
وراها نفوس خبيثه
تريسى واعلمى اختيارك من لزوج اخيارك لاب لبناتك
ربنا يسعدك ويوفقك الى ما يحبه ويرضاه
اختك حنين

[حَرفُُ هجآءّ]

اقتباس المشاركة الأصلية كتبت بواسطة اطياف الماضي بحي فيكِ أسيل قوتك في أتخاذ قرار حاسم زي الأنفصال رغم انك عندك بنات ومعاكي حق العيش بهذة الطريقة مع زوج لا يقدر الزوجة يهدر كرامتها ربنا معاكي حبيبتي وربنا يوفقك ويعوضك الخير شكراً يا مورشووو على الأستضافة الجامدة اوي دي

القوة اكيد بيكون لها اسباب اما الانسان بيقوى باللى حواليه
اما انه بيقوى بسبب ضغط اللى حواليه

والقرار من بدايه الجواز كان موجود لانى رافضه مبدء حياة الحيوانات
وده كان سبب المشاكل انى معنديش استعداد للرضوخ نهائى لحاجه انا مش مقتنعه بيها
واهدار الكرامة ده موجود كتير اووى مع ناس كتير
بس المهم اتخاذ القرار الصح وعدم رضوخنا للعيش بالطريقة دى
مهما كانت الاسباب

رونى بشكرك جدا لرأيك
نورتى

[حَرفُُ هجآءّ]

اقتباس المشاركة الأصلية كتبت بواسطة .نبض القلوب. و الله انا عاجبنى قوتك ف الردود بجد انتِ ممتازة وربنا يكرمك يارب ويوفقك و يكتبلك الخير أينما كنتِ حلقة جميلة موروشو بالتوفيق لكما ..

ربنا يخليكى ويكرمك
وبشكرك جدا نبض القلوب على دعواتك الجميلة دى
نورتى