✨ أمل حـيـــــآة ✨

[حـيـــــآة ❤]

الجلوس مع نفسك يعطيك فرصه اكبر
للتفكير
في نفسك وحياتك والاشخاص من حولك
ولو نفسك معندهاش قابليه للنقاش فاحسن ليك بلاش

[حـيـــــآة ❤]

بدخل قسمي كل شويه اكتب كلمتين
واطلع تاني
وارجع تاني اعمل موضوع واكتب واطلع تاني
معنديش الجرأه افضفض المرادي
اصدق العبارات دي اللي متعرفش تعبر عنها
بس فعلا مدايقه جدا من اللي انا فيه
تعبانه ومش حاسه اني عملت شئ مفيد ف حياتي
وعايزه اهرب من كل دا ووقت مااهرب منه ارجعله تاني
حاسه بكميه سخافه ف حياتي
يعني النهارده وانا بطبع الترشيح بتاع الكليه قعدت اضحك
علي قد مابكيت برده
ناس كانوا ف حياتي ومش عارفه دخلوها ازاي وازاي سمحتلهم
ومن اليوم بجد انتوا بره حياتي تماماً
وبالنسبه للمنتدي
هاخد منه ريست ممكن يكون مش هيريحني عشان مرضي
لكني هرتاح كتيير من دوشه يامه اوي ف حياتي
واذا ربنا ادانا عمر هرجع تاني باذن الله

[حـيـــــآة ❤]

السعاده حقيقي ف طفل بيشتمك وهو مش فاهم يعني ايه

[حـيـــــآة ❤]

السلام علي المارين من هنا
شكر خاص لمن سئلوا عني
واعتذر لو مكنتش رديت علي جميع التقييمات ولا الرسايل
لاني بفتح باقه حالياً .
دعواتكم لي بالشفاء
كلها كم يوم وارجع باذن الله
.

[حـيـــــآة ❤]

وحشتوني
انا فوجئت بصراحه اول مادخلت من. الارقام
ربنا يعزكم. جميعا يارب
ربي فضله. كبير
ونحن. هنا. وتمت العمليه بنجاح
والحمدلله علي. كل حال

[حـيـــــآة ❤]

في الدنيا دي قلبي رفيقي

احكيله يقولي اصحي وفوقي

ف سعدي جنبي وف وقت ديقي

لو مهما سابوني قلبي عليا باقي

.....
ومين عليا هيبقي؟ اذا كانت الدنيا فانيه

جت معايا الكلمتين دول ومش ناويه اكملها







.

[حـيـــــآة ❤]

انا ساعات لما بكتشف حد علي حقيقته
بطلعله مليون عذر برغم اني بتكلم كتير وبشتم في الشخص دا
اللي هو انا اتصدمت فيك خلاص!
وانا اصلا بحاول الاقيله اعذار واكذب نفسي
انا من النوع دا.. برغم اني ممكن اطلع كلام كبير جدا وقتها ميتقبلش
بس انا من جوايا زعلانه اوي عشان اكتشفت الشخص دا ع حقيقته
دا حصل امبارح
قد ايه اتصدمت فيكي والله
مش عارفه اقول ايه ف الناس
بس لازم نتعامل بجد بعقولنا
والعقل قاسي!
الحمدلله اولاً واخيراً

[حـيـــــآة ❤]

بتخيل ليله عرسك جايه

وشايفه عروستك بين ايديك

تشوفني عروستك تضحك ليا.

وتقولي ان انا اولي منها بيك

واستغرب !

مايمكن كاشفه الحب ف عنيا؟

افتكر ايام كان الشوق ماليني وماليك

افوق والاقي الدبله ف اديها مش ايديا

وهي مش انا اللي هتكون بين ايديك

امشي من المكان ماسكه قلبي بايديا

ودموعي نازله من عنيا!

علي اي كلمه منك هتكون ليها مش ليا

وبتخيل ليله عرسك
جايه

19/8/2016

[حـيـــــآة ❤]

مش عارفه انا مليت من المدونه
ومليت من المنتدي
ومليت من الدنيا
وحاسه اني عايشه كدا زياده عدد

[حـيـــــآة ❤]

مبقتش هستغرب والله..