بلاش تتجوزها يا ابنى

[Handsome]

السلام على اهل السلام

" بلاش تتجوزها يا احمد " .. جملة قالتهالى امى و انا رايح اكتب كتابى على المدام (حاليا) و الانسة خطيبتى (سابقا) .. الى اخر لحظة قبل كتب الكتاب و انا كنت بسمع الجملة دى .. بلاش بلاش بلاش ..

القصة ان المدام (حفظها الله ) تعانى من اعاقة فى السمع (سمعها يكاد يكون صفر احيانا ) و صعوبة فى النطق اى الكلام ..

اتقابلنا فى فرح فى منطقة شعبية .. صديقى انسان بسيط و عزمنى على الفرح و كنت لسه بادئ فى تحضير الماجستير قبل ما اقرر انى هاخده من المانيا .. رحت الفرح و ببص بعينى بعيد عن الرقاصة و اللعب بالمطاوى .. الاقى بنت زى القمر ( بتنور بليل صدقونى ) بعباءة سوداء فضفاضة .. بمكياج خفيف يا دوب ملمعة خدودها بالاحمر .. ركزت معاها جامد

قصتى مع المدام غريبة شويه .. مش مهم تفاصيلها بس المهم فى الموضوع هو ..
1- من بيئة شعبية
2-مش متعلمة
3-نوعا ما تعتبر عندنا نحن البشر فى هذه الدنيا .. بها اعاقه

والدتى خدت الموضوع بضحك .. كأنى بهزر ، والد البنت ( اللى هى المدام ) بردو مكانش مصدق لما طلبت ايديها .. اخواتها البنات ( اصحاء بلا امراض ) ضحكوا منها

شدنى ليها حاجة غريبة شوية .. سؤال .. هى ازاى بتعمل communication مع العالم الخارجى ( اقصد تعاملها معنا ) .. ازاى شخص لا يسمع ولا يتكلم و ازاى انت تفهم هو او هى عايز يقول ايه ؟

والدتى نهرتنى فى الاول و قالتلى بلاش لأن اولادكم هيطلعو معاقين زيها .. ( قاسية الجملة دى )
و قالتلى ان انا اتجننت و ازاى واحد زى انا باشمهندس هيطير على المانيا عشان الماجستير يتجوز واحدة بيئة ( قاسى اللفظ بردو )

والدتى مغلطتش فى ولا كلمة .. فلا الحالة الاجتماعية تسمح ولا الثقافية ولا الطبية .. و المدام مكنش ليها رأى ( البنات اللى اهلهم يقولولهم هنجوزك فلان يا بنتى مبروك و شكرا مات الكلام )

الرسالة مكانتش واضحة ليا من الاول .. وضحت لى بعد الجواز .. يمكن حالها كدا عشان محدش يقرب منها غيرى انا .. يمكن عشان لو حد غيرى ( من اللى بيسمو نفسهم سى السيد و الدكر اللى بيضرب مراته ) لو اتوزها واحد من دول كان وراها عذاب هى متستاهلوش ..

البنت زى القمر .. مع ذلك اللى يعرف علتها بيبعد عنها او يقرب منها شفقة ..

المهم فى كل دا ان الحمد لله مر على جوازنا 5 سنين زى العسل .. و معانا بنت زى السكر شبه والدتها و لكن لم يتضح بعد هل فيها عله ام لا ...

اعتقد ان الاعاقه قد تكمن فى التفكير .. طريقة التفكير نفسها .. اما ما تسموه اعاقه جسدية فلا اعترف بها ..

السؤال المطروح هو ... هل كون احد اقاربك او اهلك به اعاقه .. هل هذا يمنعك من الحياة ؟ شكرا


يااه على الجميل لما بيلبس المنديل و بيضحك لى

[big bốss]

موضوعك و تفكيرك جميل

انت جبت الخلاصه الاعاقه فى تفكيرنا

الى بيبص على الماده او الاعاقه او التعليم او المكانه على انها مانع من موانع الجواز

دا بيبقى انسان غير سوى و مريض و سبحان الله ربنا بيديه الى على شاكلته و مش بيعيش

سعيد و الانسان البسيط الى زى حضرتك عايش سعيد و مبسوط و بتفتخر باختيارك

بصراحه ارفعلك قبعتى احترامآ لفكرك

ربنا يوفقآ فى حياتك و يسعدك بحبك و اختيارك

تقيمى + وسام الموضوع المميز

[۩۩ elMagic ۩۩]

حكايه مؤثره وجميله جدا
عجبني اصرارك وتمسكك بموقفك
عموما كل شئ بيبقى من عند ربنا
ومفيش شخص مولود مفيهوش مميزات واكيد مفيش حد خالي من العيوب
وربنا خلقنا جميعا علشان نكمل بعض
ربنا يسعدكوا ويكرمكوا

[مُنـــــايا]

قصتك قصه جميله جدا ً وفي الأول والآخر كله بقدر الله

وإصرارك ينُم عن فكر واعي

الإعاقه هي إعاقه العقول وطريقه الفكر والفهم

رُبَّ مُعاق سمعيا ً خير من مُعاق أخلاقيا ً ودينيا ً

وهذا يتضح من كلامك ومدي سعادتك بإختيارك

أسعدكم ربي في الدارين وبارك لكما في إبنتكما وجعلها ذُرية صالحه
تقر بها أعينكم

أدام الله عليكم السعاده

[SaMa.]

