الدبلجه ام الترجمه

[ايمان طلعت]

الترجمه طبعا افضل كتير
اصوات ابطال الفيلم والتأثيرات بتكون احسن من المدبلج
الدبلجه بتبوظ الفيلم خالص
كتير بيدبلجوا دبلجه غبيه تخليك تقلب الفيلم حتى لو بتحبه

[big bốss]

اقتباس المشاركة الأصلية كتبت بواسطة arco baleno الترجمه اكيد لان الترجمه بيكون الفلم بي التاثيرات والاصوات الحقيقيه وتحس بتفاعل كبير معاه جداااااما الدبلجه لو الفلم ناجح 100 با 100 تنزل مستواه الى 20 با 100 والسبب انك ما تعرف تتفاعل لان تحس الاصوات مركبه وتحس الاثاره تبع المدبلجين مو نفس الي يمثلون سواء كان حزن او بكاء او صراخ من المشاهد الموثره تحس الدبلجه تخليها بارده اوي وكمان فيها عيوب في الدبلجه تلاقي الممثل بصوت معين بعد كم حلقه الصوت يتغير لذلك الدبلجه فاااااااااااشله في نظري وتموت الافلام والمسلسلات وتقتل الحماس انا احب نفس الاصوات تبع الممثلين ويكون فيه ترجمه كتابيه اقراها دا الي افضله موضوع جميل يانور

فعلآ الدبلجه بتخلى الفيلم بارد و احداثه و تاثيرته كلها مصتنعه

مش متامشيه مع تمثيل الفيلم

نورتى حوراء

[big bốss]

اقتباس المشاركة الأصلية كتبت بواسطة ايمان طلعت الترجمه طبعا افضل كتير اصوات ابطال الفيلم والتأثيرات بتكون احسن من المدبلج الدبلجه بتبوظ الفيلم خالص كتير بيدبلجوا دبلجه غبيه تخليك تقلب الفيلم حتى لو بتحبه

انا مش بطيق الدبلجه خصوصآ لو فيلم اجنبي او هندى

بقلب ع طول

نورتى آيمان

[موري كول]

بحب الدبلجه في التركي بس وتبقي سوري لاننا اخدنا عليها كده من ساعة ما بدأنا نتفرج علي تركي
واصلا الدبلجه المصريه بتكون غريبه اووووي

اما بالنسبه للهندي والكوري والاجنبي بفضل الترجمه

[انجي_1]

ياريت لو الدبلجة مغربي بقا
تبقا فله

اكيد لما اجي اشوف مسلسل او فيلم اجنبي احبه يكون مدبلج عشان الواحد مش ناقص يقعد يقرا تحت ف الكلام وهو اصلا مكتوب صغير
احنا عاوزين نتابع الصورة
مش الكتابة

عندنا ف المغرب بيجيبو لنا مسلسلات مكسيكية كثير وتركي
بس الدبلجة بالمغربي
وقليل لبناني

تمام

[حلم عمري]

بصراحة كل واحد ليها مميزات وعيوب
يعني مثلا المسلسلات التركي بحب فيها الدبلجة لاننا اتعودنا علي كدة
وكمان بتوفر وقت انك تقعد تبص ع الترجمة وخصوصا لو كان الخط صغير بتبقي حاجة تشل -_-
وبحب اكتر الدبلجة السوري لان معظم كلامها بيكون مفهوم
اما الافلام الاجنبي او الهندي بفضل فيها الترجمة لان صوت الابطال بيدي روح اكتر للفيلم وكمان منها بتنمي اللغة اكتر

حلوة فكرة التوبيك نور
تسلم للطرح

[دمعه حائره]

الترجمه افضل لانك بتسمع صوت الممثلين وبتتعرف على لغاتهم
وممكن تتعلمها كمان
واحساسهم فى التمثيل بيختلف عن المؤدى للصوت
والدبلجه فى حاجات معينه لو لغه صعبه زى المكسيكي او الاسبانى
بتكون الدبلجه بالسورى جميله
كمان اتفرجت على حاجات دبلجه مصري بس بتبقى مضحكه جدا

[♥SaRa]

لاالـترجمة بتكون افضل
لأن التأثيرات الصوتة بيتكون هي هي وغير صوت الممثلين
لكن الدبلجة بتكون رخمة
لأنها بتضيع أصوات الممثلين والمؤثرات الصوتية

فا مش بتحس بمتعة الفيلم
دهـ غير الترجمة بتكون باللغة العربية الفصحي
لكن الدبلجة بتكون باللغة الخليجية او اي اللبنانية
ونص الكلام ممكن يقع مننا ومش نفهمة
..
تسلم نور عـ التوبيك
نــايس توبيك

[-esraa-]

حسب نوع المسلسل
لو تركي الترجمة حلوة جدا بس غالباً ع التلفزيون دبلجة بس
والأفﻻم الأجنبية الترجمة أفضل لدوافع علمية : ))
بس الدبلجة المصرية :d كوم تاني
بس بتضحك ^^

[world]

انابحب الدبلجه المصريه الفصحي