انا محجبة ليه ؟؟

[سلسبيل الخير]

أنا محجبة ليه ؟ "








أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:









1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…









2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً











3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…









4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما ي! تجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..

























5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..









6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..









7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟






والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..




ربنا يهدينا ويهدي بنات المسلمين

[محمد الشريف]

8 - بارك الله طرحك الطيب وتفاصيله التى أدعو الله لك بعدد حروفه بأن يعصمك من معصيته

ويعينك على المضى فى طريق الطهارة وأن يمنحك الزوج الطيب والذرية الصالحة جزاءا

بما آمنتى به ووجهتى به غيرك ... اسمك سلسبيل الخير وأتيتى بالخير

بارك الله لك عافيتك وزادك إيمانا وهدى


مع تقديرى لك

[همس الروح]

الله عليكي


تسلمي ياغالية



جميل ما كتبتي ورائعة هذه

النصائح الغالية منك


وجزاكي ربي كل خير


فالدال علي الخير كفاعلة


دمتي بخير وللخير


وتقبلي خالص ودي وتقديري

[حنـــــون]

تسلمى اختى الكريمه على موضوع الجميل

ونصايحك الرائعه الى بجد مفيده جدااااااااااا

لكل بنت بجد الستر افضل شئ ممكن تعملوا اى بنت

بحيكى جداااااااااااااااا وجعله الله فى ميزان حسناتك

ورزقنا واياكى الجنه تحيااااااااااتى اختك حنون

[نور حبى]

شكرااااا على الموضوع الرائع والمهم

[روح صامتة]

الموضوع رائع جدا سلمت يداكي على ما خطته حروفك الجميلة وعلى النصائح الرائعة اختي الغالية تقبلي مروري

[lolla]

شكرااااااا على الموضوع الاكثر من راااااائع

اسلوب بسيط ومعبر


الف شكر على الموضوع ربنا يجعله فى ميزان حسناتك

جزاك الله خيرااااا

ربنا يبارك فيكى

اللهم اهدى شباب وبنات المسلمين

[أحبنى طفلة]

أشكرك أختى وجزاكى الله خيرا ً

أشكرك أختى على ما خطتاناملك وعلى ما نصحتنا به

ادام الله علينا نعمة الحجاب وسترنا بها فى الدنيا والاخرة

وادم علينا نعمة العفة والعفاف

[مـ ع ـزوفة حـزن]

موضوع جميـــــــل.,،

يعطيك الف عااافيه ع الطرح الراقي.,،,.

تسلم الانامل .,،

لاعدمتك..

[*lolita*]

بجد كلام جميييييييييييييييييل جدا

وزادنى اقتناع على اقتناعى بالحجاب

جزاكى الله كل خيييير