صيام اللاصيام " مسابقة رمضان الكبرى "

[big bốss]

صيام اللاصيام

يحل علينا شهر رمضان كل عام باليمن و الخير و البركات و الهدايه و لن أتحدث

عن فضل هذا الشهر لآنه الكل يعلم ذالك . و لكن حديثى سيكون عن بعض

المظاهر السيئه التى تحدث فى رمضان .


* طويل و عريض و هايف و مش بيصوم

فى رمضان تلآقى راجل كبير و صحته زى الفل و تلاقيه مش بيقدر يصوم و بيفطر

و ممكن يكون أب و يبقى قدوه سيئه لأولاده و فيه الى مش اتعود يصوم هو صغير

و يقلك مبقدرش أصوم ، طيب ازاى ؟ هو 10 او 12 صيام صعبين اوى

على حضرتك و هل هتفضل طول عمرك مش هتصيم و تهدم ركن من اركان دينك

و علشان أيه مش اتعودت تصوم أنت صغير طيب ما تصوم و انت كبير

أيه المشكله ، الغلط هنا بيقع على الاب لانه مش عود أبنه صوم او بيتهاون

معاه فى انه يسيبه يفطر و مش يصوم براحته و تبقى توارث بئا فى العيله







* الدخان الصيامى

فيه بئا الى بيدخون السجاير مش بيقدروا يصموا تلاقيه فى نهار رمضان بيدخن

و فيه الى بيضحك على نفسه و يقلك السجاير دخان زى الهواء مش بتفطر

يعنى يمتنع عن الاكل و الشرب و يشرب سجاير ، يعنى امتنعت عن كل حاجه

فى رمضان و عند السجاره ووقفت مش قادر تستغنى عنها






* المعاشره الزوجيه

فيه بئا الى بيفطر و يفطر مراته فى نهار رمضان بسبب المعاشره الزوجيه

و مش قادر يصبر بالليل فى الوقت المباح فيه ، يعنى مش هيأخد ذنبه بس

لآ بيفطر مراته معاه هو للدرجه دى يعنى هتتحكم فينا الشهوه مش قادرين

نتحكم فيها ساعات فقط علشان خاطر ربنا





لكل ظاهره أساس و سبب لولاه ما كنت خلقت تلك الظاهره

ليس هناك شىء يستحق أن نبطل صيامنا و نخسر فضل هذا الشهر

كيف نمنع تلك الظواهر و ما هى أسبابها من وجهة نظرك ؟

[bobaOo]

فعلا الناس بتستغفل وبتضحك على نفسها وبيخسرو ثواب الشهر الفاضل
يعني الراجل الكبير في السن الي مش بيصوم بيبقا قدوة سيئة لولادو أو أحفادو
يعني الطفل المفروض يتعود يصوم واحده واحده يعني يبدا يصوم للعصر وكل يوم يزود ساعة وربنا يسهل

أما بالنسبة للسجاير فيهم بيصوم عنها بس أول ما المغرب يأذن يفطرو عليها..استغفر الله..

تسلم ع الموضوع رائع

تحياتئ

[big bốss]

اقتباس المشاركة الأصلية كتبت بواسطة boba0o فعلا الناس بتستغفل وبتضحك على نفسها وبيخسرو ثواب الشهر الفاضل يعني الراجل الكبير في السن الي مش بيصوم بيبقا قدوة سيئة لولادو أو أحفادو يعني الطفل المفروض يتعود يصوم واحده واحده يعني يبدا يصوم للعصر وكل يوم يزود ساعة وربنا يسهل أما بالنسبة للسجاير فيهم بيصوم عنها بس أول ما المغرب يأذن يفطرو عليها..استغفر الله.. تسلم ع الموضوع رائع تحياتئ

قدوه سيئه فى الافعال الخاطئه دى لآزم تربي جيل صح

يعرف عظمة شهر رمضان و يقدره و ميسيبش نفسه على هوى النفس

لآزم يتحكم فى حياته و أفعاله

شكرآ لرايك

[اميرة الحب الضائع]

