مش المفروض الاغانى حرام ؟؟ !!

[محمود الصاروخ]

السلام عليكم ورحمة الله وبركاته
==
أخباركو شباب ؟ يارب بخيـر كده ان شاء الله

انا من فتره منزلتش مواضيع لظروف بس موضوع النهارده
هسأل عن حاجه كده و أعرف راى الناس فيها لأنها بصراحه مجننانى

بس ف البدايه انا لا هجيب سيرة مرسى ولا سيرة سيسى عشان مش كل ما أكتب حاجه
يطلع واحد يغلط ف السيسى الموضوع ملوش علاقه بالسياسه

احنا أكيد كلنا بنسمع من ناس كتير ان الاغانى حرام
ولما سالت فيها ناس قالتلى ان فيها اختلاف وكده

المهم

كان عندى فرح بنت عمى يوم الخميس و روحت يوم الحنه عادى قعدت شويه
المهم لقيت واحد جه قعد جنبى و كده و الاغانى اللى كانت شغاله اغانى
اللى بيقولو عليها مش حرام لأنهم اخوان اغانى من بتاعتهم دى
يعنى اغانى للعريس و العروسه وكده جه ف دماغى ف الوقت ده
مقولة الناس ليا ان الاغانى حرام

سالت نفسي .. طب دى مش اغانى ؟؟
مش مزيكا دى طيب ؟؟

ماهى كلمات الاغنيه للعريس و العروسه عادى
منا ممكن أخد المزيكا دى و أهندس عليها و اسجل عليها ونفس الرتم بكلام من عندى
هتكون حرام برده ؟؟

انا مابتكلمش ع الاغانى عموما اللى بيكون فيها كلام خارج وكده
انا قصدى الاغانى العاديه .. ماهى تعتبر مزيكا نفس المزيكا
وعشان مفيش حد يطلع يقولى الاغانى دى طبله بس
انا سامع بودنى الاغانى طبله + مزيكا
ومنهم حاجات معموله ريمكس

انا مش عاوز أطول بس لأن الموضوع واضح
هو مش المفروض الاغانى دى حرام برده ؟؟
ولا انت شايف ايه من وجهة نظرك ؟

ياريت يكون حد فاهم قصدى صح
وعارف ان ف ناس كتير هتطلع تبرر وتقول مش مزيكا وكده وانها طبله
وقبل مايقول كده هقوله ان انا سامع محدش قالى
وهاتلى انت اى مزيكا لـ اغنيه من بتاعتهم وانا امشيها
على هوايا .. ونشوف هيحرموها علينا ولا ايه ..

وزى ما قولت الموضوع مش قصدى نتكلم سياسه
انا عاوز رأيكو بجد لان هتجنن بسبب الموضوع ده

==

خالص حبى
محمود الصاروخ

[اميرة الحب الضائع]

اولا حضرتك قولت مش عايز تدخل السياسه وبعدين قولت الاغانى بتعتهم
ده على اساس انهم ايه مش مصريين ولا جربنبن على العموم بلاش امشى فى نفس الطريق بتاع حضرتك لانو كلامك كلو تناقض

ثانيا حضرتك بتقول ان الاخوان هم الى بيقولو الاغانى حرام
تمام على فكرة فى السلف هم كمان بيقولو الاغانى حرام واعتقد السلف مع السيسى ابل طباع ما تنقلبو على بعض
يعنى واضح جدا ان حضرتك داخل عشان تخلى الموضوع سياسى

وانا مش هفتى واقول حرام ولا حلال لانو الى عرفاه كابنت عاديه مسلمه

ان الاغانى مش حرام طالما مفيهاش كلام خارج

ملحوظه

ارجو بس ابل ما تكتب موضوع تكون مراجعو كويس وشايل التناقض الى فيه

تحياتى

[world]

موضوع مميز وفعلا
انا بلاحظ التناقض الكبير ف كلامهم
م الاخر الحرام علينا بيكون حلا لل ليهم
ولك ف دولي عبره
تسلم ع الموضوع

اما بالنسبه للي بتقول ان السلفيين ايضا حرممو الاغاني زيهم زي الاخوان
وانهم من مؤيدي السيسي
انا مش فاهمه بجد ايه دخل كلامك ده بالموضوع اساسا
وبعدين السلفيين مش بيعملو اغاني ويقول عليها حرام بعد يويمن
لكن الاخوان الاغاني عندهم حرام ف اوقات وحلال ف اوقات ودي المشكله

[شهيده تحت الطلب]

انا من الناس اللي بيقولوا عالاغاني الهابطه حرام
يعني اصلا مفيش وجه مقارنه بين الاغاني اللي في الافراح العاديه
والافراح الاسلاميه
يعني مثلا لما تروح فرح
وتلاقي موسيقة الاغنيه موسيقة رقص
وتلاقي كلام الاغنيه اصلا هابط
يعني ينفع نقارن مثلا
"حبيبي علي نياته كل البنات اخواته"
بـ
"جمع و وفق بنت الاصول لابن الاصول"
قارن بقي بين الاغنيتين
مفيييش مقارنه خااالص
ده كلام هابط وده كلام هادف
وبالنسبه للمزيكا اللي مدايقاك
في موسيقي حرام ومسيقي مش حرام
ده اللي اعرفه

شكرا عالموضوع ^^

[اذار .]

