ضــريبة الشــهره

[Stop Ana Eltop]

السلام عليكم ورحمة الله وبركااته
ازيكم عاملين ايه ان شاء الله تمام

يعنى ايه شهره
يعنى شخص معروف

كان زمان الشخصيات المشهوره دى بتبقى عباره عن مشايخ علماء دكاتره وبالاكتريه اووى مشايخ الى بيقرؤا القران

لكن دلوقتى ولى زمن زمان
وبقى الشخصيات المشهوره عباره عن واحد بينزل بوستات دينيه على صفحته ع الفيس والبنات معجبه بيه

او انه بنت فاضيه فتعمل فيديوهات استهيألها انه كدا بتسخر من الاحوال والاوضاع يعنى والناس بتدخل تشتم فيها

الموهيم انا ماليش دلوقتى دعوه بان الى البنت بتعمله دا صح ولا غلط لانه غلط ومفروغ منه كمان


المشكله دلوقتى انه مثلا البنت دى فتحت حياتها الشخصيه لمعجبينها الى هما اكتر من الــ 2 مليون نفر ع الفيس بوك

وكالعادة الشعب المصرى طبعااا الاعتراض والشتيمه والتعبير عن الغلط باسلوب غير لائق

انا كنت شايفه انه الشباب او حتى البنات الى بتدخل تشتم معاها حق فى غضبها بس ما احسنتش اخيار الاسلوب

وبعدين شوفت بوست ع الفيس لبنت بتقول ان الحياه الشخصيه حياه خاصه مش من حق حد انه يخترقها
وكمان انه اى شخص ليه حرية الاختيار للطريقه الى تفرحه او الطريقه الى يعبر بيها عن نفسه
وان مش من حق اى واحد انه يدخل يشتم شخص لمجرد انه معترض عليه
لان ببساطه مش عاجبك الشخصيه دى ماتعملش ليها لايك

فكان الرد ع البوست دا الى هو مطلوب نقاشه اليوم بقن
بنت تانيه ردت عليها وقالتلها هى الى فتحت حياتها الشخصيه من البدايه وحبت توريها للناس
ماتجيش بقى تزعل انها بتتشتم او ان حد بيتريق عليهاا
لانى لو عاوزه حياتى الشخصيه تفضل سر ومحدش ينتهك حرمتها يبقى مطلوب منى احافظ عليها
مانشرهاش لاتنين مليون شخص واطلب محدش يتدخل او يعترض

دى ع الاقل ضريبة الشهره


ايه رايكوا فى الكلام ده بقن ؟؟

[Aya 7ekaya]

صح الكلام
فى البدايه كل انسان حر فى حياته ومش من حق الناس تحاسبه لان كلنا لينا اخطاء ميش حد معصوم
لكن لما تفتحى حياتك للناس كده وكمان تسمحى ليهم يشتموكى مرة واتنين
يبقى انتى عاجبك الموضوع
لكن م البدايه كل انسان بيحط حدود للى قدامه
ده رايى
موضوع جميل هبه

[♥SaRa]

هي فعلاً فـ الاول وفـ اللآخر حرية شخصية .
وانها لمآ فتحت حياتها الشخصية ونشرت تفصيلها وشهرت نفسها
هو الناس ليها حق انها تعترض او توافق لكن بطريقة محترمة ومش تجرح صآحبة الشخصية دي
وزي ما قلت تعترض او توافق لكن مش يهاجموها بالشكل دنئ لأنها حرهـ وهما حرين وكل حد
فينا حر لكن بإحترام وفـ حدود الادب .
تسلمِ عـ التوبيكـ هبة