!.... تــنــاقـــــض ....!

[همس الحنين]

مش معارضه كلامك يمكن فى جزئيه كبيره من الحقيقه

ومن ينكر ذلك يكون بيناقض نفسه

النفس اللومه جمعت بين النفسه المطمئنه والنفس الاماره بالسوء

اى عندما تأمرك نفسك بفعل الخير حينها ترتقى للنفس المطمئنه وعندما تأمرك بالسوء تنزل للنفس الاماره بالسوء

فجمعت بكلمة النفس الوامه

التنناقض قد يكون ظاهرى وهذا مقدور عليه وسهل تغيره انما التناقض الداخلى فأراه صعب تغيره لانه خفى عن الجميع

امامك ناصح امين وبينه وبين نفسه شيطان لئيم

اذا اى تناقض مهما كان صعب سهل تغيره طالما ظاهر انما المستعصى هو من انكر انه متناقض

العالم اغلبه تناقضات متغيرات لا يقف على حال

وما على الانسان الا المحاوله الدائمه فى اصلاح نفسه وذلك بأن يكون صادق بينه وبين نفسه

مقال كالعاده يجذب القارء

تقديرى لك

[pu.z.z.le]

اقتباس المشاركة الأصلية كتبت بواسطة امنيه شافعي الناس نفسها تغير الكون ومتقدرش تغير نفسها كل اللي حواليهم غلط وهما بس اللي صح فعلا تلقيهم بيقولوا حاجه وينصحوا بيها وهما اول ناس مش بيعملوا بيها تناقض رهيب شكرا علي الطرح بانتظار جديدك دمت بخير

وانا فى انتظار متابعتك

نورتى الموضوع

[pu.z.z.le]

اقتباس المشاركة الأصلية كتبت بواسطة همسات فوق القمر مش معارضه كلامك يمكن فى جزئيه كبيره من الحقيقه ومن ينكر ذلك يكون بيناقض نفسه النفس اللومه جمعت بين النفسه المطمئنه والنفس الاماره بالسوء اى عندما تأمرك نفسك بفعل الخير حينها ترتقى للنفس المطمئنه وعندما تأمرك بالسوء تنزل للنفس الاماره بالسوء فجمعت بكلمة النفس الوامه التنناقض قد يكون ظاهرى وهذا مقدور عليه وسهل تغيره انما التناقض الداخلى فأراه صعب تغيره لانه خفى عن الجميع امامك ناصح امين وبينه وبين نفسه شيطان لئيم اذا اى تناقض مهما كان صعب سهل تغيره طالما ظاهر انما المستعصى هو من انكر انه متناقض العالم اغلبه تناقضات متغيرات لا يقف على حال وما على الانسان الا المحاوله الدائمه فى اصلاح نفسه وذلك بأن يكون صادق بينه وبين نفسه مقال كالعاده يجذب القارء تقديرى لك

وانت ردك كالعاده بيضيف زاويه جديده للموضوع

نورتى اكيد ... زى كل مره

[Words Whisper]

2 بوينت ::
1- التغير حالة الزمن و الفكر تبعا لذلك بيتغير ويتطور
لكن القيمة و المبدأ ذاتهم مش بيتغروا وان تغيرت النظرة لهم
كمثال بسيط :: القتل مهما تغير الزمان مش هيكون شيء جميل
مثال تاني :: الشجاعة قيمة رائعة لكن شجاعة الجاهلية كانت قتال السيف وشجاعة الوقت مواجهة العقبات ..
2- أكيد كلنا جوانا شيء من التناقض بس فرق بين اننا بنجمع المتناقضات وبين اننا متناقضين
زي بالضبط ماهو فرق بين الفعل السيء وبين ان أعتبر شخص سيء تماما لفعل خاطئ سيء
شخص متناقض يعني بألف وش وبلا مبدأ و منافق
انما اننا بنحمل التناقض فدي طبيعة بشرية ان كلنا جوانا الخير والشر بس بنختار نُغلِّب مين ..


