بقى هو دا الإسلام....؟

[همس الحنين]

بعيداً كل البعد عن حوارات تأخذ الجو السياسى القاتم

الفتره الماضيه تردد كثيرا كلمة هو دا الاسلام

كل مشكله تجد مقابلها كلمة هو دا الاسلام

وأصبحنا نرى الكل بمنظور الانتقاد

شاب ينتقد فتاه ويردد هو دا الاسلام

بنت تنتقد شاب وتردد هو دا الاسلام

شاب ملتحى أخطأ نجد الهجو عيب على الدقن

منتقبه أخطأت الرد عيب على النقاب

واحنا بقى كاملين

مافيش عندنا عيوب

كل مصيبه ورائها جملة هو دا الاسلام

جميل جداااا

تعالوا بقى نتناقش لانى بجد بشعر بالاستفزاز لما بشوف الجمله دى ولا بسمعها

قبل اى شئ

احنا دوله اسلاميه ................

بنطبق الشريعه الاسلاميه................

ملتزمين بالزى الاسلامى................

عارفين يعنى ايه اسلام...............

دى اسئله

مضمونها هيكون لاء

يبقى مايجيش شاب مدخن يشوف بنت ويقول هو دا الحجاب

ياعمى قبل ما تنتقد شوف نفسك

بنت متبرجه تشوف منتقبه ومحدده العبايه على طول

عيب على النقاب طيب شوفى نفسك الاول

شاب يتهم ملتحى انه مثلا رنة الموبايل اغنيه

وهو ماسك كاست اغانى ياعم شوف نفسك

يبقى قبل ما نفضل نعيب ونقول هو دا الاسلام

لاء ارجعوا الاول لنفسكم وشوفوا انتم فين من الاسلام

نيجى بقى لدولة المسلمين اللى هى دولتنا يعنى

شهر رمضان قرب اهو

والبرامج على ودنه اغانى ورقص الله ينور

اعلانات عاريه واللهم بلغنا رمضان

طيب بقى طالما احنا خلاص كاملين من العيوب
نروح بقى ننضف اعلامنا فى الشهر ده ونقولهم هو ده الاسلام

ولا دى تعاليم الدين لاستقبال رمضان

بمناسبة التعاليم

هو احنا عارفين تعاليم الدين الصحيحه ايه ........

يا جماعه

الشئ بالشئ يذكر

قبل الانتقاد نحترم الدين نفسه مش نعمل برامج تريقه على المسلمين
واستهزاء بعلماء ومشايخ ونقول هو ده الاسلام

اسئلتى

ماهو الاسلام بنظرك؟


وكيف تقول انك مسلم حقا؟

وماذا قدمت للدين قبل ما تنتقد الاخرين؟

همسات

[big bốss]

الاسلام فى نظرى هو معامله قبل ان يكون مهاجمه او نصح للغير

النماذج كتير زى الى ذكرتيها موجوده فى مجتمعنا الى بيلعب على اوتار الدين

و للعلم الدين الاسلامى لم يكن متداول قبل ثورة 25 يناير

كان الدين شىء مقدس و لا يستطيع احد التحدث عن بسؤ

و لكن بعدما اختطلت الامور و اختلط الدين بالسياسه و بكل شىء

و اللطمه الكبرى أنه كان ساتر فقط لاغراض مخفيه

و هو ما جعله الان كما نرى كل شخص ينتقد التانى يقوله هو دا السلام

طيب انا بقله ليه الكلمه دى - ما هو علشان هو عمال يتفاخر و يتحدث عن الشريعه و عن الاسلام

و عايز يطبقها على الناس ، طيب طبقها على نفسك الاول و اعمل معروف فى نفسك احسن

و بعد كدا احنا هنطبقها لما نشوف معملتك و اخلاقك

انا وجهة نظرى مخالفه لوجهة نظرك

لان بسبب اللعب بالدين و المتاجره به السنوات الماضيه فى السياسه و الاعلام

هو ما جعل الجميع ينتقد الدين بسهوله

و هو ما كنا لا نتمناها يومآ ما

ربنا يصلح الحال بئا

و نحاول نعيد مفهوم الدين الصحيح فى عقولنا لان الدين معامله على النفس الاول

قبل ما تدعوا غيرك لتطبيقه

موضوع جميل بسنت

[حـيـــــآة ❤]

بؤوركت أختئ..
اﻷسسﻵم إللي مش بنطبقوآ مش هيتطبق إﻵ وإحنآ رآضيين عن بعض مش منقسسمين
تحيآتئhajo0ra

[world]

