عادي

[™Amiliya]

مساء الخير ع عيونكم

خطر في بالي من شوية في حوار نقاشي ان بنستخدم كلمة عادي كتير اوي في كلامنا وفي حياتنا

احيانا بحس اننا بنقولها لمجرد الاعتياد

واحيانا بنقولها لاننا فعلا حسين انو عادي الامر الفلاني

واحيانا بنقولها لاننا حاسسين بالا مبالاه في الشيء

وتقريبا الاخيرة دي بتكون لما نوصل لمرحلة من اليأس من موضوع معين

خسارة في حب خذلنا صاحبه ممكن جدا نقول عادي

خسارة في شغل بيكون وراه مشاكل وتعب نقول عادي

خسارة في صديق كان مصدر ثقة وخذلك ممكن نقول عادي

خسارة في حاجة ضاعت منك ومش عارف تلاقيها تقول عادي

مشاعر متراكمة مابين انك محبط او فشلت او خسرت بتتحول الطاقة الي جواك ناحية الشيء

الى عادي

/

امتى بتستخدم كلمة عادي في حياتك؟

/

تحياتي ليكم

[توحد ارواح]

بالفعل احنا بنستخدمها كتير جدا وتكاد تكون متداوله بين الجميع
ولكن هى تقال ف حالتين
اما نكون فى حالة خساره اويأس اوملل من حاجه نقول عادى
وممكن برده تتقال فى مواقف ايجابيه اما يكون حد زعلان مثلا
ونبرر له الموقف وانه مش قصدنا فيقول عادى حصل خيراحنا اخوات مثلا
تسلمى على طرحكِ الراقى ايمى
تحيتى

[ŌиĹч.Ḿё]

لما بكون محتار او محروج او مكسوف

تسلمى

[كريم عاصم]

أكتر كلمة بتدايقنى كلمة عادى تلاقي نفسك بتتاقشى مع صديق في الحياة العامة والحوار تلاقية في منتهي الجدية ويقولك عادى هى ممكن يكون إستخدامها لتقفيل حوار أو مناقشة تسلمى إيمى على تلك الحوار دوما أنتِ في روعة وأخلاق في طبعك دوامى لكِ بالسعادة الف تحية كريم عاصم

[شاعر الحب الحزين]

نقطة مهمة جدا

هي كلمة عادي هي نفسها كلمة مفيش مشكلة وكلمة مش مهم

لما أرضى بحاجة بقول عادي لما أسيب حد بقول عادي

لما اعمل حاجة صح وغيري شايفها غلط بقول عادي

استخدامها شامل وبعتبرها ملح الكلام

اما إنتي الابداع هو العادي عندك

طرح جميل وسؤال كنا فعلا محتاجين نسأله لنفسنا

بحييكي إنك دايما بتتطرقي لمسائل مهمة

ربي يسعدك ويوفقك

احترامي وتقديري

[مُنـــــايا]

والله فعلا الكلمه ده مستخدمه بشكل شائع
في حياتنا
بس انا ممكن أقولها لما أوصل لمرحله اليأس من شي معين

أو لما بيكون اللي قدامي مش بيعرني انتباهه

سؤال قيم ايمي
دمت ِ بخير

[Stop Ana Eltop]

كلمة عادى بستخدمها لما بكون ببرر حاجه انا معنديش الميرر ليها

او انى بنهى نقاش او بنسحب منه بلمة عاااادى بقا

[محمود أبوزيد]

انا بستخدمها لما اكون مش عاوز اجاوب عسؤال فبيسالني بقوله عادي
رائع الطرح تقبلي مروري

[A-rab3awya]

أهلا حبيبتى
أنا بستخدمها لما بكون بهرب من أجابه سؤال معين
وكمان بستخدمها لما بكون مش عايزه أبين للى ققدامى أنى زعﻻنه أو مضايقه

وليها أكتر من موضع كمان
فعلا بقت كلمه منتشره
تسلمى ع نقاشك الراقى ده

[Aya 7ekaya]

ف الغالب بنهرب من مشاكلنا بكلمه عادى وبنهرب من اسئله الناس بكلمه عادى ده ضعف ف النهايه
تسلم ايدك ع الطرح الرائع