موضوع قيم
شكراً لحضرتك ..
دمت بخير ..

[pu.z.z.le]

اقتباس المشاركة الأصلية كتبت بواسطة Words Whisper 2 بوينت :: اوك ... 2 كومنتس 1- التغير حالة الزمن و الفكر تبعا لذلك بيتغير ويتطور لكن القيمة و المبدأ ذاتهم مش بيتغروا وان تغيرت النظرة لهم كمثال بسيط :: القتل مهما تغير الزمان مش هيكون شيء جميل مثال تاني :: الشجاعة قيمة رائعة لكن شجاعة الجاهلية كانت قتال السيف وشجاعة الوقت مواجهة العقبات .. .

النقطه صحيحه وانا ذكرتها فى الموضوع بس يمكن حضرتك مخدتيش بالك منها

اقتباس مع كل مرحله فى حياتك بتتجدد افكارك وبتتوسع مداركك ... بيتحذف حاجات وبتستجد حاجات .. اللى كنت شايفه ابيض فى مرحلة ما .. احتمال تشوفه فى مرحله تانيه اسود ...

اقتباس يعنى ايمانك بشئ ومن ثم التراجع عنه لاحقا يعنى ازالته تماما من قائمة معتقداتك ليس بتناقض ... دا تطور فى ادراكك .. وارد يكون فى الاتجاه الصحيح ووارد جدا يكون فى الاتجاه الخطأ

لو طبقتى الكلام دا على المثال اللى جبتيه هتلاقى ان ادراك البشر اتطور فى الاتجاه الصحيح بالنسبه للشجاعه .. بس فى نفس الوقت اتطور فى الاتجاه الخاطئ بالنسبه لحاجات تانيه .. زى مثلا ان الكذب اصبح فهلوه .. والصدق بقى بجاحه .. وان كنت بتفق معاكى ان التطور فى الاتجاهين سواء الصحي منه او الخاطئ مش هيغير فى قيمة الصدق ولا قيمة الشجاعه .. لكن اللى بيتغير هو نظرة الناس ليها .. حتى الفرد فى مراحله المختلفه ممكن نظرته تتغير بالنسبه للقيم دى .. ودا مش هيغير من القيم والمبادئ حاجه والا كنا فقدنا انسانيتنا مع كل المغالطات اللى حصلت على مدى القرون اللى فاتت

بس بعيد عن كل دا فالموضوع متكلمش اساسا عن التغير فى الزمن على انه تناقض بالعكس التوصيف للنوع دا من التناقض كان واضح فى الموضوع انه تطور للادراك طبيعى جدا يحصل مع الوقت ... الموضوع فكرته الاساسيه قائمه على التغير فى نفس المكان مع ثبات الزمن ودا اقتباس من نص الموضوع

اقتباس اما فى حالة ان التغير فى المعتقد او الرؤيه او التوجه يكون حادث خلال المكان .. بمعنى ان فى نفس الزمن ممكن تتكلم بوجهتين نظر فى مكانين مختلفين ... يعنى انك تقول حاجه فى البيت وبره البيت تقول حاجه تانيه خالص ... او انك تكون فى المنتدى بشكل وفى حياتك العاديه بشكل تانى خالص .. او انك تكون فى الجامعه باستايل وفى المنطقه اللى انت ساكن فيها باستايل تانى خالص ... كل دا ممكن يحصل خلال اليوم او الساعه او حتى الدقيقه الواحده .. لكن المكان بس اللى بيختلف ... واحيانا يحصل دا فى نفس المكان وفى نفس الزمان ودا بقى قمة (( الـــــــتــــنــــــاقــــــض ))

اقتباس المشاركة الأصلية كتبت بواسطة Words Whisper 2 2- أكيد كلنا جوانا شيء من التناقض بس فرق بين اننا بنجمع المتناقضات وبين اننا متناقضين زي بالضبط ماهو فرق بين الفعل السيء وبين ان أعتبر شخص سيء تماما لفعل خاطئ سيء شخص متناقض يعني بألف وش وبلا مبدأ و منافق انما اننا بنحمل التناقض فدي طبيعة بشرية ان كلنا جوانا الخير والشر بس بنختار نُغلِّب مين ..

