نظره . . فأبتسامه. . فموعد . . فلقاء . .

[وسام الفقي]

كان في بنت سكنه في عماره مع اهلها طلعت شويه في البلكونه لقيت في البلكونه اللي قدامها ولد أمور ومسمسم . . . .

بصلها الولد فبصتله . .

شورلها فشورتله . .

دحك لها فدحكت له . .

قلها انزلي . . .قالتله لاء ..

قلها والله لو ما نزلتي لكون رايح لابوك وأقول له ان انا بصتلك وبصتيلي . . وشورتلك وشورتيلي .. ودحكتلك ودحكتيلي . . . . فخافت البنت ونزلت قدام العماره زي ما طلب . . .

لقت قدام العماره عربيه , قلها اركبي . . فرفضت فقلها :
والله لو ما ركبتي لكون رايح لابوك وأقول له ان انا بصتلك وبصتيلي . . وشورتلك وشورتيلي .. ودحكتلك ودحكتيلي .وقولتلك انزلي ونزلتي . . . . فخافت البنت وركبت معاه و ساق العربيه لحد ما وصل لعماره تانيه فوقف ونزل من العربيه وقلها انزلي . . . رفضت طبعا فاتعصب وقلها :

والله لو ما نزلتي لكون رايح لابوك وأقول له ان انا بصتلك وبصتيلي . . وشورتلك وشورتيلي .. ودحكتلك ودحكتيلي .وقولتلك انزلي ونزلتي . وقولتلك اركبي وركبتي . . . فخافت البنت ونزلت من العربيه , لقيه نفسها قدام عمارة تانيه قلها اطلعي المراه دي رفضت بشده فقلها :
والله لو ماطلعتي لكون رايح لابوك وأقول له ان انا بصتلك وبصتيلي . . وشورتلك وشورتيلي .. ودحكتلك ودحكتيلي .وقولتلك انزلي ونزلتي . وقولتلك اركبي وركبتي وقولت لك انزلي ونزلتي. . . فخافت البنت و طلعت معاه لحد ما وصلوا قدام باب شقه ففتح الباب وقلها ادخلي ولما قالت له لاء قلها:

والله لو ما دخلتي لكون رايح لابوك وأقول له ان انا بصتلك وبصتيلي . . وشورتلك وشورتيلي .. ودحكتلك ودحكتيلي .وقولتلك انزلي ونزلتي .وقولتلك اركبي وركبتي وقولت لك انزلي ونزلتي. وقولت لك اطلعي وطلعتي . . . فخافت البنت ودخلت معاه الشقه وفتحت النور وبصت على الشقه . . . أما هو فدخل وراها بسرعه وطفي النور واتجه ليها بسرعه وقلها :
هاهاها ساعتي بتنور في الضلمه . . . . .



هاهاهاها . . . . .
يعيشو وتخدو غيرها . . . . .

[ورد المنى]

لا جامدة فعلا طيب ما كان من الأول قالها وخلصنا ايه لازمة البهدلة دى
*ورد المنى*

[محمد الشريف]

برضه هى غلطانة غلطانة غلطانة ولو كانت النهاية أن ساعته بتنور فى الضلمة


هههههههههههههههههههههههههههههههه

تقبل تحياتى

[أنثـے مًنْ الّخٍـْيـِالْ→♀]

هههههههههههههههههههه


حلوة اوى الرخامة دى

هههههههههههههههههههه

شكرا يا برنس ع التوبيك

[وسام الفقي]

اقتباس المشاركة الأصلية كتبت بواسطة ورد المنى لا جامدة فعلا طيب ما كان من الأول قالها وخلصنا ايه لازمة البهدلة دى *ورد المنى*

لو كان قالها من الاول ما كنش حصل الموقف الطريف ده

وما كناش دحكنا عليه

ومكنتش انا كتبت الموضوع ده

ومكنش الموضوع نور بمرورك اللطيف

[وسام الفقي]

شكراً لك يا محمد ويا طمطم على مروركم . . . . وتقبلا تحياتي . . .

[ميمووو999]

إيه الولد الخايب ده بقي معقول حد يضيع من ايده فرصه زي دي كان المفروض يوريها كمان الكوتش اللي بينور في الضلمه مش الساعه بس هاهاهاها