حلقة جديدة من ( أجمد عضو ) مع ( حرف هجاء )

[حَرفُُ هجآءّ]

اقتباس المشاركة الأصلية كتبت بواسطة ع ـكس قانونه شهادتى بكِ اسيل مجروحه جدا لانى عشت معكم وشوى من هالمأساة ناظرتها بعيونى الله يخليلج البنات ويحفظهم وان شاء الله ربى يوفقك للى تبى وربى ان شا الله بيعوضك خير ان الله مع الصابرين لى عتب صغير ليش تخافين من كلام الناس هيك يتكلمون وهيك يتكلمون وانتِ تمام وما بتسوى شى غلط ما يهمج شى وعن الايجار اذا مو عجبك انتحرى صدق وحق يقال بحقج أنتِ واااايد قوية

وشهد شاهداً من اهلها
الف شكر ليك يا احمد على دعواتك الجميلة
ليش بئا اخاف
لانى بتعبت من كتر الكلام اللى ملوش داعى
عارفه انى مش بعمل حاجه غلط الحمد لله
ويمكن الكتير بيشهدلى بالشهادة دى
وطبعا دى شهادة بعتز بيها اوووى
لكن كتر الضغط على وتر واحد
بيولد انفجار والحمد لله انى مش انفجرت
الحمد لله بتحكم جدا فى انفعالاتى ومش اى كلام ممكن يستفزنى

والايجار خلاص مش عايزينه ده كرم مننا
شكرا حمود لمرورك الجميل

[حَرفُُ هجآءّ]

اقتباس المشاركة الأصلية كتبت بواسطة العاشق الذى لم يتب جميل الكلام وعلشان قريت التوبيك واناناوى انام اثبت حضوروان شاءالله لى عودة واستنى يااسيل ماتتجوزيش يمكن افكراخطبك تصبحوعلى خير

نورت بئا بحضورك
ده انت يارفعت حالتك بئت صعبة اوووى
والحب الحب والشوق الشوق ده كله بتاع مين ؟

[حَرفُُ هجآءّ]

اقتباس المشاركة الأصلية كتبت بواسطة countess اسيل منوره ي قمرايه مستر تشكرات على الحلقة

منوره سارة
ميرسى ياقمر

[حَرفُُ هجآءّ]

اقتباس المشاركة الأصلية كتبت بواسطة شموع الروح ربنا يوفقك ان شاء الله ويعينك ع تربيه البنوتين ويبركلك فيهم يارب باذن الله حلقه مميزه يا مورشوووو تحياتى

الف شكر شموخ الروح
تسلمى لدعواتك
ربنا يكرمك ويوفقك امين
نورتى

[حَرفُُ هجآءّ]

اقتباس المشاركة الأصلية كتبت بواسطة აα∂ Ԑγεა حقيقي واحده من اجمد الاستضافات اللي تابعتها في المنتدي هنا من القلب للقلب زي ما بيقولوا اانا حسيت في ردود اسيل انهم خارجين من قلبها وبتتكلم بعفوية انه كل اللي في بالها قالته ودا اللي خلي الحلقة جميلة كده فعلا عجبتني جدا ,, كل حاجة دايما قسمة ونصيب وكل واحد له نصيبه اللي هياخده اهم حاجة عدم التسرع وان شاء الله خير اظن واعتقد واحب جدا اقتناعي انه لسه في ف الدنيا الخير وانه مش كل الناس بتفكر بسطحية وتقاليد مجتمعيه غبية فاعتقد انك باذن الله هتلاقي الحب وهتلاقي اللي يقدر ويحافظ عجبني وضعك لبناتك قبلك وانه لازم يكون متوافق معاهم الاول وانه هما محتاجين دلوقت لاب عجبني كمان وضعك مع زوجك السابق وانه لسه في تفاهم دا الافضل للبنات اكيد ان شاء الله يكون نصيبك واختيارك الافضل والانسب ليهم :] وربنا يخليهملك يارب ويباركلك فيهم ويعينك علي تربيتهم بالنسبة للمنتدي اجابات صريحة وقوية جدا انا تابعت الحلقة الاولي بتاعت مورشو واسئلتك والاستضافه كلها كانت موفقه فعلا وعجبني موقفك فيها الثانية ملحقتش اني اشوفها لانه كان عليا امتحان واتمسحت هيا فدا كان سبب نقاشي وياكي في التوبيك اللي نزلتيه وكلامي عنه انه مش عدالة لانه فعلا دي ملحقتش تاخد حاجة , وانا مشوفتهاش ودا غلط لكن ف كل الحالات اناا عارف كويس انه انتي علي الحياد في دا استضافه جميلة يا مروشو وموفقه جدا ومن اجمل حلقات البرنامج اجابات جميلة جدا يا اسيل ربنا يوفقك يارب بقي

