للأعضاء هـام جدا مع نقطة نظـام

[ساحر الأحزان]

السلام عليكم ورحمة الله وبركاته
لاحظنا فى الفترة الاخيره
العديد من المشاكل والمشادات الكلاميه بين الأخوة الأعضاء
وإلقاء التهم بدون أدله والأكتفاء فقط بما يحكى ويسمع من أقاويل من دون التحقيق فى صحتها سوء أن كانت صحيحة ؟أو غير صحيحةُ!!
وبيكون فيها اساءة للأعضاء نتيجة لعدم درايه
بالاجراءات او التسرع والعصبيه من دون التحلى بالهدوء قبل التحقق
من صحتها والتأكد منها فى آن واحد !
وأحيانا بسبب التوجهات السياسيه
ودى نقطة مهمة تانية برضة تكلمنا فيها قبل كدة أن الأدارة
مش ضد أى توجة سوء مؤيد أو معارض بنحترم توجهك السياسى
لأن من حقك أن تعبر عنة من دون التعرض لأى ضغوط فى حدود المسموح لجو الحرية فى التعبير بداخل المنتدى ؛
لكن للأسف مفهوم حرية التعبير بيتاخد على أنة سيف مسلط
شفت موضوع ومش عجبنى بخش فى نقاش والنقاش بيطور
وبعدها نخش فى جو ملبد بالغيوم بيوصل لحالة تربص
وتوجية تهم من كل مناقش أنت غلط وأنا صح والعكس صحيح ؟
ووصل الحال لضيق النفس مع عدم تحمل زميلى فى توجية كلامة
وبدل ما أسمع وأرد فى جو كلة حب وأحترام بيوصل
لحالة من الأستهزاء والسخرية !
سواء للعضو أو شخصيات عامة
قبل كدة كنا منعنا عرض المواضيع السياسية وسمعنا أصوات بتنادى
أن دة يعتبر كدة كبيت للحريات فى التعبير وسمحنا بعرض الموضوعات
مرة تانية ورجعنا برضة لنفس السياق من تربص ومشاكل
ومنعنا عرض الموضوعات السياسية وبرضة سمحنا برجعها من جديدة !

يعنى منعناها بتزعلوا رحعناها بتقبلوا على بعض
فأحنا كأدارة مش حنمشى وراء كل كلمة بتكتب أو موضوع بينزل أو رد بيكتب أو رأى بيعرض بنتابع بقدر الأمكان ولكن ؟
المطلوب هو فرد وتكبير مساحة الأحترام بين الجميع بكافة ميولة وتوجهة
ودة بين جميع الأعضاء كافة !


فعند تقديم شكوى من العضو المتضرر من أى أجراء ::
الأداره بتحقق فيها وتتأكد من الاساءه او تلفيق الاتهامات
وبيكون على أساسها تنفيذ عقوبه للعضو المخالف
العقوبه بتكون مخالفه بعد التنبيه ولما بتتكرر ياخد حظر
أى عضو هايقوم بالاساءة لزملائه ويتم التأكد منها
من واجب الاداره انها تاخد الاجراء اللازم
سواء بمخالفه او حظر او المنع من بعض المميزات داخل المنتدى
وتتدرج العقوبه حسب المخالفه وحسب تكرارها

ومن يحتاج تفسير لأى قرار ادارى يتفضل ينزله شكوى
والاداره هاتوضحله كل الامور ألى هو محتاج يعرفها ‘
وغير مسموح بتداولها على العام
لان لو الاداره هاتوضحها هايتم الافصاح عن ادله
من الممكن ان تسبب ضيق او جرح للاخريين
وتوسيع دائرة الخلافات بين الأخوة الأعضاء
ونحن من واجبنا الحفاظ على السرية ومعها الخصوصية
لكل عضو وعدم الأفصاح عنها على الملأ
حتى لا يتحرج أو يتضيق أى عضو من أخواتنا الأعضاء بداخل المكان ؛
فعلى الجميع ان يلتزم بقوانين المنتدى
ويتمتع بالاخلاقيات الحميدة والسلوك الهادىء بينه وبين الاعضاء
وعدم اثاره المشاكل واحداث فوضى فى المنتدى
وأى عضو هايتم تسجيله لأكتر من عضويه
للاساءه لآخر ويتم اثبات ذالك
هايتم حظر العضويتين مباشرة ؟
فى النهايه المنتدى مكان لتبادل الثقافه والآراء
وليس لتصفيه حسابات ومشاكل,,فالمكان هنا يتسع للجميع

دمتم سالمين

أدارة بنات مصر

[۩۩ elMagic ۩۩]

السلام عليكم ورحمة الله وبركاته

حابب اتكلم في نقطه مهمه تخص المنتدى
عشان اى كلام بيتقال خارج الموقع محدش يصدقه
لانها امور ماهى الا من خيال المصدر وللتشويه ليس إلا ..

السياسه العامه للمواقع ودا كلام من قبل ما انا ادخل المنتدى
يعنى بنقول كلام معروف من 2006 و 2007
بداياتي في عالم المنتديات
اى اعضاء بتبعت لبعضها ايميلات وارقام فونات مش ممنوعه
طالما هى امور بإرادة كل عضو وعضوه
لان انت ممكن تطلب ايميل شخص عشان تسوي معاه مسابقات او تنظيمات ... الخ
ولكن في حالة ان كان العضو جديد في الموقع ومش معروف
هنا بيتطلب الدخول وفور حظر العضويه ودا الاداره بتعمله فعلا
وفيما يخص الاعضاء القدامى
ماظنش ان فيه حد صغير وكل شخص مدرك للى بيعمله
وبالتالى اى شخص متضرر عليه بإنه يبعت للإداره
علشان تتخذ الاجراء اللازم مع الشخص الاخر
بشرط ان تكون المخالفه في حدود الموقع
لان دا نطاق صلاحيات الاداره
والى وقتنا الحالى لم يحدث بأن اشتكى عضو عضو آخر زميله ،
وإن كنت انت سِكت ووافقت ودخلت مع الشخص الاخر في حوارات الى أن تطورت لحوارات خارج الموقع
دي امور خاصه بيهم خرجت عن حدود الموقع
ومش من مسئولية الاداره التعامل معهم
لان ربنا وحده الاعلم بمن فيهم المخطئ
وإدارة اى مكان هما مجرد بشر
حدود مراقبتهم هو المكان المسئولين عنه فقط ..
هيكون فيه رقابه مشدده لفتره مؤقته لحقن اى امور سلبيه في الوقت الحالى والتعامل بحزم مع صاحبها اى كان منصبه في الموقع
بالتوفيق ،،