مش عارف ليه شميت ريحة تناقض فى البوينت دى بصراحه

انتى فرقتى بين الشخص اللى جواه تناقضات .. والشخص المتناقض .. طيب خلينا معاكى .. وكمان قلتى ان دا زى الشخص اللى فعله سئ وبين الشخص السئ .. وان كنت انا شايف غير كدا .. ان مفيش حاجه اسمها شخص سيئ بالكليه .. ولا متناقض تماما .. ودا كان كلامى عن الجزئيه دى

اقتباس مبدئيا كلنا جوانا خير .. ومفيش انسان خالى من الخير على وجه الارض .. ودا ثابت لازم يكون دايما فى ذهنك وميروحش عن بالك ...

لكن خلينى معاكى فى التفريق بين المتناقض واللى بيحمل تناقضات .. و بين السيئ واللى بيعمل افعال سيئه وهفترض وجود ما يسمى بالانسان المتناقض والانسان السيئ .. وهاخد التعريف اللى انتى زكرتيه للمتناقض واقيس بيه على السيئ .. والقياس هنا جائز دا على حسب توصيفك فى البوينت

اقتباس المشاركة الأصلية كتبت بواسطة Words Whisper 2شخص متناقض يعني بألف وش وبلا مبدأ و منافق

على حسب كلامك ممكن س من الناس يقولك وليه اعتبرتيه متناقض .. وكان ممكن يكون مجرد بيحمل تناقضات ... دا لو قسناه على كلامك برده اللى قلتيه عن الانسان اللى بيعمل افعال سيئه والتفريق بينه وبين الانسان السيئ لان بالقياس دا ممكن نقول

شخص سيئ يعنى كذاب يعنى نمام يعنى مغتاب

وساعتها هنكون وقعنا فى تناقض استنادا لنفس كلامك ...

لانى ممكن اشوف الانسان دا مش سيئ وانما بيعمل افعال سيئه وغيرى زى حضرتك مثلا يشوفه سيئ .. نفس المثال فى المتناقض .. ممكن اشوفه بيحمل تناقضات فى الوقت اللى حضرتك شيفاه هو متناقض ..

علشان كدا كنت واضح فى الجزئيه فى الموضوع ان عمرى ما حكمت على انسانء بالسوء الكامل لان مفيش انسان شيطان وفى نفس الوقت مفيش انسان ملاك .. انما دايما هو خليط بين الاتنين .. وان كنا بنتجاوز احيانا وبنقول ان الانسان دا سيئ .. فدا حكم نسبى معناه ان افعاله السيئه اكتر من افعاله الحميده .. ممكن تراجعى موضوع (( ظاهر وباطن )) على الرابط دا

http://forums.banatmisr.com/msryat489499/

وهناك هتعرفى ان حكمنا على الناس دايما منقوص ... علشان كدا لا يجوز انك تقولى فلان سيئ او فلان متناقض .. انما الصح انك تقولى فلان جواه تناقضات وفلان بيعمل افعال سيئه .

ودى كانت نصيحتى للانسان اللى جواه تناقضات

اقتباس خلى من تناقضك صراع بين ذاتك وذاتك .. وانتصر للآفضل ...

يعنى بين ذاتك اللى بتخطئ وذاتك اللى بتحاول تصوب خطأك او بتعمل حاجه صح .. ودا دلاله على ان اى انسان جواه الخير بنسبه ولازم يفضل صراعه فى انه يكبرها وينميها .. مش يستسلم للشر اللى جواه لو حد قاله انت سيئ او انت متناقض .. وكأنى بقوله

انت مبقاش منك رجى .. روح موت احسن

اقتباس المشاركة الأصلية كتبت بواسطة Words Whisper 2 موضوع قيم شكراً لحضرتك .. دمت بخير ..

