نداء ممنوع زواج البنات قبل ما تتعلم دخول المطبخ

[سارة بنت مصر]

الحمد لله انى بعرف اطبخ يعتبر كل الوجبات وبالذات الحلويات وبعض من الاكلات

الدور بقى على اللى هيتجوز ومبيعرفش يطبخ دى هتبقى ايامه مش حلوه خالص

ههههههههههههههههه

يسلموووووووووووو على الطرح الرائع

[اميره الشعر الشجين]

يعنى احنا نطبخ ونتعب نفسينا وانتم تاكلو وتأنتخو عيب عليك يا امجد

[DR.SMA]

بص يا أمجد
بعيدا عن الهزار هنتكلم جد
طبعا الواحده المفروض تكون متعلمه الطبيخ وشغل البيت لانه من اولوياتها عشان الأسره
زي بالظبط ما المفروض تكون متعلمه ازاي تحافظ على البيت وتجعله سعيد
لكن كل حاجه بتيجي مع الوقت
عمرها ما هيكون اكلها من اول يوم زي اكل مامتها او مامتك انت
الموضوع خبره واستمرار
قبل الجواز كان ليها اهتمامات
وبعده اهتماماتها بتتغير تبعا لوضعها الجديد
بالظبط زي الراجل
عمرك ما هتكون زي بباها في طريقه ادارته للبيت والحمايه والتفاهم وغيره
لكن بتتعلم واحده واحده والمواقف بتعلمك
فمش كل واحد بقى يبقى حاطط في دماغه انه من اول يوم هيلاقي الشيف شيربيني قدامه
وهي تكون حاطه في بالها انها هتلاقي قدامها فارس الأحلام
كل حاجه بتيجي مع الوقت
بستغرب اوي الراجل الي يبقى عايز مراته تيجي البيت
بتعرف تطبخ زي ماما
بتعرف تعمل حلويات زي ماما
غسيلها وتنضيفها وتفاهمها وادارتها وتعاملها زي ماما
فكر الاول هو انت زي بابا !!
الملخص يعني عشان طولت عليك
والموضوع اصلا مدايقني من الي بشوفه حواليا
واحده واحده كله بييجي
المهم يكون الطرفين مستعدين يعملو بيت واسره بجد
وقتها كل واحد حقيقي هيحاول يعمل الي عليه في احسن شكل
منور يا امجد ..

[تجملت بالعفآف]

ي عم أيه فيها لما نجرب الأكل ف تعيس الحظ

خليك فري زينا هههههههه

[ساحر الأحزان]

يعنى كل واحدة داخلة تقول

انها مفيش حد زيها

وانها شيف ماهر

وهما

ابيض يا ورد

[اميره الشعر الشجين]

تمااااااااااااااااااااااام كل واحده شيف ماهر ( ماهر مين)!!!!

انا عن نفسى استاذه حرق أكل

[انت احلى الناس]

مش الزواج مشاركه
خلاص هو يشاركها في شغل البيت عليه الطبخ والتنضيف وهيا عليها الاكل والاشراف
ههههههههههه
تحياتي ليك ساحر

[ساحر الأحزان]

ومالة لما نساعدهم

بسى قبل الفاس

ما تقع فى الراس

نكون عارفين

على شان نستعد

ونجهز نفسنا

ونجيب مامتها تديها دروس تقوية

[MĺŔǾ]

بضم صوتي لصوت أمج ـــــــــــــد واقول ان كل بنت لازم تتعلم الطبخ وازاي تهتم بشئون بيتها وجوزها .. وكمان الراجل لازم يتعلم ازاي يعاملها ..........

[™Amiliya]

اولا الطبق دا مش غريب عليا ههههههه

ثانيا انا بقول كل واحد يشيل مع التاني الي يعرف يطبخ يشيل المطبخ وفيها ايه
مش بيقولو شراكة والشراكة تعني كل شيء ولا الشراكة متجزاة

هو يعرف يطبخ ربنا يجزاه الخير هيطعمني معاه واهو كلو بثوابه لو شايف ان فيها حاجة

الموضوع ان الشعب العربي الرجالة فيه بُطَنية ههههههه