رمضان يجمعنا || فى المغرب مع انجى ||

[حَرفُُ هجآءّ]

رمضان يجمعنا من جديد

فى المغرب

بعاداته وتقاليده المتأصلة

فى المغاربه

ومدى تقديسهم لهذا الشهر الكريم

معايا ومعاكم

بنت المغرب العربى

انجي_1






مشرفة الازياء والميك أب

اهلا بيكى انجى فى برنامج رمضان يجمعنا
كل سنة وانتى طيبة
(( عواشر مبروكة ))


ههههههههههه
اهلا بيكي يا قمر تسلميلي
وانتي طيبه يارب
عواشر مبروكة علينا وعليك ان شاء الله


امين يارب


عواشر مبروكة دى التهنئة بين المغاربة وبعضهم فى رمضان
يعنى ايه بئا عواشر مبروكة ؟


اه ف المغرب ف اي عيد ديني او ف رمضان بنقول لبعضنا عواشر مبروكة
زي ما انته بتقوله كل سنة وانتم طيبين
احنا بنقول - عواشر مبروكة - دي لهجة مغربية لها نفس المعنى بس مغربي بقا


بصراحة فهمت عواشر مبروكه
على انها مقصوده بالعشر الاوائل والعشر الثانية والثالية




احكيلنا عن اجواء رمضان فى المغرب فى
الاسواق الشوارع والجوامع ؟


اجواء رمضان ف المغرب جميلة اوي
زي كل البلدان العربية والاسلامية
الاسواق مليانة بما لذ وطاب ورواج كبير اوي
والتجارة بتزدهر جدا ف الشهر ده
الشوارع الصبح فاضية وجميلة وبعد الظهر بتبقا مليانة وناس رايحة وناس جاية وجو جميل
الجوامع بقا بعد الفطار تتملي ناس وتبدائ صلاة التراويح وخشوع رائع
يعني بكل اختصار رمضان له نكهته الخاصة




اهم ما يميز رمضان تواصل الارحام عن طريق العزومات
من اليوم الكام فى رمضان تبدء تشتغل العزومات بين العائلات وبعضهم وهل جو اللمه بيختلف عن أى يوم تانى غير رمضان ؟




اكيد ف رمضان صلة الرحم والحمد لله بتكون قوية اكثر بيكون في عزومات كثير بين الاقارب والاهل
احنا كمان بنتعزم عند خالاتي نروح لهم ونتجمع على الفطار ونروح صلاة التراويح مع بعض
اكيد اللمة بين العيلة بتكون حلوة وتحسي ان ليكي عزوة كده



هل المشاعر الدينية والعبادات بتضغى على حركة الاسواق والبيع والشراء فى المغرب ولا العكس؟


اقدر اقول لك ان في توازن
يعني بالنهار تكون الحركة ف الاسواق قوية بيع وشراء وكده يعني
بالليل تلاقي الجوامع ماشاء الله مليانة والكل بيتسابق عشان يلحق له مكان ف المسجد
القهاوي كمان تلاقيها مليانة بالشباب بعد الصلاة
وتفضل الاسواق فاتحة لغاية الصبح


ايه اهم الطقوس اللى بتميز المغرب عن اى بلد تانية؟



الطقوس اللي بتميزنا عن باقي الدول الاسلامية
الاطفال اللي تصوم ف ليلة القدر بيلبسيهم لبس تقليدي مغربي ويصورهم فوق الخيل


وف مائدة الفطار احنا كمغاربة لازم نحضر شوربة الحريرة المغربية كل يوم
ولازم ف كل مائدة مغربية تلاقي حلوى اسمها - الشباكية - والتمر دول اساسي ف كل الموائد المغربية
يعني دي من العادات اللي بنتميز بيها ف المغرب عن باقي البلدان




المطبخ المغربى من اجمل المطابخ بجد ايه الاكلة المشهورة اووى فى رمضان لازم تكون موجوده على السفرة ؟