وانتى كمان بتمنالك دوام الخير

نورتى الموضوع

[Words Whisper]

هعلق تاني ع النقطة التانية
لا مش ف تناقض ف اللي كتبتُه
هضرب مثال بسيط يوضح قصدي بدون شرح
وعلى فكرة قصدي مش مخالف لرأي حضرتك :::
كلنا لنا كذبات مش حد فينا صادق 100%
بس الفرق ان فيه حد كذباته مش عادة
بيكذب وهو عارف ان دا شيء سيء وبيضايقه من نفسه
و ف حد بيهوى الكذب وبيكدب حتى ف أمور مش تستحق الكذب
الشخص الأول ارتكب فعل سيء لكن هو مش سيء
الشخص التاني سيء
لو هنقيسها على كلمة متناقض ::
فبردو مش كل تناقض معناه شخص متناقض
كلنا جوانا الجيد والسيء
كلنا جوانا الحب و الكره
الشخص المتناقض = المنافق أو اللي بيكذب على نفسه << فرق بين الاتنين
زي اللي بيكلم الناس عن الأخلاق و في بيته مايعرفش يعني ايه أخلاق
زي اللي مش عارف يغلب صفة فوق نقيضها جواه ..




شكرا بئا ..

[pu.z.z.le]

احنا لسه فى نفس الدايره ... واظن ان الدايره دى فى الاخير هتكون خاصه بيكى مش موجوده بشكل عام .. او المفترض متكونش موجوده اصلا

مفيش حاجه اسمها سيئ بالكليه ودا وجه الاختلاف بينى وبينك

انتى مصممه ان اعتياد الخطأ بيصاحبه اخراج الانسان من الصلاح الكلى او الجزئى الى الفساد الكلى ... ودا مش حقيقى ومش واقعى

دا حتى اعتياد الفشل مش فشل .. بالعكس دا قمة النجاح .. وابرز مثال على كدا

توماس اديسون

علشان يخترع المصباح الكهربائى .. بذل 999 محاوله فاشله

برؤيتك اللى بتقوليها يبقى توماس اديسون صاحب الالف الاختراع كان المفروض فى الوقت دا يتقاله

يا فاشل يا فاشل

صعبه مش كدا ؟؟؟

وبرده لو اخدنا كلامك ووقفنا عند الفاظه مش بس معانيه هنلاقيه متناقض

انتى بتقولى ان فى فرق بين الشخص السيئ والشخص اللى (( افعاله )) سيئه

تعالى بقى نشوف (( افعاله )) اللى ذكرتيها فى ردك ...

اقتباس الفرق ان فيه حد كذباته مش عادة بيكذب وهو عارف ان دا شيء سيء وبيضايقه من نفسه و ف حد بيهوى الكذب وبيكدب حتى ف أمور مش تستحق الكذب الشخص الأول ارتكب فعل سيء لكن هو مش سيء الشخص التاني سيء

انتى من مجرد صفه واحده او فعل واحد اللى هو الكذب .. حكمتى بان الشخص سيئ بالكليه ... ودا قمة الخطأ .. لانه مخالف للفطره ومخالف للشرع .. ومخالف حتى لمفهومنا الشامل عن الانسان والحياه بشكل عام

وعلشان نختم نقاشنا بشئ مفيد .. هطرح عليكى سؤال .. ومتاح ليكى تعملى بحث عنه فى جوجل لو الاجابه مش عندك .. فى الاخير احنا حابين نوصل للحقيقه ونتلاشى الوقوع فى الخطأ .. حتى لو كان التمن اننا نتراجع عن كلام قلناه .. فالافضل نراجع كلامنا عن اننا نستمر فى الاقتناع بمفهوم خاطئ ...

هل المنافق .. شخص سيئ ؟؟

كيف نحكم على المنافق بانه منافق ؟؟

هل يكفى صفه واحده للحكم بها على الانسان بانه منافق ؟؟

هل يخرج المنافق من دائرة الايمان بعد ثبوت نفاقه ؟؟

مش امتحان .. بس اداه من ادوات النقاش اللى بتحافظ على مساره بعيدا عن الجدال .

