عناوين ومعانى..والحلقة الحادية والعشرون..وملك جبال الأحزان

[العاشق الذى لم يتب]

مسائكم حنين معتق بأرصفة الذكريات وشواطئ البحور وإشراقة شمس وإنسدال ضوء القمر على أنغام الحرف . رحت أتدلى على تلك الأغصان لأقطف. من ثمارها ذكرى سكنت في جوف الروح لأتلذذ بطعمها كل حين .. أخبى منها الكثير في عوالم حياتي لإدخره ليوم الاشتياق الذي فيه تمسني أنامل القدر بقسوه .. اتذوق طعمها وكأنني اتذوق طعم التوت,, وأغوص في حلاوتها واتلذذ بها حد الجنون.. فهي وطن لي يفوق الخيال والوصف أأأهـ كم هي جميله الذكريات ان روحي تهوي إليها حد التعمق.. أعضاءمنتدانا الجميل وحشتووووووونى

السلام عليكم ومساءكم جورى وعنبر عناوين ومعانى والحلقة الحادية والعشرون تجولت مع أحبتى أصحاب المدونات باحثا ومكتشفا تلك الأسراروالمعانى لمدوناتهم لنبحرسويافى أنهارعذب مكنوناتهم نرتشف رحيق زهورهم الندية ونبتهج بأريج عبق عطوركلماتهم الدالة على صفاء نفوسهم وومضات قلوبهم نتجول ربوع أمزجتهم حيث يكونوا فرحين تارة وأخرى غير مستقرة لنرى كيف يكون معبرا نثر أقلامهم لقائى اليوم مع واحد من أنبل رجال المنتدى إنسان ظريف طريف خفيف محبوب خدوم والكل يشهد بذلك لايتوانى إن طلبه أحد فى خدمة بل هو الذى يطلب من الجميع أن يخدمهم هو شاعرحيث يكتب النثريات وهو مصمم ومتخصص فى الفيتشوب هو يسافرعبرقارات العالم لتجول سائحا يلأتى بكل ماهو جديدوحديث فى عالم السياحة وهو أطلق على نفسه جبل وأن أراه جبل لاتهزه الرياح العاتية والمحملة بالأحزان والأوجاع كما أراد أن يلقب نفسه بذلك هو لدىّ صديق مقرب بل صاحب عزيز وله بالوجدان مكانة إنه الفيلسوف الكير ملك جبال الأحزان ملك جبال الاحزان مشرف قسم السويتش ماكس ملك جبال الأحزان ملك جبال الاحزان مشرف قسم السويتش ماكس مرحبا بك الغالى ميدو نورت البرنامج وأرجو الإجابة على مايلى 1ـ ماهو أسم مدونتك 2 ـ ماهو المدلول والمعنى من الأسم 3 ضع ثلاث مشاركات من أختيارك بمدونتك مع التعقيب والتعليق عليهم وكانت هذه إجابته فلننظرماذا قال الحمد لله تمام ازيك أنت أحج جنون مع أرتجآفآت لآ أكثر انا مش فكر اوى بس اللى فاكره ان كان فيه بيدج على الفيس اسمه (ارتجافات لا أكثر ) وكان عاجبنى اوى ومتابعه جيت يوم وكنت عايز اغير اسم المدونة ومرة واحده افتكرت اسم البيدج بتاع الفيس روحت عملته بقا بنفس الاسم وبما انى مجنون روحت مزود عليها جنون لان انا اساسا بحب الجنون الاولى اقتباس السفينه هتغرق ..كلنا فى سفينة واحدة.حافظوا على سفينة الوطن نزلونى من أم السفينه ديه يا جماعة انا أساسا مش بحب السفن ولا بحب اركبهم وكمان ليه مصر بالذات ماسكة نفسها فى سفينه ما تركب طيارة عربيه انشالله توكوتوك على الاقل مش هنبقا خايفين كدة حد يخرملنا السفينه ولو المشكلة الاخوان عندى حل نأجرلهم مركب أيه رأيكم المشاركة ديه كانت قبل فص اعتصامات رابعه وانا من الناس اللى كنت بجد مخنوق اوى من اللى بشوفو فى الاعتصامات ده يخرجو يبهدلو الدنيا ويرجعو تانى ويقولو اعتصامات سلمية كت مخنوق اوى من الموضوع الصراحة انا وقت ما كتبت المشاركة ديه مكنتش متخيل ان البلد ممكن توصل للى هى فيه ده بسبب كرسى وناس همهم فى الحياة المنصب بس يلاه بقا اهو حصل اللى حصل الثانية اقتباس ولآول مرة مزعلش على فلسطين واللى بيحصل فيها وخصوصآ فى الاحداث الاخيره فى (قلنديا) بالقدس والله انا مضايق انى مش زعلان على الناس اللى ماتو هناك وكل ده بسبب حماس وعصابتهم اللى بيتمسكوه كل يوم فى سيناء بيتهجموا على الكمائن واقسام الشرطة هناك مع اللى فاكرين نفسهم جهادين فى سبيل الله وغير كدة بعد العرض العسكرى اللى حضرتهم شايفين نفسهم قواى اوى ورافعين علامة (الاخوان)طالما انتو قواى اوى كدة قدامكم الى كل يوم بيقتل فى اهلكم مش شايفين نفسكم عليه ليه ! وغير كدة كمان بعض القنوات الفلسطنية ومنها طبعا قناة (القدس) اللى عاملة على شاشة قناتها علامة (رابعه ) وكل كلامهم بطريقة غريبه اوى تخلى الواحد يكرهم محسسنى ان مرسى ده هو اللى هيحرر فلسطين ميعرفوش ان اللى يبيع بلده عمره ما يدافع عن بلد حد تانى ونفس المشكلة مع قطر بس قطر مستقويه بأمريكا ان اللى مزعلنى زى ما قولت فوق ان الشعب المصرى من كتر الهجوم اللى شايفه عليه من دول عربيه لان هو ميهمهوش اى دولة اجنيه انه يكره الدولة كلها بشعبها وديه هتبقا مصيبة لان وقتها مش هيبقا فى دولة عربيه سليمة وكل ده بسبب المصالح وفى الاخر الشعوب هى اللى هتلبس كل ما اقراء المشاركة ديه ازعل اوى ان فى يوم الواحد يوصل بيه الحال انه يكتب عن فلسطين او حتى جزء منها بالشكل ده بس للاسف ده من الافعال اللى بتحصل الاخيرة والاهم اقتباس واخيرا الواحد بداء يشوف حجات حلوة اخيرا النهاردة وبعد الحاجه الحلوة الاولى انى نجحت والحمد لله امبارح النهاردة صحيت على خبر احلى واحلى كمان وبفعل فاعل النهاردة بقيت عمو ميدو واخيرا بقا ليا لقب فى العيلة بتاعتنا ديه النهاردة اخويا جاب بنوتة صغيورة مقلوظة كدة واسمها حبيبة وانا أساسا اسم حبيبة ده من اسماء البنات الـ3 الاولى اللى بحبها فى كل اسماء البنات مع ان كان نفسى يجيب ولد علشان اطلع عنيه واعلمه الكورة بس مفيش مشكلة نعلمها كورة بردو وهى تبقا تعلم اخوها لما يجى براحته ههههههههه يعنى انتظرونى لما الفرقعلوزة الصغيرة ديه تعرف تتكلم هتقولى يا مودو وكلمة مودو ديه انا بموت فيها أساسا مفيس طفل صغير فى عيلتنا ديه قال اسمى صح كل بيقولى يا مودو يلاه اى حااجه تيجى منهم حلوة بس هنا بقا فى مشكلة عويصة عوصأن انا مبعرش امسك اى طفل لسه مولود مبحبش كدة خالص مش عارف اعمل ايه وديه لازم امسكها على ما اظن صح ولو حتى انا ممسكتهاش بمزاجى هيمسكوهالى يعنى هيمسكوهلى ليا تجارب انا مع المواقف ديه بيجرو ورايا بالعيل الصغير ههههههههه اه وربنا عيلة فاضية يلاه عقبال الجميع بقا ده احلى خبر كنت اسمع بقالى فترة كبيرة اوى اهم من النجاح والحجات ديه كلها لان بجد لما بشوف حبيبة كدة بتضحك او تبتسم الابتسامة بتاعتها ديه بفرح اوى ربنا يحميها يارب لانى بجد بقيت احب البت ديه اوى ربنا يخليها لعمها يا رب كدة تمام أحج اهو جاوبت والشرف ليا طوبعا نحن أشد شرفا وسعادة بك ميدو وإلى هنا تنتهى حلقة اليوم وحتى ألتقيكم فى الأسبوع القادم أستودعكم من لاتضيع ودائعه مع تحيات أخوكم رفعت

