يا أغلى من رحل عني..!

[دلوعتكم]

صدّق وإلا ما تصدّق .. أنا عاجز عن التفكير
تعال وشوف في عينك غيابك وش عمل فيني



حبيبي ما بقى عندي صبر .. يتحمّل التأخير
رحلت .. وعقبك الدنيا غلاها طاح من عيني



أجاوب اللّي يسألني عن أخباري وأقول بخير
وأنا لا خير بغيابك .. ولا حاجه .. تهنيني



على طاريك كل لحظه .. ولا أحتاج للتذكير
حريص القلب ما ينسى عيونك , لا توصيني



محد يقدر يعوّضني لأنّك .. في عيوني غير
ومهما شفت أنا الفرحه .. بدونك ما تسليني..



وكيف الحال وشلوني .. جواب ما يبي تفسير
بدونك إنت , ما تضحك حياتي وترمش سنيني



مثل شاعر عجز يوصف شعوره وخانه التعبير
أنا ضايع .. ولا أدري من فراقك .. أنا ويني



مثل طير كسر بعدك جناحه وما قدرت آطير
أحاول أبتسم وأنسى ولكن وش ينسيني..؟!



أشوفك في صباحي إنت معنى يا صباح الخير
وأشوفك في مسائي حلم وردي .. لا تصحيني




تصدّق .. السهر يرسم عيوني ويتقن التصوير
ويشق النور في صفحة حياتي .. وما ألاقيني




أنام شلون ومشكلتي عجزت ألقى لها تدبير
طلبت النوم .. لحظاته وعيّى النوم يعطيني




تغيّر وجهي .. من أوّل غيابك وإبتدى التأثير
حبيبي .. من التّعب كافي خذيت اللّي يكفيني




يا أغلى من رحل عنّي يا كل الحب والتقدير
تعال: إن كان لي عندك معزّه وكان تغليني




تعال: إن كنت تعشقني وإذا فعلا تبي لي خير
تعال: ومد لي .. كف الوصل .. وآمد كفيني




إذا كان الجفا واجب بدى من قلبي التقصير
أبيك الحين .. ترجع لي ولا ترجع تخليني




أنا ما أقول اللّي صار فيني ما هقيته يصير
لأنّي كنت .. ( متأكد ) .. بأن البعد ينهيني

منقوول

[شاعر الاقصى]

تعال ان كتن تعشقني واذا فعلا تبي لي خير

تعالى ومد لي كيف الوصل آمد كفيني

شكرا على هذه الكلمات يا دلوعتنا الجميله بمواضيعك

شاعر الاقصى

[البرنس رامى]

شكراا دلوعتكم

الف شكر

وتسلم الايااااااادي على النقل الرائع

دمتي بود دلوعتكم

[دلوعتكم]

مشكــــــــورين الله لايحرمنى من ردودكـــــــم الـــــــرائـــــع

[قلب أسير]

الغالية دلوعتكم

كم هي جميلة رقيقة رائعة تلك المشاعر بداخلك

اشتياق وحنين وحب كبير

أبدعتى في مهامستك تلك المشاعر والبوح بها


دمتى لنا مبدعه متألقه

حقيقي أمتعتى مسمعنا مناظرنا بهذا التألق


لكى تحياتي

[نسيم الايام]

مثل شاعر عجز يوصف شعوره وخانه التعبير
أنا ضايع .. ولا أدري من فراقك .. أنا ويني
ما بالك وقد عجز الشاعر
وانا لست بشاعر
فلتمسي لى عزرااا
على ذلك الصمت الذى يغمرنى
بما اوحتة لنا الكلمات التى لا ينقلها
الا الذى يشعر بكل حرف هو فيها
ف بكل ود تقبلى مرورى من هنا
دمتى بكل خير

[شمس الشمـــــوسه]

دومتى دلوعتكم على الاحساس الجميل
تقبلى مرورى ياقمرررر