منوره اكيد الموضوع

وفى انتظار اجوبتك

...........

[Words Whisper]

اقتباس هل المنافق .. شخص سيئ ؟؟ كيف نحكم على المنافق بانه منافق ؟؟ هل يكفى صفه واحده للحكم بها على الانسان بانه منافق ؟؟ هل يخرج المنافق من دائرة الايمان بعد ثبوت نفاقه ؟؟

فيه فرق بين شخص منافق و شخص فيه خصلة من النفاق
والأمر ذُكِر كدا في الحديث :
( أَرْبَعٌ مَنْ كُنَّ فِيهِ كَانَ مُنَافِقًا خَالِصًا ،
وَمَنْ كَانَتْ فِيهِ خَصْلَةٌ مِنْهُنَّ كَانَتْ فِيهِ خَصْلَةٌ مِنْ النِّفَاقِ حَتَّى يَدَعَهَا :
إِذَا اؤْتُمِنَ خَانَ ، وَإِذَا حَدَّثَ كَذَبَ ، وَإِذَا عَاهَدَ غَدَرَ ، وَإِذَا خَاصَمَ فَجَرَ )


كدا أنا جاوبت على التاني والتالت والرابع
هل المنافق سيء ؟ آه سيء
هل كونه سيء دا ينفي عنه الخير ؟
دي بئا النقطة الأهم وهي ملخص كل حاجه
كون شخص سيء أو شرير أو منافق أو قاتل .... الخ

فدا لاينفي عنه انه أصله الخير
وان مهما بلغ بيه السوء هو مش شيطان وهيفضل جواه خير بس هو غلب السوء
وانه مادام أصله الخير يبئا مش مستحيل يرجع للخير
وانه مادام الخير فطرة وأصل لايموت يبئا مش هتعامل معاه انه مطرود من الانسانية ..


شكراً ..

[pu.z.z.le]

اقتباس المشاركة الأصلية كتبت بواسطة Words Whisper فيه فرق بين شخص منافق و شخص فيه خصلة من النفاق والأمر ذُكِر كدا في الحديث : ( أَرْبَعٌ مَنْ كُنَّ فِيهِ كَانَ مُنَافِقًا خَالِصًا ، وَمَنْ كَانَتْ فِيهِ خَصْلَةٌ مِنْهُنَّ كَانَتْ فِيهِ خَصْلَةٌ مِنْ النِّفَاقِ حَتَّى يَدَعَهَا : إِذَا اؤْتُمِنَ خَانَ ، وَإِذَا حَدَّثَ كَذَبَ ، وَإِذَا عَاهَدَ غَدَرَ ، وَإِذَا خَاصَمَ فَجَرَ ) كدا أنا جاوبت على التاني والتالت والرابع هل المنافق سيء ؟ آه سيء هل كونه سيء دا ينفي عنه الخير ؟ دي بئا النقطة الأهم وهي ملخص كل حاجه كون شخص سيء أو شرير أو منافق أو قاتل .... الخ فدا لاينفي عنه انه أصله الخير وان مهما بلغ بيه السوء هو مش شيطان وهيفضل جواه خير بس هو غلب السوء وانه مادام أصله الخير يبئا مش مستحيل يرجع للخير وانه مادام الخير فطرة وأصل لايموت يبئا مش هتعامل معاه انه مطرود من الانسانية .. شكراً ..

كدا اتفقنا فى الموضوع واختلفنا فى الشكل .. انتى مصممه تسميه سيئ .. مع ان المسمى اقوى واعم واشمل من التعريف اللى كتبتيه ..

بس مش مشكله طالما انتى فى تعريفك للشخص السئ منفتيش عنه الخير .. يبقى بتكلم فى اتجاه واحد وان اختلفت المسميات ..

بس برده حاولى تلاقى مسمى غير دا

مشكوره على التواجد