[همس الحنين]

حلقه مذهله ورائعة أ. رفعت
ملك جبال الاحزان

قلم راقى
شكراً لك هذآ العطاء

بِ إنتظآر جديدك آلعذب وآلمميز
احترامى

[العاشق الذى لم يتب]

	المشاركة الأصلية كتبت بواسطة همسات فوق القمر

	حلقه مذهله ورائعة أ. رفعت ملك جبال الاحزان قلم راقى شكراً لك هذآ العطاء بِ إنتظآر جديدك آلعذب وآلمميز احترامى

شكرا
لمرروك العطر
اسعدنى التواجد
مودتى

[موري كول]

اولا المقدمه رائعه والتوبيك منسق وراقي
حلقه جميله في انتظار كل جديد

[ساحر الأحزان]

استضافة جميلة اخ رفعت

مع محمود

بحلقة جميلة منكم

موفقين

[Lamees]

جميلة روحك يا محمود
وشكراً رفعت للأستضافة الجميلة

[رووكه]

ميدووو منور القاعه مع آخونا القدير رفعت
مختار 3 مشاركات عجبونى بجد وعجبنى رائيك
بس آنت مختفى عن الصفحآت بقآلك فتره
ويآرب يكون المآنع خير
نورت بحضورك القيم
وتسلم رفعت ع مجهودك الراقى

[الأميرة رودي]

مدونه محمود جميله وبيكتب بتلقائيه وروحه فيها حلوه وخفيفه
بيدخلنا جوه تقاصيل حياته لانه قريب اوي من مدونته وبيحكي فيها مواقف يوميه كتير
انسان طيب ونقي لآبعد الحدود
ربنا يوفقه فى كل حياته ويجعل غيابه عنا خيــر ويرجع من تانى ينور مدونته باستمرار

كل الشكر ليك رفعت على المجهود المتواصل
تحياتي لشخصك الجميل