حقيقى كل كلمة قولتها كانت فعلا من قلبى
مش لعمل شووو
لكن بجد ده اللى جوايا
اكيد الدنيا فيها خير وكتير أووى
وفى ناس كتير مش بتفكر بالسطحية والتجنى على فئه معينه
وده أنا شوفته ادامى
وطبعا التفكير فى حد تانى له اسس عندى عشان كده مفيش قرار الا بعد الاقتناع التام
والراحة للبنات قبل منى
هما محتاجين اللى يحس بيها ومش يربيهم لمجرد كسب ثواب مثلا
لانى ضد الشفقة تماما والحمد لله وضعنا مرتاح فحته ان واحد يفكر انه تجوز من واحده عندها اطفال لمجرد التفكير فى الستر فقط مش بتعجبنى وزى ما قولت اهم شىء يحس بيهم ويحتويهم

وبالنسبة للحلقات والله فعلا انا كنت فى منتهى الحيادية
مع اتقال عكس كده خالص بس الحمد لله ظهرت بردوا الحقيقة اللى برئتنى
من الظنون والافترائات

بشكرك جدا جدا محمود لكلامك الجميل
بجد فرحنى كتير كلامك
ونورت بئا

[big bốss]

حلقه جميله يا مورشو بقينت حاجات كتير محدش يعرفها

علشان بعد كدا الى يتكلم يحط لسانه جوه بقه

و اسيل من الشخصيات الجميله من 6 سنين أعرفها يعنى عشره كبيره

كانت طيبه خالص دلوقتى بقيت شريره هههههههههههههههه

ماشي يا اختى

و ان شاء الله هتتجوزى الى بتحبيها و بتتمنيه

مفيش مكان تانى للغصب

بالتوفيق فى حياتى يا آسوله

[حَرفُُ هجآءّ]

اقتباس المشاركة الأصلية كتبت بواسطة words whisper حلوة الحلقة دي .. الانفصال حاجة طبيعية وممكن كمان يكون شيء صحي جدااااااااا اتنين منفصلين وهما الاتنين متفاهمين هيكون التعامل ازاي مع الأولاد أفضل مليون مرة من ان الأولاد يعيشوا بين اتنين مش بيحترموا بعض ولا بينهم ود الناس في مجتمعنا اللي مش موقر بتعتبر دا كارثة وانه الست لازم تعيش عشان الأولاد في الحالة مش بيكون في حد عايش لا الزوجة ولا الزوج ولا الأولاد وبيكون مجرد منظر ادام الناس البيت مش جدران ، البيت دفا والانفصال مش بس طلاق ، فيه ناس منفصلة وعايشه تحت سقف واحد الفرق ان اللي عايشين مع بعض دول حياتهم ميته وأولادهم هيتأثروا بكل حاجة سلبية بينهم بصي ياأسيل انتِ عملتِ الصح وبرافو عليكِ انك انفصلتِ أنا مش أعرف الشخص التاني عشان أعرف هو حلو ولا وحش ممكن يكون الشخصين كويسين جداااااا بس مش مع بعض .. الجزئية التانية اللي عايزة أتكلم عنها سؤال فيه حاجة بين أسيل و مـ.نور ؟!! مجتمعنا الشرقي عشان يمثل دور الوقار والعفة بيكون أسهل حاجة عنده يتكلم عن أخلاق الناس ماهو بيمثل ، أصل لو بجد موقر مش كان اتكلم بأخلاق الناس وانتِ غلطانة ياأسيل انك جاوبتِ ع السؤال دا لأن دا مش يخص حد واللي عايز يظن حاجة مع نفسه إلقاء التهم على الناس شيء مقرف ومش يستحق الرد وحتى لو فيه حاجة مش يخص حد بحاجة عشان يعبر عن وجهة نظره .. عجبتني الحلقة باستثناء إنها شخصية جدا بس دا أسيل شايفه دا عادي فحقها .. شكراً أ.مرشدي وشكرا أسيل .. دمتم بخير ..

اسماء
تعرفى انا خدت نفس عميق قبل ما اكتب حرف فى ردى عليكى
الانفصال كان حتمى كده او كده كان هيحصل
بس الحمد لله انه حصل فى وقت كان ممكن لو طول شويه هتحصل مصيبة
والاولاد اكيد بتوفيق وحماية ربنا بتربوا بس فعلا الجو فرق معاهم كتير
وخصوصا ان عندى زينه بدئت تتعب نفسيا وتخاف
فا مكنش عندى استعداد لتربية عقد نفسية جواهم
وصدقينى عدم الاحترام مش وليد اللحظه كده لا والله
ومش همييز شخص عن التانى فى كلامى
بس لما تكون الزوجة مجرد حاجة ملهاش قيمة انسانية بتوجع اوى بالتالى ومع الضغط ومع اهانات متكرره بيولد صراع وضغط نفسى وبالتالى بنقول ليه السكوت
وليه مش ارد الصاع صاعين وعشان كده اتولد عدم الاحترام
وقولت ياروح ما بعدك روح خلاص مفيش حاجة يتبكى عليها