فعلا الناس بقت مش مهتمه دول 30 يوم فى السنه كلها يعنى باقى معاك 11 شهر ومش قادر تصومهم

يعنى الاباء الى المفروض هم القدوه للئبناء بيفطرو يبقا الاولاد هيعملو ايه
اكيد هيقولو تعبان مش قادر اصوم

اما بالنسبه للسجاير يعنى الناس اى بتصوم وبتفطر على السجاير ويقلك انا صايم
طب انت بضحك على نفسك ولا على ربنا
يعنى ادرت تتحمل العطش والجوع والحر ومش قادر تستغنا عن السجاير

يعنى دول 30 يوم مش قدرين نصومهم
ربنا يهدى بجد

تحياتى على الموضوع الجامد يا نور

ميرا

[gold rose]

آه طبعاً معاك حق في كل إلي قلته يا نور .,

يعني الراجل الكبير دا متعودشي مثلاً يصوم
وهوا صغير المفروض يعلم أولاده لإن دا ركن من أركان الإسلام
مش سنه يعني .,

وفي ناس مش شايفه إن السجاير تفطر مع إنها مفطرة
والمفروض نمتنع عنها طول شهر رمضان أصلاً .,

المشاكل إلي انتكلمت عنها كلها سببها قله الوعي الديني
من وجهه نظري .,

وربنا يهدي المسلمين .,

[morshooo]

بص انا كنت بقول الاحسن تظهر
الحاجات الكويسه فى الصيام
يعنى كنت كلمنا عن فوائد الصيام
وتظهر اننا شعب عربى مسلم
وشهر رمضان دا شهر كلنا بنستاة من السنه للسنه
عموما
بخصوص الناس الكبيرة الى بتفطر محدش يعرف
ظروفهم ايه انتا ممكن يكون قدامك واحد عندة 40 سنه
وزى الفل وشغال بس مثلا لازم ياخد علاج
عشان عندة اى مرض والعلاج دا لازم ياخدة
الصبح او الظهر او العصر فخلاص دا مريض
الراجل مش هيمشى حاطط ورقه على صدرة ويقول
انا باخد علاج يعنى نسبنا من الظاهر لان الباطن
محدش يعمله الا الله
وانا معاك الى بيكون قادر ويفطر دى حاجا تانيه
بينه وبين ربنا .
بخصوص السجائر
هم عارفين انهم فاطرين ودى ناس ضعيفه
ان يخلى سيجارة تتحكم فيه
دا واحد متخلف ومايعرفش ربنا اساسا
اخيرا :
ودا عيب انتا وقعت فيه والا انا والا انتا
دخلنا البيوت ونعرف هو عاشر زوجته والا لا
ومعتقدش واحد هيكون متزوج والمفروض انه فى شهر رمضان
وحلال انه يعاشر زوجته طول الليل
وهتحله فى عينه فى وقت الصيام يعنى
اعتقد صعبه دى ولو بتحصل يبقى بنسبه اقل من
1% حتى لو حد فكر فيها .

[big bốss]

اقتباس المشاركة الأصلية كتبت بواسطة اميرة الحب الضائع فعلا الناس بقت مش مهتمه دول 30 يوم فى السنه كلها يعنى باقى معاك 11 شهر ومش قادر تصومهم يعنى الاباء الى المفروض هم القدوه للئبناء بيفطرو يبقا الاولاد هيعملو ايه اكيد هيقولو تعبان مش قادر اصوم اما بالنسبه للسجاير يعنى الناس اى بتصوم وبتفطر على السجاير ويقلك انا صايم طب انت بضحك على نفسك ولا على ربنا يعنى ادرت تتحمل العطش والجوع والحر ومش قادر تستغنا عن السجاير يعنى دول 30 يوم مش قدرين نصومهم ربنا يهدى بجد تحياتى على الموضوع الجامد يا نور ميرا