صح المطبخ المغربي غني ولذيذ
بمووووت ف الاكل المغربي انا
وزي ما قلت لك الاكلة المشهورة اللي لازم تكون موجودة ف كل مائدة مغربية مهما حضرت الست من اكلات لازم يكون في شوربة الحريرة اللي ضرورية بيحبها كل المغاربة وحلوى الشباكية اللي بتحضرها الستات المغربيات قبل رمضان عشان دي لازم تكون ف كل بيت


الشباكية من اشهر حلويات رمضان عندكم
طعمها ايه بئا ههههه
مع الوصفة لو سمحتى



هههههههههههههه لسة ذكراها فوق اهه
شكلك عندك معلومات قوية عن المغرب بقا

طعمها حلو جدا
وهي اصلا حلوى بتكون مقطرة ف العسل

بس وصفة صعبة اوي

هجيب لك الوصفة بس بالمغربي
لو مفهمتيش حاجة اساليني انتي بس

-------------


مقادير و طريقة تحضير شباكية




مقادير الشباكية
شباكية صراحة كتجي بنينا و هشيشة
زلافة زيت لعود + زلافة زبدة دايبة +1بيض+ملعقة صغيرة خميرة العجين+زلافة لوز محمر و مطحون+زلافة زنجلان محمر و مطحون+نصف زلافة الخل+2 كوزات+1ونص خميرا حمرا+النافع+حبة حلوة+زلافة ماء زهر+قبصة ملح+الزعفران +زلافة دلماء+الدقيق ف الاخير
العجينة تكون لينة لمهيم بالنسبة لحوايج لي نطحنوا ندوزوهم ف الغربال باش متقطع لينا العجينة

اليوم جبت ليكوم شكل جديد لشباكية اسهل منو ماكينش خصوصا لبنات لي مكيعرفوش لتشباك
وحاجة أخرى ان هاد الطريقة مافيهاش تمارة ومكتبقاش ليك العجينة بزاف بحال شباكية العادية ودغيا كتسالي بدون تعب جيبت ليكم


طريقة تحضير الشباكية

كنطلقوا العجينة و نقطعوا أشرطة

ونهزو شريط راس ديالو نلصقوه مزيان باش متحلش لينا ف زيت ونبداو ندورو بكل سهولة














نقليوهوم ف زيت ملي يتحمرو شوي نرميوهم مباشرة ف لعسل و نديرو ليهم زنجلان




ونحميها ف العسل



الشكل النهائي



صحة وهنا
بس صعبة ف التحضر بتعذب بجد

هههههه حلوه دى نحميهم فى العسل
------------

فى بعض البلدان الخليجية رمضان عندهم اجازة سواء من الدراسة وبعض الاشغال
فى المغرب بئا نفس النظام كده ولا لا ؟



لا عادي ف المغرب الكل بيشتغل ويدرس مفيش اجازة
بس بما ان رمضان جه السنة دي ف الصيف العيال اجازة بقا من الدراسة
بس الناس هنا شغالة مفيش راحة الا ف العيد ان شاء الله

---------

ايه سبب كتر الشتائم والسب بين بعض الناس فى الشوارع فى رمضان ؟



على فكرة مش كل الناس بتشتم ف رمضان
الناس اللي بتعمل كده هي الناس اللي بتتعاطى المخدرات والسجاير عشان بيكونو مبطلين بالنهار تلاقيهم متعصبين
بس الناس المؤمنة بيكون يومها كله ايمان ويكون هادي وعادي جدا

------------

ايه السلوك المستفز فى الشارع فى شهر رمضان نفسك انه يختفى ؟



زي ما قلتي الشتايم والخناقات الكثير اللي بتحصل ف رمضان بين الناس ف الشارع

اه والتحرش بالبنات والستات لازم الناس تراعي ربنا
ده شهر الصيام والناس صايمة مينفعش اللي بيحصل ده ف الشوارع ربنا يهدينا جميعا

