انا معاكوا ومعاهم

[قلم بلا حبر]

اقتباس هنطرد من القسم علي الرد الطويل دة ههههه

يا عم ولا طرد ولا حاجه

انا طبعا بشكرك يا ضياء على لاءاتك الاربعة عشر

انا بفضل ان رقم 15 تكون ,,, لا يهمنى ما تظنه

وده بئى صلب الموضوع ,,, ولو ركزنا شويه فى الخطاب حنلاقى الراجل كان بيتكلم بوسطيه غريبه وده بان قوى لما اتكلم عن اسرائيل لقينا مفيش تصفيق وصمت

ده مدلوله انه مش جاى يراضي او يطبطب ,, انما الوقائع بتخلق حقايق

والحقيقه انه لازم يكون على نفس البعد من الطرفين ,, ده فعلا لو بيدور على الوسطيه

طبعا مش عايز اقولك ,, لا للاطاله ,, بس عادى حعديها المره دى

مع انها اطاله مميزه ومفيده

خالص تقديرى

تحياااااااااااااااااااااتى""""""""

[قلم بلا حبر]

اقتباس:
المشاركة الأصلية كتبت بواسطة br0ken he@rt
اخى الغالى / سيد

جميل جدا ان تربط بين ما يحدث فى الواقع

وبين حيااتنا اليوميه وتنثره فى مووضووع هنا فى المنتدى

اولا عند بدايه القرأة احسست انكـ تتحدث عن السياسه

بحديثكـ عن سياسه اوباما << قولت خلاص روحنا فى داهيه<<هههههه

بعد ذلكـ شبه فهمت قصدكـ من الموضوع

لأنى لا استطيع ان افهم قصدكـ فى أى موضوع<< موااضيعكـ غامضه <<ممممم

كتبت اسم للموضوع يتحدث بشكل كبير عن الموضوع <<انا معاكوا ومعاهم

فهذا افضل شيئ ألا وهى الوسطيه

فعند مجيئ اوباما لا نعرف ان كان حسن النيه او سيئ النيه

ولكن من كلامه يدل على انه لم ينحاز الا اى من الطرفين << لا هما ولا احنا

ودى طبعا سياسه رهيبه عند هذا الرجل الذى انحنى له خجلا

لأنى لم اسطيع تحديد نيته فى هذا ولكنى حددت انه مع الطرفين شكا أو اثباتا

فى الاخير ان بعض الظن اثم كما قالت اختى الغاليه

اخى الغالى

احترامى وتقديرى

اخوكــ

m@7m0ud

مشكور يا حوده على مرورك الجميل دائما

وفعلا الوسطيه فى التعاطى مع اى مشكله بتكون حل موثوق فيه

خالص تقديرى

تحياااااااااااااااااااااتى"""""""""

[قلم بلا حبر]

اقتباس:
المشاركة الأصلية كتبت بواسطة noona
جميل جدااا قلم بلا حبر انك تربط بين خطاب اوباما ونهج الوسطية فى حياتنا بصفة عامة

الوسيط عموما بين اى طرفين متنازعين عشان ياخد اموره بسياسة وميعقدهاش لازم حياخد نهج الوسطية

يعنى مش حيجى على طرف على حساب التانى

لو جينا بقى لاراء الناس ... اى من الطرفين

الاراء طبعا حتتفاوت وتختلف فى الحكم على موقف الوسيط

فى اللى حسيئ الظن بيه لمجرد انه مش وقف فى صفهم بشكل مطلق

وفى اللى حيشوف انه مجرد انه اخد صفهم فى اجزاء معينة ودافع عنها ده مبشر بالخير او افترضوا حتى حسن الظن بيه

زى بالنسبة لخطاب اوباما لو تسمع اراء الناس حتلاقيها مختلفة تماما فى الحكم

فى اللى قال ان ده كله كلام سمعناه كتير قبل كده وان مفيش فعل حيحصل .. وطبعا هنا اساءوا الظن بيه

وفى اللى اعتبرها خطوة ايجابية ... ان مكانتش حتقدم خطوات الى الامام على الاقل حيفضل الوضع شبه مستقر من غير تدهور

فطبعا انا شايفة اننا نفترض دايما حسن الظن ومش نربط بين الخطاب اللى سمعناه والرواسب القديمة

على الاقل نخلى جوانا ذرة امل ولو بسيطة وتفاؤل مش حنخسر حاجة لما نتوقع الخير ...

