جت فيك

[™Amiliya]

كلنا لينا مزاجات يوم حلوين
ويوم لا يوم عادي يوم وسط وكل مزاج بيكون مصحوب بموقف او الجو ممل او الجو مشحون بالفرح
بياثر عليك بشكل او باخر

لما تكون في البيت ومع اهلك وممتك او باباك متنرفز من حاجة

مع اصحابك مع زميلك مديرك .... الخ من الاشخاص الي في حياتك

وانت لا بيك ولا عليك تحاول تلطف الجو
او تتكلم في موضوع وفاجاة من غير اي مقدمات يهب فيك الي قدامك وكلام يوجع ورا بعض
ومن غير اي سبب يذكر للي قالو او هجموا وقتها

وبعد لما يهدى يقولك انا اسف جت فيك
يعني طلع كل الشحنة الي جواه جت فيك انت

سعتها ياهتعذرو ياهتاخد موقف وفي الاتنين معاك حق

بس امتى يحصل الاتنين

امتى تعذرو وتعتبر الي قالو مجرد تنفيس عن موقف حصلو

وامتى تحس انه قاصد الي قالو واستغل الموقف الي حصلو وطلع كل الي جواه فيك؟

ياترى انت من الاشخاص الي ممكن تنفجر في الي قدامها وبعدين تعتذر لان مالهاش ذنب؟

/

تحياتي

[شاعر الحب الحزين]

لا لا ببقى مركز كويس لما ازعل واتدايق من حاجة

مش بهب ف حد ومفيش داعي اني ازعل من حد

حقي باخده أول بأول عشان مش بحب ازعل واتدايق

مبحبش اغلط في حد ولا احب حد يغلط فيا ويقوللي جت فيك انا آسف

الأعذار ما تتقبلش هنا يا إيميليا والكلام المتوجه بيبقى مقصود ساعتها

جميل موضوعك وبكل شفافية وواقعية كتبتيه

تسلم إيديكي كاتبتنا الكبيرة ع الطرح الجميل

يدوم حضورك الجميل وكتاباتك الجميلة الواقعية دوما

احترامي وتقديري

[(طائر الشرق)]

يوم حلو ويوم وسط ويوم مفيش

هو ده حال الاغلبيه من الناس أوقات كتير

ضغوطات الحياه وكل المشاكل المتكرره على

الجميع ممكن تخلينا نكون فى نفس الموقف

واكيد صعب أننا نتحكم فى نفسنا وقت الغضب

أجمل شئ اننا نمتلك نوايا حسنه ومدام هناك

أعتذار ايه المانع من العفو والصفح وألتماس العذر

لأننا مش ممكن ندخل فى قلوب الناس حتى وأن

كان أغلبهم أقرب للقلب

دعواتى

[مُنـــــايا]

يصراحه بتحصل مع معظمنا الحاله ده ...نتيجه ضغط أو تأثير علينا

ممكن أكون الشخص اللي جت فيه ده ...وبردوا ممكن أكون أنا بنفس عن
غضبي وأصبه في شخص تاني ........وهي بتيجي كده بدون قصد ع فكره
وما دام في الآخر الواحد بيعتذر ........يبقي لازم المسامحه هنا ..

موضوع جميل حبيبتي
لروحك السعاده

[۩۩ elMagic ۩۩]

اللى بيعتذر بعد ما ينفجر بيبان عليه انه مش قاصد ينفجر في فلان
ووقتها فلان بيقدر الموقف وبيسامحه
انا بتحصل معايا اوقات بأكون ع اخري من مواقف وانفجر في اصحابي وباعتذرلهم
انتي ممكن تعملي كل اللى عندك مع اصحابك لان مهما خرج منك هتلاقيهم بيقدروك
ودا بخلاف لو عملت دا مع شخص غريب متعرفوش ولا اتعاملت معاه
اظن هياخد موقف منك ويبعد لغاية ما يغير طريقة تفكيره
ودي بتتم من خلال المواقف اللى بتحصل بعد كده ..
لكن انت صحابك الاعزاء يعرفوك كويس
فا هيقدروا يمتصوا غضبك عشان يعدوا اى موقف ..

[دفاتر القمر]

بصراحه المفروض مهما كانت
الضغوط لازم الانسان يتحكم في
عصبيته وما يجرح حد
لكن لللاسف وقت الزعل
الانسان بيتصرف غصب عنه
طرح راقي شكرا لكي

[العاشق الذى لم يتب]

النفس مابتكونش مظبوطة
والمزاج مش بيرسى على حال
المهم
الواحدبعدمايفوق
المفروض يراجع نفسه
ويعتذرلمن اساءله
ومش عيب لمااقوله جات فيك
والتانى لازم يقبل اعتذارى
طالماانانويت الاعتذار
تسلمى ايمى
تحياتى

[العندليب الاسـمر]

بصراحة بيكون موقف صعب

لكن الموضوع بيتوقف علي قدر المحبة اللي بين الطرفين

يعني الاول لو بيحب الاني حتي لو انفجر فيه

مبيكونش بالقدر اللي يجرحة او يوجعة

والتاني حتي لو الاول انفجر فيه

بيستحملة لانه عارف انها لحظة غضب مش اكتر ولا هوة المقصود


موضوع جميل ايميليا

تقبلي تحياتي

[♥SaRa]

علشان كدهـ عن نفسي لما بلاقي حد متعصب جداً جداً مش بحاول اتكلم معاهـ فـ حاجة
او أبرر مثلاً لتصرف الشخص التاني لأني عارفة ان دهـ الي هيحصل فـ لما بتكلم بقول كلمات
تهدية مش آكتر فـ مش بيكون في عصبية لكن لو حصل وبردوا هب فيا بدون سبب بسكت
ولما بجي يتعذر بقول حصل خر وبسامح لكن لو عادي وكبر وكدهـ كبر دماغي انا كمان واعرف
انها كانت مقصودهـ وانة كان شايل جوهـ قلبة .
لكن بالنسبة ليا انا لما بتعصب بسكت وببعد عن كل الناس وبقفل عـ نفسي الاوضة ^^
اصل انا مش بقدر اتحكم فـ اعصابي بس آكيد مش هقول كلام يضايق بس هتنرفز واعلي صوتي فبحجز نفسي لغاية ما اهديس
تسلمِ عـ التوبيكـ ي قمرهـ .

[world]

انا لما بتضايق بكون عصبيه فعلا لكن معتقدش اني ممكن اجرح حد
اكيد هكون مركزة
ف ناس بتقول ان الكلام ال بيطلع وقت الزعل بيكون من القلب ودي تكون الفرصه انه يطلعو
وعشان كده امتا ازعل لما تيجي فيا او مزعلش
بتتقاس بالكلام ال اتقال
احيانا الكلام بتحسو ناتج من عصبيه ومجرد (هلفطه واحيانا الكلام بيوجع وتحس انه بيقول ال جواه ناحيتك فعلا ظاهر