فـــــي الصيدليـــــــة

[شاعر الحب الحزين]

فـــي الصيدليــة شفـــت صبيــــــة

قلت مساء الخير ردت بأجمل تحية

ردت مع ابتسامة بتدي الأمل

خفة دمها شربات زي العسل

قلتلها عايز دوا بس معييش وصفة طبية

قالتلي مالك بتشكي من إيـه

قلت قلبي كل الدنيا جاية عليه

قالتلي سلامة قلبك قالتهالي بكل رقة وحنية

قلتلها مالقاش عندك دوا لقلبــي

دوا يريحني مــن قسـوة حبايبــي

ضحكت وقالت آسفة معندناش للقلب أي أدويــــة

أنا قلت إزاي مفيش دوا وإنتي هنا

حطت وشها ف الأرض وقالت أنــا ؟

قلت أيوة إنتي ده إنتي الدوا والهوى واكتر شويـــــة

قلت أنا نسيت جيت هنا ليه لما شفتك

ونسيت وجع قلبي من أول مــا كلمتــك

نسيت الدنيا كل الدنيا ولقيت الدنيا ف عنيكي العسلية

قالتلي اتفضل حضرتك عايز إيــــه

قلت أنا إيه أزاي لا أبدا إيه ليـــــه

قالتلي طب اتفضل رجالة قليلة زوق اطلع بره الصيدليــــة

أتارينـــي كنــت بتخيـــل ف الحـــــــوار

برسم أماني وكلام ف لحظة انتظــــــار

مع إن مشواري مكنش للصيدلية أنا كنت رايح للدرزي أفصل جلبية




شــــــــــــــــــــــــــــــــــــــــ . حـــــــــــــــــــــــــــــــــــــــــــــ

[فروتى روتى]

جميله جداااااا
بجد روووووعه وزؤقك حلو جدا

[مُنـــــايا]

فكم قتيل لنا بالحب مات جوى...من الغرام ولم يبدي ولم يعد


أخي \ خالــــد

وها أنت كالعاده تطربنا بأجمل الالحان
عذب رقيق ساحر...سلس ندي آسر
تحيتي لقلمك الجميل وروحك الرائعة
كن دائما ً بخير
لروحك السعاده

[SaMa.]

ههههه كويس موش ادتك حقنة وكانت ليله موش معديه
حلوة خالص

[شاعر الحب الحزين]

اقتباس المشاركة الأصلية كتبت بواسطة فروتى روتى جميله جداااااا بجد روووووعه وزؤقك حلو جدا

الأجمل مرورك وردك يا فروتي

ده أول حضور ليكي بين سطوري القليلة

نورتيني بوجودك وكلامك الجميل

احترامي وتقديري

[شاعر الحب الحزين]

اقتباس المشاركة الأصلية كتبت بواسطة مُنـــــايا فكم قتيل لنا بالحب مات جوى...من الغرام ولم يبدي ولم يعد أخي \ خالــــد وها أنت كالعاده تطربنا بأجمل الالحان عذب رقيق ساحر...سلس ندي آسر تحيتي لقلمك الجميل وروحك الرائعة كن دائما ً بخير لروحك السعاده

روحي سعيدة بحضورك الأنيق

وأنا بخير بعد إطلالتك الراقية

للحروف لغة أخرى ونكهة أخرى عندما ترسل بقلمك

دام هذا الحضور العطر وهذا التواجد الجميل

أختي الفاضلة منايا

أسعدني تواجدك وملأ صفحاتي بالضياء

احترامي وتقديري

[شاعر الحب الحزين]

اقتباس المشاركة الأصلية كتبت بواسطة sama. ههههه كويس موش ادتك حقنة وكانت ليله موش معديه حلوة خالص

مباخدش حقن من وحدة نسوان

الأحلى مرورك يا سما

منوراني دايما بوجودك

احترامي وتقديري

[زمزم 1]

روائع من نبضات سحركم
فاقت سحر الطبيعه في جمالهاااا
دمتم انيقين بهذا التألق الجميل
ولك التحيه والاحترام

[شموع الروح]

ههههههههههههههههه
يا حرام
طيب المهم فصلت الجلبيه ولا لا

بجد حلو اوى كلمات وخفه دم
تسلم يديك
تحياتى

[انت احلى الناس]

حلوه قوي الكلمات يا خالد
تسلم ايدك