انت انسان اوى ومحترم وربنا هايكرمك ف حياتك كلها
الاعاقه موش ف الجسد دى ف التفكير والنفس
ثانكس ع الموضوع

[Handsome]

اقتباس المشاركة الأصلية كتبت بواسطة big bốss موضوعك و تفكيرك جميل انت جبت الخلاصه الاعاقه فى تفكيرنا الى بيبص على الماده او الاعاقه او التعليم او المكانه على انها مانع من موانع الجواز دا بيبقى انسان غير سوى و مريض و سبحان الله ربنا بيديه الى على شاكلته و مش بيعيش سعيد و الانسان البسيط الى زى حضرتك عايش سعيد و مبسوط و بتفتخر باختيارك بصراحه ارفعلك قبعتى احترامآ لفكرك ربنا يوفقآ فى حياتك و يسعدك بحبك و اختيارك تقيمى + وسام الموضوع المميز

اهلا بيك

شكرا لمرورك الجميل

الاعاقه الى حد كبير هى فى تفكيرنا المريض .. كمجتمع عربى ينظر الى اللبس و البدلة و الفستان و دا بكام و الشقة فين و العريس معاه كام فى البنك و العروسة بيضا ولا سمرا و ابوها موظف ولا مدير عام ...

الحمد لله .. انا سعيد بـ تفاهمنا كعائلة بسيطة .. سعيد بـ انسانيتها و اسلوبها البسيط


اشكرك جزيل الشكر على تعليقك

لكنك لم تجاوب على سؤالى المطروح !

[Handsome]

اقتباس المشاركة الأصلية كتبت بواسطة ۩۩ elmagic ۩۩ حكايه مؤثره وجميله جدا عجبني اصرارك وتمسكك بموقفك عموما كل شئ بيبقى من عند ربنا ومفيش شخص مولود مفيهوش مميزات واكيد مفيش حد خالي من العيوب وربنا خلقنا جميعا علشان نكمل بعض ربنا يسعدكوا ويكرمكوا

مفيش شخص مش مريض .. كلنا انسان له مميزات و عيوب
صحيح كلنا بنكمل بعض

العيوب ليست فى الشكل او المظهر الخارجى مقارنة بـ دواخلنا
ربنا يكرمك

[Handsome]

اقتباس المشاركة الأصلية كتبت بواسطة مُنـــــايا قصتك قصه جميله جدا ً وفي الأول والآخر كله بقدر الله وإصرارك ينُم عن فكر واعي الإعاقه هي إعاقه العقول وطريقه الفكر والفهم رُبَّ مُعاق سمعيا ً خير من مُعاق أخلاقيا ً ودينيا ً وهذا يتضح من كلامك ومدي سعادتك بإختيارك أسعدكم ربي في الدارين وبارك لكما في إبنتكما وجعلها ذُرية صالحه تقر بها أعينكم أدام الله عليكم السعاده

الحمد لله على نعمة العقل .. الاصرار ما أتى من فراغ

اول ما شفتها حسيت انى اعرفها قبل كدا .. يمكن اعرفها من حياتنا الاولى نحن كبشر قبل ادم و حواء .. من يدرى !

الله يباركك

سؤالى المطروح لا تنسى الاجابة عليه

[Handsome]

اقتباس المشاركة الأصلية كتبت بواسطة sama. انت انسان اوى ومحترم وربنا هايكرمك ف حياتك كلها الاعاقه موش ف الجسد دى ف التفكير والنفس ثانكس ع الموضوع

اشكرك جدا على ذوقك

[♥SaRa]

بجد انت انسسان رائع بكل شئ فـ تفكيركـ
ربنآ يوفقكـ ويسعدكـ ي رب وياررت في زي حضرتكـ كتير
ولكن للأسف فـ ناس تفكيرها عقيم مش بيفكروا غير فـ الفلوس والمهر والشكل
مش بيعرفوا ان الجوهر او افضل واحسسن شئ ن دهـ كلة ..ربنآ يخليليكـ بنوتكـ
وان ششاء الله تكون بصحة وعآفية ويسعدكـ ويا زوجتكـ ي رب .