بتستخدم النت فى ايه ؟؟؟؟

[عاشق متيم]

أصبح الاتصال بالنت من الاشياء الاساسيه فى حياتنا ولا غنى عنها ؛
لدرجه ان نسبه كبيره من الاشخاص ممكن ان يغضب او يتعصب لو فصل عنده النت .
وبسبب اهميه الاتصال بالنت ؛ حرصت بعض الكافيهات والمطاعم ان يكون هناك واى فاى مجانى وده بيكون عامل جذب للناس ؛ يعنى مدينه نصر مثلا مطعم جوستو مزود بخدمه الواى فاى المجانى وغيرها وفى امريكا الشواطىء مثل جونز والحدائق اللى جذبت 18 مليون زائر بعد تزويد الخدمه ؛ ده بيدل على اهميه الانترنت ...
فى شهر يناير اللى فات صدر تقريررسمى عن وزاره الاتصالات فيه
ان عدد مستخدمى الانترنت فى مصر بلغ 37.14 مليون مستخدم
وفى تقرير اخر بلغ عدد أفـراد الأسـر مستخدمـى الإنترنـت فى اللعب عبر الإنترنت أو تحميل ألعاب الفيديو وألعاب الحاسب 2,6 مليون ...
========
النت يأما تستفيد منه وتتعلم وتتثقف وتعرف حاجات ؛
ويكون النت له عامل ايجابى فى حياتك فى تزويد المعرفه ..
او تستخدمه بشكل سلبى وفيما لا ينفع ويضر ...
وهنا بترجع لطبيعه وعقليه الشخص واهتماماته
يعنى واحد بيحب مطرب ليل نهار بيحمل اغانى وفيديوهات
واحد تانى بيحب الافلام الوثائقيه
واحد ثالث شغال سب وشتم للناس ودى الواحد يبقى يعمل لها
توبيك وهى اتاحة الرد على الاخبار فى المواقع
نادراً لما الاقى مفيش حد معلق وشاتم.
واحد رابع اهتماماته دينيه وبيدخل على مواقع اسلاميه
وبيحمل خطب وتلاوات وكتب .. وهكذا ..
===========
انت بتستخدم النت فى ايه غير الدخول على المنتدى ؟؟؟

[big bốss]

هو اصبح شىء أساسي فى حياتى

بستخدمه فى معرفة الاخبار و بتثقف منه فى اى معلومات من عارفها تخص الصحه

او الثقافه العسكريه او معلومات دينيه او معلومات عامه

بصراحه بستفاد منه جدآ

نايس عدوله

[العاشق الذى لم يتب]

كثيرة ومتعددة استعمالات النت
والكيس من استفاد من نعم الله
دونما أن يضرنفسه والآخرين
وشكرالك عادل
تحياتى وودى

[ايمان طلعت]

للنت استخدامات كثيرة نافعه
وبقى اساسى فعلا ومن مستلزمات الحياه
لكن اكتر الناس بتستخدمه سلبى
بالنسبه ليا بدخل نت هنا فى المنتدى
او اتعلم حاجه عايزاها
او احمل حاجه للاولاد تعليميه او كرتون والعاب
واى حاجه تقف قدامى مش عارفاها بدخل اعرفها من النت
تحياتى لك

[فروتى روتى]

أنا عن نفسي بستخدمو فى الدخول على
الفيس بوك و اليوتيوب وبسمع اغانى و بشوف صو
ر وسعات بدخل منتديات تانيه وهو فعلا اصبح حاجه لا غنى عنها

[™Amiliya]

حسب احيانا في التفاهات والله ياعاشق واحيانا المفيد
والدراسة هي الي بتخليني اركز عليه واكون اون لاين مستمرة
بس في الفراغ لو مبعملش حاجة مهمة بقضيها تفاهة شات مع صحابي اتفرج ع افلام اسمع اغاني
لغاية مضيع الساعتين

[Fatma Fareed]

يعنى بالنسبالى مش حاجه اساسيه
انا بس بسلى وقتى فى المنتدى او على الفيس وكمان مش كتير
يعنى علشان مذاكرش من الاخر كده

تسلم على التوبيك

[حالمة باميرى]

انا اغلب وقتى بحمل مسلسلات كورية تقريبا خلصت على المسلسلات كلها
بس دلوقتى لو اشتغل ساعةيبقا ابوس ايدى وش وضهر

[حنان الجزائرية]

انا عن نفسي بستخدمه في تحميل الصور مشان التصميم
بحب اطلع على تصاميم الفوتوشوب واستفيد منها
وكمان في دراستي وثقافة عامة

[همس الحنين]

كل انسان وحسب هوايتة

مش كلنا بنستخدمة بنفس الطريقة

استخدامى له كذا صوره

بس نادر يكون للترفيه

بحتاجة كتير فى البحوث
بيوفر عليا جهد كبير

والمنتديات للكتابة لانى بحبها

تسلم