فن دا ولا قله ادب ؟

[phalsteen]

مساء الخير

بسمع انه في فن اسمه الفن الشعبي
سواء انا اقتنعت بيه حبيته ولا لاء
فدا حريتي انا
ومش قضيه الناس دي

لكن مجيش اسمي الرقص الشرقي فــــــــــــــــــن
ولا اغاني هابطه
كلها غزل
واسفه لو قولت غزل لانه كمان مش غزل دا وقاحه

وسؤال :

فين الرقابة ؟

يعني الاغاني اللي انتشرت دي
واحد بيقول كلام مقرف ورقاصه نسيت تلبس باقي هدومها
ويطلع حد محترم يقولك فن
لا والنبي يا راجل ؟

واللي بطالب بنقابه بالفنانين ؟

واللي يقولك صافينار فنانه ولازم نحترمها
طب مش لما تحترم نفسها هيا الاول ؟

والمسؤل المحترم
لو كلمات الاغاني مبقاش عليها رقابه
افتكر بدل الراقصات كمان عليها رقابه
بما انها بقت هيصه بئه ؟

هو الفن بئه بالوقاحه دي ؟

ايه الحل ؟

[مُنـــــايا]

يا بنتي انتي بتتكلمي فيه ايه

ما احنا ياما قولنا واتكلمنا ولا حياة لمن تنادي

رقابه ايه يا حاجه ... ده فني شعبي واي كلام فاضي معقول

ولا كلمات الاغاني اللي ليها طعم ولا معني..

والمشكله كله بيجري ورا اي شي هابط وبس...ويقولك شباب ضايع

طب من ايه...؟؟!!

ربنا يرحمنا برحمته

تسلمي حبيبتي
موضوع مهم وواقع مرير
دمت ِ بود

[♥SaRa]

والله ي سمآ الوآحد مش عارف يقول اية
وقت ما قالوا ان صفينار هتترحل الوآحد فرح وقال هننضف
لكن لمآ تخلص نفسها وتتزوج وتقعد وتكمل فـ مصر ي صلاهـ العيد دي بقت كوسة والله
يعني انا مش فاهمة احنا لية لغاية دلوقتي متمسكين بيها احنآ كاشعب لأن مـ الآخر الغلط علينا
لأن احنا لو سبناها براحتها تعمل حفلات تعمل موظمبليتاط ومش حد سأل فيها هي هتمشي من تلقاء نفسها لكن لما شايفة شباب بطيخ معجب اوي بالهبل الي بتعملة دهـ آكيد هتفضل
وللأسف شباب تناسوا اخلاقهم ودينهم واخرتهم ..والرقابة نايمة فـ العسسل هي هممها اية
غير ان الشعب مبسوط شايف وآحدهـ عـ رايئكـ سوري نايسة بقيت لبسها هيعمل اية يعني
فا العيب علينآ مش علي الرقابة لأن احنا لو قمنا ضدها الرقابة هتتصرف وهتمنع الباقي
وتبص بقي وتهتم للأغاني الي شوهت الغناء بكلماتها الفظة .
وبالنسبة لسؤالكـ هو دهـ فن ولا قلة آدب
احب اطمنكـ انة دهـ عكـ السنين والتنين ^^
وتسلمِ سمآ عـ التوبيكـ الجميل دهـ
يدوم النشاط.

[Stop Ana Eltop]

الحل

نيجى نحذف كل القنوات من على النايل سات وكمان ايه بقن نقفل السينيمات والمسارح والكازينوهات

ونعتقل كل المطربين والفنانات والفنانين بردك والرقصات وكله كله

وبس

[Silver Flower]

بتعرفي يا سما القصه هادي صارت آفه
المشكله صار بعض الناس قلبها معلق فيها
مش عارفه بس أظن انه قله الإيمان والدين بتعمل وبتحبب هيك أغاني وقصص
الحل مش عارفه
بس انه ربنا يفرجها
شكرًا لموضوعك

[كوين ميرو]

بص حبيبتى مع احترامى الكامل لرائيك

بس الرقص الشرقى فن شئنا ام ابينا هو نوع من انواع الفن

مش هنكر ان دلوقتى فى ناس بتقدمع بشكل مبتذل زياده عن اللزوم

بس فى الاول والاخر انا وانتى وغيرنا مخيرين نشوف ده نتابعه او لا

لكن مينفعش اقول نمنعه خالص حتى الاغانى الشعبيه بردو نوع من انواع الفن

بس هرجع واقولك بقى فيه شويه ابتزال

يعنى فى فنانين كتير بيقدمو النوع ده وانا شخصيآ بحبهم جدا وكتير غيرى

احمد عدوايه مثلا محمد رجدى حسن الاسمر ناس كتير كانت ريات فى الفن الشعبى وكبرنا على اغانيهم