--------------

ايه الحاجة اللى افتقدتيها رمضان اللى فات تتمنى وجودها السنة دى ؟



هو بصراحة افتقدت جدتي الله يرحمها
رمضان اللي فات ورمضان السنة دي
كنا 4 ف البيت لما ماتت اصبحنا 3
وبجد احنا بقينا وحيدين من غيرها
ربنا يرحمها يارب ويحسن اليها

-----------

كلمة منك لاعضاء بنات مصر



كل سنة وانتم طيبين يا احلى منتدى ف الدنيا
وبحبكم ف الله

وشكرا ليكي يا قمر على الاستضافة الجميلة
وعواشرك مبروكة



تسلمى انجى نورتى الحلقة

استنونى الحلقة الجاية

من رمضان يجمعنا فى || السعودية بطابع مصرى ||

[حـيـــــآة ❤]

حوآر رآئع أسسيل
وضيفه زي العسل
تسسلمئ بئآ
ورمضآن كريم عليكوآ

[غريـب ألأطـوآر]

حوار لذوذ اسيل

وانجى بنوتة مغربية مية مية

وتحية منى لكل اهل المغرب الاشقاء

وتحية منى لطريقة الحوار

[حنان الجزائرية]

احنا كمان بنقول عواشير هههههه

بس الحلو دى نقولو قريوش وعادات ولايتي مستغانم مثل المغرب تقريبا
اصلها قريبة من المغرب والنا نفس الطبخ تقريبا بس تختلف الاسماء
مو مثل الولايات الاخرى
ميرسي يا اسيل على استضافة انجي
منتظرينك في الحلقات الاخرى

[۩۩ elMagic ۩۩]

حوار جميل جدا
والحريره دي انا شربتها قبل كده
وحلويات كتير من عندكوا أكلتها بس مش اعرف اساميها
مرات السيد الوالد عملتهم هى مغربيه الاصل بردك
نورتى انجى الحلقه
تسلمى إسيل لمجهودك
يدوم النشاط ,,

[جبل عالي]

عواشر مبرووكة عليكم اجمعين

بجد حوار جميل ياسيلووو خصوصا مع

انوووجة بنت عسل والله جداااا


انا حسيت ان الشبكية دي قريبة من المشبك المصري

برضو غرقان بالعسل



تسلموا ياعساسيل انتي وهي بقاااا

[انجي_1]

شكرا ليكي على الاستضافة العسل دي يا اسيل
تسلميلي
وعواشركم مبروكة ان شاء الله

[انجي_1]

	المشاركة الأصلية كتبت بواسطة crazy o_o ana

	حوآر رآئع أسسيل وضيفه زي العسل تسسلمئ بئآ ورمضآن كريم عليكوآ

حبيبتي انتي اكريزي
كل سنة وانتي طيبه يا حبي

[انجي_1]

	المشاركة الأصلية كتبت بواسطة غريـب ألأطـوآر

	حوار لذوذ اسيل وانجى بنوتة مغربية مية مية وتحية منى لكل اهل المغرب الاشقاء وتحية منى لطريقة الحوار

تسلم اخويا ربنا يخليك
وصلت التحية
واهل المغرب بيحبو المصريين موووووت
والله بجد
شكرا ليك

[انجي_1]

	المشاركة الأصلية كتبت بواسطة حنان الجزائرية

	احنا كمان بنقول عواشير هههههه بس الحلو دى نقولو قريوش وعادات ولايتي مستغانم مثل المغرب تقريبا اصلها قريبة من المغرب والنا نفس الطبخ تقريبا بس تختلف الاسماء مو مثل الولايات الاخرى ميرسي يا اسيل على استضافة انجي منتظرينك في الحلقات الاخرى

ما المغرب والجزائر فولة وانقسمت نصين بقا
هلا بناس الجزائر الشقيقة
حبيبتي انتي
نورتي