بس طبعا منتوقعش انه حينفذ كل اللى اتقال فى الخطاب ده بالكامل لانها مشاكل بقالها سنوات وعقود طويلة

خليه بس ينفذ جزء بسيط منها ... ويبقى عمل اللى محدش عمله قبل كده

وبصفة عامة افتراض دايما حسن النية مع الناس شئ مطلوب مع اخذ الحذر والحرص "حرص وماتخونش"

مع الاخذ طبعا بالشواهد والظواهر لانها هى اللى ظاهرة قدامنا .. اما القلوب فربنا وحده اعلم بيها

"
"

تسلم قلم بلا حبر على الموضوع الجميل

واسلوبك المبدع كالعادة

خالص تحياتى وتقديرى ،،،

تحليل منطقى لفكرة الموضوع

وبالفعل الوسيط دايما معرض لاساءة الظن

مظنش ان فى حد ينكر سعى اى شخص لمصلحة وطنه

لكن فى النهايه ما يقدمه الآخر لنا لا يعدو ان يكون نقطة انطلاق

وان تمنح الانطلاقه من الاخر بشكل اجمالى ,,,

والا فما فائدة العمل والاجتهاد والتفكير

بس فعلا الىل صدمن فى الموضوع اننا مقدرناش نتلقى الخطاب بفكر وسطى

وكأننا كنا مستنيين ان اوباما يعلن عن استقلال دولة فلسطين

حتى لو عمل ده مش حيبئى زى ما افراد المشكله نفسهم هم اللى يوصولوا لده

دايما القرارات مش بتحل ,, مفيش احسن من العمل على انتزاع ضغوط لممارسة تفاوض فى نفس السياق وبنفس قوة الخصم

غير كده يبئى للآسف احنا مستنيي حل عسكرى زى البوسنه والهرسك وده مستحيل

لان الوضع مختلف ,, اسرائيل مش صريبا ,,

ولا المصالح فى البلقان هى نفس المصالح فى الشرق الاوسط

وعلى ضوء ده نقدر نقول ان الوسيط مش شخص خارق للعاده او ساحر ممكن يعمل اى حاجه هو عايزها

بالعكس هو مجرد بيهيئ أرضيه لتلاقى الحوار بشكل وسطى وغير منحاز

واحنا عانينا من سياسة الكيل بمكياليين

لما جينا لثقافة عدم الانحياز ,,

اتفاجأنا ان فى ناش مش عاجبها وعايزه اكتر

الاكتر ده دورنا احنا مش حييجى حد من بره يجيبلى حقى ,, كفاية انه رفع تحيزه للطرف التانى

مشكوره يا نونا على اضافتك الجميله

تقديرى لمرورك

تحيااااااااااااااااااااااااتى""""""""

[شيرين77]

مادمت فى عالم النفاق فاستقبل الجميع بلعناق

[قلم بلا حبر]

اقتباس:
المشاركة الأصلية كتبت بواسطة شيرين77
مادمت فى عالم النفاق فاستقبل الجميع بلعناق



مش ده المعنى اللى انا عايز اوصله يا شيرين

كلامك معناه ان لو ده نفاق يبئى انافق ,,

الموضوع بيتكلم عن حسن الظن بالآخرين ,, ومفيش شئ بيستمر لا كره ولا حب

يبئى بجانب الحرص لازم يكون عندى حسن ظن خصوصا لو كان مش عندى اى حاجه اخسرها

نورتى الموضوع بردك

تحيااااااااااااااااااااااتى"""""""""""