انا شايفه ان لو انت مبقتش رقيب نفسك محدش هيقدر يمنع عنك اللى انت عايز تشوفه

وفى عالم التكنولوجيا اللى احنا فيه دلوقتى اللى عايز يعمل حاجه او ينشر حاجه فى الف وسيله

يعنى مثلا فيلم حلاوه روح اتمنع من السينما دلوقتى بيتعرف على قنوات خاصه على النايل سات

وانا واثقه انه لو اتمنع من على القنوات الخاصه هيتعرض بكره على اليوتيوب وغير

وده بيرجعنا لنقطه اننا كامستهلكين اومتابعين للفن احنا الرقابه والحكم على ايه يناسبنا او مينسبناش

اسفه على الاطاله

وتسلم ايدك حبيبتى

[محمود أبوزيد]

في ظل غياب الضمير الانساني
والبعد عن المولي سبحانه وتعالي
والبحث عن الذات والملذات وانتشار
الرشوي والمحسوبية اختفت الرقابة
الادارية والثقافيه علي المنتج الفني
واصبح يؤثر بالسلب نهائيا علي الاطفال
اكثر من الكبار لا اعترف به كفن واري
ان الحل الاسمي مبدأيا فالرقابة علي الافلام
وذلك بتغيير اللجنة حاليا ولو تحدثنا عن مقاطعتها
فاعزريني قد يحدث ذلك الا من رحم ربي
"ان النفس لامارة بالسوء"
تقبلي مروري

[الشـــاطىء]

المشكله مش في سلبية الرقابه او ايجابيتها
المشكله تكمن في انحدار الذوق والسلوك عند فئة كبيره بالمجتمع
وهي التي تشجع وجود هؤلاء
وطالما شباك التذاكر العدد كامل لماذا نشتكي وجود راقصه
او وجود كليبات وافلام مليئة بالالفاظ المقززه والايحاءاءت
للاسف العيب يكمن بداخلنا
عندما نرتقي خلقاً وسلوكاً سيتحسن ما يكون حولنا بالتأكيد
وشكراً للطرح الهام
دمت بكل خير
سلامي

[محمود الصاروخ]

بصى يا ام محمد
انتى بتتكلمى عن الفن الشعبى عموما يعنى محددتيش فئه معينه
انا هقولك كلمتين بس لان مهما أقولهم ف أى مكان محدش بيقتنع
لان انا كنت واحد من الناس دى بس انا معاكى لما ظهرت صافيناز
وناس بتقول كلام ولا له أى لزمه ده كان سبب ان بعدت عن المجال

كل مجال و فيه الحلو و فيه الوحش
كل حاجه لازم هيعجبك فيها حاجات و حاجات لاء

انا مبقولش احسبيه فن
انا بقولك ان دى حاجه وليها جمهورها و ليها محبينها
و فى ناس كتير بتحبها و مش مجبور على أى حد انه يسمع
غصب عنه

الاغانى الشعبى مش كلها فن
الاغانى الشعبى فيه منها يتسمع
كلمات الاغانى الشعبى و المهرجانات
فيه منها كلام من أرض الواقع و يتفهم و يتسمع و من وجهة نظرى يتحسب فن

مش ذنبى ان طلع واحد بوظ المجال يبقى ميتقالش عليا انا وحش
أكيد فاهمه قصدى

المشكله يا ام محمد اننا لما بنيجى نحكم على حاجه او نتناقش فيها
بنجيب الحاجه الوحشه فيها و ده عيبنا دايما بنقول الوحش
عمرنا ما جيبنا الحلو ف أى حاجه

اما نيجى نحكم على حاجه نحكم عليها عمتا مش على فئه معينه

موضوعك جميل يا ام محمد
و انا كنت واحد من الناس اللى عملو اغانى شعبى و مهرجانات
و الحمدلله كان على أيامى الشغل كله احترام و مفيش اللى انتى بتقولى عليه ده

ربنا يصلح الحـال
ويخلصنـا م السبكى اللى بوظ سمعة الفن فى مصـر

تحياتى لإبداعك

[phalsteen]

اقتباس المشاركة الأصلية كتبت بواسطة مُنـــــايا يا بنتي انتي بتتكلمي فيه ايه ما احنا ياما قولنا واتكلمنا ولا حياة لمن تنادي رقابه ايه يا حاجه ... ده فني شعبي واي كلام فاضي معقول ولا كلمات الاغاني اللي ليها طعم ولا معني.. والمشكله كله بيجري ورا اي شي هابط وبس...ويقولك شباب ضايع طب من ايه...؟؟!! ربنا يرحمنا برحمته تسلمي حبيبتي موضوع مهم وواقع مرير دمت ِ بود

يعني مفيش حل
احنا اه عارفين
بس الامور بتسوء
والوضع بئه صعب فعلا
انا بقيت بتكسف اتفرج علي التليفزيون
ليجي اعلان ولا اقلب الاقي صافينار في وشي