موضوع جميل
لككن الفرق والمشكل هوا ان الشخص الملتحي او المنقبه او ال غلط بيكون شيخ او سلفي
بيدعو انه بيبتبع تعاليم الاسلام والسنه
زي مثلا لو شوفت مزيع بيشرب بيرة مش زي لما اشوف شيخ بيشربها
وقتها الشيخ بيسقط من نظرك
لانه ف خيالكم والصورة ال صورهالك انه بيطيبق الدين ع خير وجه
تسلمي ع الموضو ع
ع المميز

[عازف الاحساس]

يابت ياخالتي بسنت
موضوع مهم جدا
وانا عارف ان موضوعاتك الايام دي
بتتبني على نقاشات او موضوعات دارت بنا !!!!
كده بصراحه

طيب تعالي اخدها عني انا مثلا
انا راجل مدخن وبشرب سجاير
والتدخين معروف انه حرام شرعا
طيب كويس جداااا
ياترى انت او غيرك او لاي حد له الحق انه يحاسبني ؟؟؟
طبعا لا لان انا هتحاسب على دا لوحدي والي هيحاسبني ربنا
وهنا الموضوع مش متعلق بشيء مجتمعي او اخلاقيات مجتمع
دا شيء متعلق بيا انا لوحدي
صحيح نقمه ومعصيه وشيء حرام بس ربنا هو الي هيحاسبني عليه

نيجي بقى بالنسبه للبنات الي بتلبس محزق وملزق !!!!
هنا حرية شخصيه صحيح وربنا هيحاسبها على دا لوحدها
ولكن دا شيء بيضر باخلاقيات المجتمع كله
ازاي
هقولك انا لما يبقى فيه واحده لابسه ديق
ويجي شاب يتحرش بيها ليه بتحملو الشاب الذنب
وانه ذئب وحيوان ومعندوش اخلاق ولى احترام
وهنا المشكله
الرسول علية افضل الصلاة والسلام
قال ( انما بعثت لأتتمم مكارم الاخلاق )
نقف عند النقطه دي كويس قوي
مفهوم كلام الرسول دا انه المهمه الي ربنا بعثه عشان يعملها
هي الاخلااااااااااااااااق بالاساس وليس الاسلام !!!!
وهنا افصلي بقى بين الاسلام كدين !
وبين الاسلام كأخلاق

هتلاقيها هتفرق كثير
ازاي
تعالي وانا اقولك يا خالتي
لما انا اتعلم او اتأسس ان اخلاقي
متسمحليش اننا اعمل الشيء دا عشان بيضر غيري !!!
غير لما ديني يحرم عليا دا عشان نفسي !!!

وهنا فرق كبير قوي بينهم
بين مفهوم الاسلام كدين
وبين مفهوم الاخلاق كقيمه
الاسلام كتاب ربنا وسنة رسوله عرفتنا حلالنا من حرمنا
وفي حاجات مشتبه فيها
اما الاخلاق فدي قيمة بتعلمنا اساس تعاملنا مع غيرنا
وبتعلمنا اننا نوصل دينا دا بطريقه اخلاقيه
وبالتالي تلاقي ان الي هيتقبل الدين دا لو حد كافر مثلا
هيتقبله عشان اخلاقياته ومعاملاته
لانه ميعرفش شيء عن اساسه ولى مبادئه لانه كافر

زي مثلا موقف بسيط

لما واحد يكون ملتحي ويحط اغنيه او بيكون مدخن
هنا مشكله اخلاقيه بحته وليس دينه
ازاي
اقولك انا ازاي
ازاي اخلاقه من الاساس تسمحله انه يشوه صورة دينه ؟؟؟
وصورة دينه بتكون في لحيته الي هي سنة عن رسولنا الكريم

طيب وحده منتقبه بس واحد لها في الاباحه وقلة الادب
هي كده بتعمل ايه مش عدم اخلاقها دي خلتها تشوف اسلامه دا بالنقاب الي لابساااااااه دا لان النقاب دا بيظهر
مباديء ومفاهيم دينا ولى ايه ؟؟

فالقصة يا خالتي بسنت مش قصة دين خااااااالص ولى مبادئه ولى تطبيقه
القصة قصة اخلاقياااااااااات

فكلنا بنعصي وكلنا بنغلط
ولكن في فرق بين المعصيه والحلال والحرام
وفرق بعدم وجود اخلاقيات في تعاملاتنا بدينا الاسلامي دا

وتعالي نحسبها شوية
كل واحد متعلق من عرقوبه في حسابه مع ربنا
يعني شاب مثلا بيشرب حشيش بس في بيته
هو الي بيشربه دا حرام ومنكر ولكن ربنا الي هيحاسبه عليه
انما مينفعش يروح يشربه في النادي مثلا
لانه بكده بيفسد او بيضر الي حوليه في المكان
او قدام الناس لانه كده بيشوه صورة اسلامنا

وهنا لازم يا خالتي تفصلي مابين مفهوم الدين بمبادئه
ومابين الاخلاق في تعاملات الدين !

