بياع كلام.....~

[همس الحنين]

مقـــــدمه الخاطره تجربه لانى مش قويه بالعاميه لكنى بحب التجربه واتمنى تعجبكم بياااااع كلاااااااااام وبغزل من الحرف كلمه وبغنى على وتر النغمه كلامى عن الحب حرّفه بياع كلام وبرسم الأحلام بخفه وبهديها لكل نجمة فى سما الوهم برسمه أصلى أنا بياع كلام كلامى صحيح بيأثر ولحنى لوحده بيسحر كل العقول التايه بياع كلام ببيع الحب بموال وبدور على الجمال وبلف فى كل زمان ابيع احلى كلام بياع كلام محترف وللحب أنا مقتبس وبسرق كل العيون الناعسه بياع كلام بلف ودور فى كل مكان وبخطف بكلامى الحسان ببيع غنوتى وبسكن الوجدان متصدقوش كل من قال فى الحب أحلى كلام وغنى وعاد مية موال دا الحب مش محتاج لكلمه وغنوة وعزف ألحان الحب كيان وروح تتحس ومواقف وقت الشده تبان سبيكم بقى من كتر الكلام وافتكروا بس الحب أمان بعيد حتى عن أى موال الحب مش بس وعود تتقال سيبكم من كل النغمات أصلها كلها بتنباع من بياع الكلام مجرد تجربه بقلمى همسات فوق القمر

[الأميرة رودي]

تجربه تستحق التكرار والاستمرار
لفت انتباهي العنوان وخفه الكلم وروعه المضمون
تسلمي بسنت دمتى رائــعه

[جبل عالي]

وما اجملها من تجربة همسات
احييكٍ لجمال الحروف والكلمات
وتناسق الفكرة ومحتواها
وفقت في سردها وخاتمتها
فكانت كالرسالة الكافية

اتمنى ان تداومي على تلك التجربة
لكِ من القلب كل التقدير والمودة

[اميره الشعر الشجين]

دى مش تجربه دى بدايه جميله منك ياهمسات

أستمرى كل مره هيبقى احسن بالتوفيق حبيبتى

[العندليب الاسـمر]

الخاطرة .. اي خاطرة

هي فكرة ومفردات واسلوب تتدفق معا في لحظة الانفعال بالفكرة

فاما فكرتك فهي جميلة من حيث الربط المحكم لبداية الموضوع ونهايته

واما المفردة فاجمل ما فيكِ هو قدراتك الفائقة علي استخدام ابسط المفردات في توصيل اجمل المعاني

واما الاسلوب فيمتاز بالسلاسة والانسيابية دون تعقيد او فلسفة لا معني

يؤخذ عليك فقط ( وعلي معظم من يكتبون هنا ) محاولاتهم المستميتة في التمسك بالقوافي رغم ان الخاطرة لا تلزمهم بذلك مطلقا

تحياتي لقلمك اختي الكريمة

[العاشق الذى لم يتب]

ماشاءالله على التجربة الناجحة الجميلة
كلمات ومعانى ومضمون
وكمان تنسيق
العين عليك باردة
تسلمى بسنت
نجومى لبياع الكلام*****
وتقييمى
مع تحياتى وودى

[ابو نصير]

همسات .. الأخت الفافضله
بياع كلام ..
من الصعب جدا ياهمسات ان قلمك يكتب فى العاميه وأسلوبك متواضع جدا من وجهة نظرى
فرق السما والأرض فى أشعارك وأسلوبك الذى يكتب على صفحاتك ومدرستك التى تنتمى لها .. ولن أنافقك ..ولن أجاملك ..
وتقبلى مرورى
ابو نصير

[.Lamar]

بداية موفقة همسات
عجبنى الجزء الاخير
الحب مواقف و افعال مش بس كلام ينقال
لان الكلام مفيش اسهل منه
شكرا ليكى
و تقبلى مرورى

[السفيره عزيزه]

وحلوه الفكره وواحده واحده نتعلم سوى
وخلونا فى بياع الكلام
.............................
طيب هو بياع كلام .ليه منه نشترى .عمال يقول
ويعيد وعلى قلبى يفترى. وانا قلبى صحيح ملوش
فى الصنف العنترى. والحب دا شيء مخصوص
بالطعم السكرى ..
والواد دا يدوب .يدوب. يشتغل كمسرى .وينادى
فى الميادين .يا عتره يا فل للى..
وفوقوا يا بنات حوا .لا تبيعى ولا تشترى.
والبيه أبن الحلال .إستنى وكبرى.والله بكره تقولى
واصبرى وصبرى.
و اتمنى يا حلوه يله واطلبى واتغدرى .ومن بياع
الكلام لاتبيعى ولا تشترى...

وكلنا فى العامية سواى
دمت جميلة ياااارب

السفيرة

[همس الحنين]

اقتباس المشاركة الأصلية كتبت بواسطة ابو نصير همسات .. الأخت الفافضله بياع كلام .. من الصعب جدا ياهمسات ان قلمك يكتب فى العاميه وأسلوبك متواضع جدا من وجهة نظرى فرق السما والأرض فى أشعارك وأسلوبك الذى يكتب على صفحاتك ومدرستك التى تنتمى لها .. ولن أنافقك ..ولن أجاملك .. وتقبلى مرورى ابو نصير

اولا اعتذر للجميع

لكنى حبيت ابدأ بالرد عليك اولا

ابو نصير

شرف لمن هى مثلى ان ينتقدها شاعر بحجمك

وانا نبهت بالبدايه انى ضعيفه بالعاميه واسلوبى ليس متواضع بقدر ماهو ضئيل ومازال نبته تحاول النمو

ولكنى اهوى التجارب حتى وان فشلت

فلن اكون يوما متمكنه الا اذا من الفشل ارتوى قلمى

فحقا صدقت اسلوبى ليس جيدا بالمقارنه

بمن تألقوا فى سماء الابداع هنا

ولكن ان بقيت بمكانى فلن يتحرك قلمى ولا ينطق لسانى

ولا احب المجامله وسعيده بالنقد ان كان من قلم مثل قلمك

الف شكر لك لا تكفى

فتقبل كل تقديرى واحترامى