ســـــــــؤال محيـرني...!!!

[مُنـــــايا]

هناك تساؤل يحيرني دائماً وأتمني أن أجد عليه إجابة واضحة ...!! نحن ندفع كشعب وكمواطنين مقابل كل مانستهلكه من سلع وخدمات ندفع مقابل الكهرباء والماء والصرف والنظافة ومقابل سير سياراتنا علي الطرقات سواء في صورة رسوم مرور أو أو أو .... يتم علاجنا بالمقابل وتعليم أولادنا بالمقابل والخدمات الحكومية بالمقابل كل شيء بالمقابل ولا شيء يقدم بالمجان.. الحكومة لاتصرف إعانات بطالة أو مساعدات ولاتُقدم أي نصيب للمواطنين من موارد الدولة .... بل وتقتص الضرائب علي كل شيئ وقريباً ستفرض الضرائب علي الهواء الخبز لايُقدم إلي كل المستحقين حتي بعد ماقاموا به من ربطه علي بطاقات التموين لإن الكثيرين لا يملكونها ... الأغرب إن الحكومة تُطالب برفع سعر السلع التموينية إلي الأسعار العالمية ... حتي أصبحت تلك النغمة تتردد حتي بعد أن تعدت أسعار السلع والخدمات المُقدمة للمواطنين أغلي من الأسعار العالمية ,, السؤال ---------- ماذا تفعل الحكومة بموارد الدولة وكيف تُنفق..؟؟ وإذا كانت كل الوزارات والهيئات الحكومية تقدم خدماتها للمواطنين نظير المقابل الذي يتعدي قيمة الخدمة المقدمة بالإضافة إلي سوء تقديم الخدمة ... فلماذا ------ يتم تخصيص ميزانية لكل وزارة ...؟؟ وفي أي مجال تستهلكها ...؟؟ وإذا كُنا ندفع مُقابل تلك الخدمات التي هي غالباً لاتُقدم إلينا ...!! ألم يكن من الأولي أن يأخذ كل مواطن نصيبه في موارد الدولة ؟ بعدها تفعل الدولة ما تشاء - حتي لانُعكر صفو الحكومات ولا تُعكر هي صفونا ؟ monaya

[شموع الروح]

صح والله
معاكى حق
كل حاجه ف بلدنا دى بمقابل
امال ميزانيات الدوله والوزارات بيروحوا فين
ياريتنا زى اى دوله تانيه مرفهه شعبها
زى الامارات مثلا مش زيها اوووى انا مش طماعه
بس دى بتقدم كل شئ لمواطنيها بدون مقابل
وديما بتميزهم عن غيرهم
احنا طبعا هنا عندنا العكس بيميزوا المغتربين عن الموطنين
يلا ربنا يعينا
تسلمى ع طرح التوبيك

[world]

هاهاهاهاهاهاهاهاهاهاهاهاهاهاهاهاهاها ايه ده
م كل دول العالم فقيرة وغنيه بيدفعو تمن استخدامتهم !!
ثم ان مصر بالذات رغم حالت التدهور الاقتصادي ال مرت عليها بعد الثورة لم ترفع اسعار كتير الي الاسعار العالميه ال ف كل دوله

يعني عندك السماد تم تعليه سعرو لكن بردو لسا موصلش للسعر العالمي
مصر بتعمل كل شي مجان و مدعم ولو شالت الدعم واداتك بالسعر الحقيقي مش هنلاقي تكلي رغيف حاف ولا تركيب مواصله ف مترو

[اميره الشعر الشجين]

اممم بصراحه يا مونى لو هتتكلمى عن اسعار التموين العاليه الا انها تمام وغير كدا اصلن اصحاب التموين حراميه يبيعو فى السوء السوده ويرجعوا يقولولك الحكومه دى اصلن بنت ...

واحنا ملناش دعوه مش هكدب ع نفسى واقول الحكومه مبتسرقش مدا معروف من زمان بس سرقتها فى حدود يا عالم غرضها ايه

معاكى ان فيه خدمات كتير احنا بندفع تمنها وبالمقابل مبتخدش حقنا فيها زى باقى الدول
لانو وزى مانتى شيفه احنا مش زى باقى الدول ظروفنا غير ومدهوره يعنى لو حسيتى بارتفاع شويه وعمر ماكان عندك اى ارتفاع وصل للسعر العالمى فدا ظلم لينا شبه مشروع
موضوع جميل ياقمر يدوم التميز

[* Fares *]

اقتباس السؤال ---------- ماذا تفعل الحكومة بموارد الدولة وكيف تُنفق..

طب ده سؤال برضه يا منايا يا بنتي ؟

انتِ روحي لندن الدور الرابع
واسألي عن بطرس غالي وزير المالية السابق
هو حيفهمك كل حاجة

[.Lamar]

سلامتك من الحيرة يا منايا

بلدنا فيها موارد كتير لو استغليناها صح و المواطن فعلا مش بيوصله منها حاجة
غير على صورة دعم لاشيا بسيطة
زى التامين الصحى كمثال
و لو بصينا له هنلاقيه مش بيطبق على كل الافراد و يا ريتها خدمة تليق بادمية الانسان
هكتفى اقولك ان اللى ماسك البلد شوية حرامية
بيدخل حساباتهم الشخصية 10 اضعاف اللى بيدخل خزينة الدولة
كنا قولنا الظلم ليه اخر بس ربي لسة ما اراد

كل الشكر منايا
و ربي يحفظك من الحيرة و يسعد قلبك

[ابو نصير]

سيدتى منايا ..
فى كلمتين للحيره عن سؤلك
إذا قبر الضمير الحر والحى فى وطن فسنظل نعيش فى حيره ولن تجدى لسؤلك أجابه
تحياتى
وتقبلى مرورى
ابو نصير

[دفاتر القمر]

والله معاكي حق بس يمكن زي
ما بيقولوا زياده عدد السكان
اللي مشاء الله بقي 90 مليون
ده غير 30 سنه فساد وسرقه
ومصانع اتقفلت والبلاد محتاجه
مليارات علشان ترجع تقف تاني
ربنل يكون بعون الشعب
شكرا ليكي علي الطرح
بانتظار الجديد

[ana memo]

ده سؤال لو جوبنا عليه نبقي
عومد

[جالس لحالي]

سؤال بيدور فى راس كل واحد فينا بشكل مباشر وغير مباشر

بس علشان نوصل لاجابة حسب تفكير كل واحد فينا هناخد وقت

دهـ ملف موازنة مصر 2014

173 ورقة جايبة كل حاجة على المكشوف

دهـ اول السلم للاجابة على سؤالك