وانا هسألك سؤال مباشر سألته لمشرف في ردي على الغرب واخلاقنا ومردش عليا

لو واحد مسلم بيزني وبينافق وبينم وبيخون وبيشرب خمرا وبيلعب اومار وبيفشي السر وبختلس ومرتشي
تمام

واحد تاني مسيحي ولى بيزني ولى بينم ولى بينافق ولى بيخون ولى ليه في المنكر
وبيتقي ربنا في كل حاجه بيعملها وبيرعي ربنا وضميره

قوليلي بقى
المسلم الي دينه الاسلام الي بيعمل عمل الشيطان
ولى المسحي الي دينه مش الاسلام بس مبيعملش عمل الشيطان

ياترى بقى مين هيكون افضل عند ربناااااااااااا ؟؟؟؟؟
من وجهة نظرك ؟؟!
طيب ياترى بقى
بالنسبه للي هيشوف تصرفات دا وتصرفات دا
وهو كافر او ملحد
هيلاقي انهي دين فيهم افضل ؟؟؟؟!!!!!

فالقصه مش قصة كلام وخلاص
وانا ديني الاسلام وخلاص ولى المسيحي وخلاص
القصه قصة اخلاق ووعي وفهم وفعل لمفهوم الدين دا

فكري في السؤالين كويس وجوبي عليهم
وساعتها هيوصلك مغزى وجهة نظري عموما


تحياااااااااااااتي

عازف الاحساس

[♥○ moOoOoOna ♥○]

اصل دلوقتي فيه ناس بتعمل اللي مايعمل و بيقولوا على نفسهم مسلمين

لدرجة انهم بيقتلوا

[♥○ moOoOoOna ♥○]

انتي المفروض تقولي هو الاسلام قال نقتل و نرهب الناس ؟!!

[ارهابية وامى عرفة]

اللاسلام فى نظرى هو احترام لشريعة ربى

واواصايا رسولة فاالسلام معملة وافعال

مينفعش اكون مثال دينى ومنفذش احكامو

واللاسلام مش ارهاب زى ما ناس فكرة وبتقول كدة

وفى ناس معندهاش شغلانة غير انها ترهب الناس وتكفرهم

وناس تستحل دم اخوتها وتقول كلاب وراحت دول مينتموش للاسلام باى صلة

مش هقدر اقول انى مسلمة بجدللانى مهما علمت هقكون مقصرة فى حق ربى

وطول ما انا مقصرة مقدرش اقول على نفسى انى مسلمة بجد بس ممكن اقول انى مسلمة

سؤالك اللاخير صعب جدا

للانى وللاسف انا مقدمتش حاجة غير انى بحاول ادافع عن رسولى والدعوة لدينى

تسلمى على موضوعك بجد جميل جدا

استمرى من ابداع للاخر

تقبلى مرورى

كيفوك

[احساسى صحيح]

موضوع شائك بسنت
بس هو بيعطى فرصه ايضاََ كويسه تعرفنا إزاى بتفكر الناس
ولأى مدى وصلت العقول التى تتحدث عن الدين
الاسلام موجود فينا بالفطره وليس إنه كان مختفى ومن ثم ظهر
من يذكر هذا فهو مغيب ولا يعى ما يقول
هى بس المعادلات تغيرت بتغير مصلحة وتوجه كل شخص ..
المسئله إلى هنا تتوقف لا يمكن انى اناقش شخص
لا يعلم الفارق بين دين وآخر بل لا يعلم ماذا يقول
بل لا يعلم إن الدين عند الله الاسلام
ضحالة وفكر الشخص بتظهر وبتبين قيمتة من كلامه
فلا تحكمى على من قيم منتقبه او ملتحى من منظوره الضيق
الان الهجمه على الاسلام كبيره حتى من الجهلاء بمعنى كلمة إسلام
حتى إنهم لصقوها بالتجاره
وإنها تم توظيفها للمصالح ,
و يعنى حَكم حُكم مطلق على كل المتدينين من ذكر هذا القول
بل اصبح منهاج للهجوم على كل ما هو إسلامى
من منطلق إنه يخدم مصلحته فى عدم فهمه للدين وغياب الوازع الدينى عنده وده بيتضح بسهوله من تفاهة ما يذكره
وبل يجعله جهلاََ جهول لا يحصل سوى على الازدراء
عافانا الله وإياكِ بسنت من هؤلاء
وردنا الله إليه رداََ جميلاََ
اللهم ردنا إليك وانت راضِِ عنا
تحياتى لكى ..

[♥○ moOoOoOna ♥○]

وزي ما صاحبة الموضوع بتقول شوف نفسك

يعني سوري مينفعش تقول على جيش بلدك عسكر