الناس بقيت متعوده تعيش براحتها طول السنه

علشان كدا لما يجى رمضان بتبقى مش عارفه تلتزم

لان التعود على الغلط صعب تقلع عنه لمدة شهر و ترجعله تانى

شكرآ ميرآ

[big bốss]

اقتباس المشاركة الأصلية كتبت بواسطة gold rose آه طبعاً معاك حق في كل إلي قلته يا نور ., يعني الراجل الكبير دا متعودشي مثلاً يصوم وهوا صغير المفروض يعلم أولاده لإن دا ركن من أركان الإسلام مش سنه يعني ., وفي ناس مش شايفه إن السجاير تفطر مع إنها مفطرة والمفروض نمتنع عنها طول شهر رمضان أصلاً ., المشاكل إلي انتكلمت عنها كلها سببها قله الوعي الديني من وجهه نظري ., وربنا يهدي المسلمين .,

قلة الوعى و عدم التعود على الالتزام و الانضباط هو اساس المظاهر الى بنشوفها

محتاجين نتحكم فى مسار حياتنا علشان نلتزم

شكرآ جولد روز

[big bốss]

اقتباس المشاركة الأصلية كتبت بواسطة morshooo بص انا كنت بقول الاحسن تظهر الحاجات الكويسه فى الصيام يعنى كنت كلمنا عن فوائد الصيام وتظهر اننا شعب عربى مسلم وشهر رمضان دا شهر كلنا بنستاة من السنه للسنه عموما بخصوص الناس الكبيرة الى بتفطر محدش يعرف ظروفهم ايه انتا ممكن يكون قدامك واحد عندة 40 سنه وزى الفل وشغال بس مثلا لازم ياخد علاج عشان عندة اى مرض والعلاج دا لازم ياخدة الصبح او الظهر او العصر فخلاص دا مريض الراجل مش هيمشى حاطط ورقه على صدرة ويقول انا باخد علاج يعنى نسبنا من الظاهر لان الباطن محدش يعمله الا الله وانا معاك الى بيكون قادر ويفطر دى حاجا تانيه بينه وبين ربنا . بخصوص السجائر هم عارفين انهم فاطرين ودى ناس ضعيفه ان يخلى سيجارة تتحكم فيه دا واحد متخلف ومايعرفش ربنا اساسا اخيرا : ودا عيب انتا وقعت فيه والا انا والا انتا دخلنا البيوت ونعرف هو عاشر زوجته والا لا ومعتقدش واحد هيكون متزوج والمفروض انه فى شهر رمضان وحلال انه يعاشر زوجته طول الليل وهتحله فى عينه فى وقت الصيام يعنى اعتقد صعبه دى ولو بتحصل يبقى بنسبه اقل من 1% حتى لو حد فكر فيها .

هتكلم عن فوائد الصيام ليه ؟

هو فيه حد لسه مش عارف فوائد رمضان يعنى

اما نقطة الى بيفطروا بعذر فدا خارج موضوعى لانهم معذورين و ربنا اداهم الرخصه

انهم يفطروا أنا بقول الناس الى صحتها حلوه و مفيش حاجه فيهم و بيفطروا لمجرد لانهم

مش اتعودوا يصموا

اما نقطة الى بيعاشر زوجته فى نهار رمضان كتير و مش بيستروا على نفسهم

بيحبوا يفتخروا و بيحكوا

منور يا مورشو

[دمعه حائره]

فيه ناس الدكتور بيكون قالهم يفطروا
هو غلطتهم انهم يجهروا بالفطار قدام الناس
وللاسف فيه اللى بيصوم لكن بيرتكب معاصى تانيه تفسد صيامه
زى النميمه والكدب والفتنه
حاجات كتير محتاجين ان يكون عندنا وعى بيها
وده دور المساجد ورجال الدين ومعاهم دور الاب والام
لان الصيام تدريب من الصغر
تسلم نور وموفق ان شاء الله