فضفضه مخنوقه

لما نور الشمس يبقى أنانى
ينور طريق ويسيب طريق تانى
لما الفرح يلمس كل مكان حوليه
ولما أنادى يهرب منى ومن حالى
ولساكم بتقولوا بكره هيبقى احسن
بكره خلاص دا مات بالنسبالى
ولما الليل يجي عليا ويندهلى
يبكينى وابكى معاه واعزفله موالى
وأنام بدمعه صاحيه تواسينى
وشوف بحلمى جراحى هدمى تحطيمى
واقول أهو حلم هياخد وقته ويعدى
ومش معقول الحلم ياخد عمرى وسنينى
عندى أحساس الدنيا ممكن تضحكلى
بس اظاهر نسيانى زى ما كلو نسينى
وادق باب القدر واحكيلو أحوالى
ليه مع كل الناس وليه بتنسانى
انا مطلبتش ابدا غير انى اكون نفسى
ولا عمره كان مره حلمى أنانى
وبصرخ باقوى مافيا وجوايا قلب
أحلامه بتنتهى وبتموت قدامى
وايه طالع فى أيدى ليك وانا اعمله
ولو حتى بايدى قدرى واقف قصادى
وليه لما بحب حاجه واسعى ليها
بسهوله كدا تضيع وتعبى ع الفاضى
وارجع واقول كل شئ بأيد ربنا
واصبر نفسى واقول ياقلبى احلم تانى
احلم واعيش بس مابين اربع حيطان
يمكن فى خيالى القى روحى وألقانى
ربنا مارضاش ياقلبى يوم الفرح لينا
واخد اعز ما ليا واغلى احبابى
بس خلاص مش هنجادل ياقلبى دا النصيب
اسود مكتوب علينا

مجرد فضفضه مش اكتر

[اميره الشعر الشجين]

متكتبش بالطريقه دى غير عضوه واحده بس (.....)

بس صديقنى حبيبتى مفيش حزن بيدوم وصديقنى بكره الاجى خير حتى لو مفيهوش حاجه تفرح خير اكيد برضو ربنا مبينساش حد يا قمر ربنا يفرح قلبك ويسعدك رغم انى زعلانه منك وانتى عرفه ليه

[SaMa.]

م فيش غير الصبر والا التعب والضيقه هاتزيد وربنا قادر يفك ضيقتك

[phalsteen]

تفائلوا بالخير تجدوه
احمدي ربنا
وارضي بالمكتوب
واللي جاي اكيد احسن
طول ما في ثقه بالله

[انا جيجي]

ربنا قادر يصبرك ويفك ضيقتك

[Lamees]

مش هيريحك غير الصلاة والقرب من ربنا
ربنا يريح قلبك

[إبتسامة]