- قوله تعالى: {وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّـهِ بِغَيْرِ عِلْمٍ وَيَتَّخِذَهَا هُزُوًا ۚ أُولَـٰئِكَ لَهُمْ عَذَابٌ مُّهِين} [سورة لقمان:6].

قال حبر الأمة ابن عباس رضي الله عنهما: هو الغناء ،
وقال مجاهد رحمه الله: اللهو : الطبل (تفسير الطبري)
وقال الحسن البصري رحمه الله: "نزلت هذه الآية في
الغناء والمزامير" (تفسير ابن كثير ) ،

- قال رسول الله صلى الله عليه وسلم: « ليكونن من أمتي
أقوام يستحلون الحر و الحرير و الخمر و المعازف ،
و لينزلن أقوام إلى جنب علم، يروح عليهم بسارحة لهم،
يأتيهم لحاجة، فيقولون: ارجع إلينا غدا، فيبيتهم الله، ويضع العلم،
ويمسخ آخرين قردة وخنازير إلى يوم القيامة » (رواه البخاري)


هذي ادله على تحريم الاغاني ،
يعني نشوف العجائب في التحليل و التحريم عند البشر ،
و يتجاهلون القران و السنه ،
عجباً لكم .

- شكراً محمود .

[تجملت بالعفآف]

ههههههههههه

فكرتني بفرح اختي

الموسيقه حراام والاغاني مجرد كلمات

كانك قاعد فـ عزا ههههههه

بس تصدق احلي من الافراح الشعبيه والاغاني الهبله الي طالعه

[حـيـــــآة ❤]

شوف هو جمييع اﻷغانئ الهابطه من غير مزيكا حرام
لكن بالنسبه لغاني التانيه الئ مش داخله ف الحب و.. و.. و..
فدي عادي بس لو من غير موسيقى عدا الطبل الطبل حﻵال..
لكن أي نوع موسيقى تلني حرآام
(ومن الناس من يتخذ لهو الحيث ليضل عن سبيل الله)
والمقصود هنا ب( لهو الحيث) هو المعازف والموسيقى والغناء المحرم...
تقبل مرورئ أخي
تسسلم ع الموضوع

[Stop Ana Eltop]

هو انت منين مش عاوز سياسه ومش عاوز حد يشتم السيسى وداخل تتكلم على الاخوان
ولا هو بقى ضعف منكم انكوا مش عارفين تردوا
ع العموم خلينا فى موضوع التوبيك

الدين هو دين واحد يا اخ محمود الاخوان مخترعوش دين لوحدهم
الاغانى حسب كلام الشيوخ الافاضل
الموسيقى سواء رقص او دينى حتى حراام
المعازف يعنى

اما الكلام بيتوقف على معناه
لو كلام مش تمام زى الى بنسمعه دلوقتى وشغل المهرجانات والحاجات دى
حاجه مبتذله وفيها خدش للحياء فهى حرام

اما لو كلام عادى زى الاناشيد الدينيه مثلا كدا عادى انها تتسمع بس بدون موسيقى

يعنى الموسيقى هى اصل التحريم

ومش هتكلم ع السيسى والاخوان عشان دى حدوته مابتنتهيش
بس زى ماقالت اميره بلاش تناقض
عشان التناقض دا بيبن انه التوبيك دا توبيك لمجرد صندوق الابداعات
وكمان هجوم لمجرد الهجوم مش هادف يعنى

[™Amiliya]

استفتي قلبك
ومعظم الامور الي قال عنها بعض المشايخ مابين تحليل وتحريم تعتبر شبهات
فااتقو شر الشبهات

[War ROFL]

اول حاجه في فرق بين الاغنيه او النشيد الي ممكن يكون حلال او حرام حسب محتواه
وبين الموسيقي دي حاجه ودي حاجه تانيه
تاني شيء موضوع الموسيقي فيه خلاف بين السلف وفيه اقوال
و الاخوان علي فكره مش بياخدوا بالقول بتحريمها و دا شيء معروف لكل من عاشرهم
لانهم بيسمعوا عادي وان كانوا مقلين

اما السلفيين او الاكثر تمسكا مبيسمعوش نهائي
الامر فيه سعه
بالنسبه لي حتي كنت بسمع بعدين بقيت بقلل خالص الي درجه عدم الاستماع مع اني ماخدتش برأي التحريم

المهم انه حضرتك واخد الامر مش من منحي ديني ولكن من منحي سياسي بحت والا كنت بحثت في امر الدين
وخلينا نقول برده اما نبعد موضوع الدين
فالاناشيد او الاغاني الي بيسمعها الاخوان او اغلب الناس المحترمه
معلش يعني لا يجوز مقارناتها بالعك والقرف الموجود علي الساحه ولا باغلب الاغاني الشعبيه بتاعة البلطجيه والمهرجانات والكلام دا
شتان الفرق كان واحد بيسمع لفيروز و واحد بيسمع ل القرف الي موجود دا