اسماء انا فاتحالك قلبى بجد لانى عايزاكى تحسى باللى جوايا
وربنا العالم انى الكلام حاليا صحى جرح
تعرفى انا كنت هادية جدا وناس هنا تشهدلى بكده والحالة النفسية والمزاجية كانت مستقرة جدا
ومع الوضع اللى كان حاصل
بئيت على اعصابى والحالة النفسية والمزاجية عندى بتتغير ما بين لحظه والتانية واكتئاب وعياط وحاجات كتير والله
وليا مشاركه فى المدونه وقولت فيها ( هو اللى بيروح لدكتور نفسى بيروح ليه ؟ ) يعنى كتر الضغط تقريبا كان هيجننى وانا كنت عكس كده تماما
وفعلا زى ما انتى قولتى محدش كان عايش
واعرف اسرة عايشين بالطريقة اللى قولتى عليها بقالهم 20 سنة
مع ان الخلافات وقفت بينهم الا ان العلاقة بينهم
الاب موجود عشان يربى الاولاد
والام موجوده عشان تربى الاولاد وتقوم بوظفيتها فى البيت
وطبعا دى مش حياة وعن نفسى قولت مش هسيب نفسى انى اوصل للمرحلة دى نهائى

الجزئية التانية من ردك
مهو المصيبة بئا اللى بيتكلم ده بردوا بيتقال عليه
بس للاسف مش شايف وموقر علاقتته بس
وشايف باقى الناس باخلاق سيئه

تعرفى يمكن اكون غلطانه فى ردى على السؤال
بس بجد انا تعبت من الكلام
لان وضعى اللى الاعضاء يعرفوا هنا انى متجوزه
فحته ان كلام يتقال انى على علاقة مع واحد تانى
فاهماها انتى ؟ يبئا معنى الكلام ايه ؟
ولما يتلقح كلام فى موضوع وكلام نميمة وتوصلنى
ومش مره كتير
وبالتالى بيتم مراقبة المدونة والكلام اللى بكتبه
وانا عارفه ان مدونتى جافة المشاعر او بمعنى اصح مفهاش علاقة حب بين زوج وزوجه حتى بمجرد لمجرد التلميح عن حاجة حلوه
بالتالى بيتم الربط بين حالة المدونة وكلامى وعلاقتى بالناس الموجوده هنا

فهمتى بئا ليه الحلقة دى شخصية اوووى
عشان اقول ياجماعه انا انقى بكتير من انى اكون متزوجه وليا علاقة مشبوهه
وحتى وانا مش متجوزة اهو بردوا مفيش حاجه
اه محدش له عندى حاجه بس التهم بئت فى شكلها ومضمونها مقرف اوووى
خلانى مش قابلة اكون الزوجة اللى بتعمل علاقات ( من الاخر خاينة )


بتمنى تكونى فهمتينى

[حَرفُُ هجآءّ]

اقتباس المشاركة الأصلية كتبت بواسطة silver flower حبيبتي الله يعوض عليكي الي أحسن منه واحد يخاف ربه أعجبني كلامك لأعضاء إرساله وأكيد استضافه حلوه منوره فيها وب إجابتك

ربنا يخليكى ياساره
وكان لازم توصل الرساله دى
عشان كل واحد يخليه فى حالة
بدل الكلام اللى ملوش لازمه

نورتى حبيبتى

[حَرفُُ هجآءّ]

اقتباس المشاركة الأصلية كتبت بواسطة وتر يقطر ألـم اسيلوووووووووووو هقولك ايه أكتر من اللي اتقاااااااااال ؟؟ برافو عليكي وهقولك سر اول مرة تعرفيه انا قبل مااعرفك كنت بخاف منك ومن قوتك حلوة دي صح ؟؟ بجد والله العظيم ربنا يكرمك ويقويكي ويعوضك كل الخير وصدقيني محدش بيحس بالنار إلا اللي لامسها وعايشها ويمكن من قرف المجتمع بتاعنا المشكلة البسيطة بتنمو لما تبقا كارثة ...... ليه ؟؟؟ مش قادرة افهم

ههههههههههههه طيب ليه يا امل خوفتى منى ؟
والله يا امل قوتى دى مجتش من فراغ كده
ياما دقعت ع الراس طبول
وخلاص الجته نحست من كتر الوجع
تعرفى من كلام بعض الناس سواء هنا او فى حياتى
ان اسيل بئت شخصية عمليه اوووى
بعيدة عن الاحاسيس والمشاعر مع انى فى الاصل كنت غير كده
بس يلا بئا
لا بس بجد ايه العلاقة بين خوفك منى ومن قوتى ؟

تعالى ردى عليا

[حَرفُُ هجآءّ]

اقتباس المشاركة الأصلية كتبت بواسطة nefertiti مش لاقيه كلام ازيد من اللي اتقال غير انك تستاهلي كل خير واكيد ربنا هيعوضك خير ربنا يحميكي ويخليلك البنات يارب تحياتي

ميرسى ياسما ربنا يخليكى
وشكرا لدعواتك بجد
اللهم امين ويخليلك حمنى