( morshooo ) و ( صفحات الاعضاء 38) ^_^

[morshooo]

بسم الله الرحمن الرحيم

مزاج الخير

وحلقه جديدة من

( ) و ( صفحات الاعضاء )




ماتيجو نشوف جبتلكم ايه النهاردة

الواحد يا جماعه بيدخل المنتدى

عشان يشوف حكم

يقدر يستفاد منها

وياسلام بقى لما الواحد يكون قاعد

مع اهله والا اصدقائه ويفتكر حكمه منهم

اخرااااااااااااااااابى

زمان كانوا بيقولوا حكمة بليغة أوي

اها والله

بيقولك
(أنا لما بحب أتسلى محبش أقزقز لب
أنا عندي أقرا مجلة أو أرسم زي ماحب)

الله اكبر

لا حكمه جميله طيب ودى

اقولها امتى يا كابتن

وياترى تتقال فى اى وقت

بصراحة الحكمة دي

أثبتت فشلها الذريع هذه الأيام

والدليل

إنتشار جميع أنواع اللب

حتى المستورد منه من جميع البلدان

وهذا الى جانب إنتشار قشر اللب بجميع الأركان

سواء بالبيوت أو وسائل المواصلات

أو حتى .......... جمب اللاب وتحت حروف الكيبورد

تصدقى انا غلطان اساسا

انى جبت الحكمه دى فى ام التوبيك دا

طالما هى فاشله بتجبهلنا ليه يا شيخه

ادعى عليكى يعنى والا اجيب شويه لب وارميهم عليكى

( جبل عالى )




النهاردة وكالعادة هقدملكم خاطرة جديده

اتمنى ان تنال اعجابكم بعنوان

( الملوخيه )

الملوخيه ؟ ....

طبخة عالمية

بوصفه التقليه

يأكلها جوعى لرغبتى البطنيه

بأكلها بأساليب هجمية

ونقيمو من اجل الملوخيه معارك جانبية

بأوامر بطنية هدفها ؟...

العمالة الجوعيه

والنداله البطنية

تعالو نشوف مع بعض

العضوة دى لما شافت الكلام الجامد

بتاعى كتبت عليه ايه

الداعشية ؟....

طبخةٌ عالمية ،

بوصفةٍ مخابراتية ،

يأكلُها جَوعى الرغبة ِالإسلامية

بأساليبَ همجية

ويقيمون من أجلِها معاركَ جانبية

بأوامرَ سُرْيالية ، هدفُها ؟....

تشويهُ الإنتفاضةِ الثوريةِ السُّنِّية

في وجهِ المؤامرةِ الباطنية

والعمالةِ الصهيونية

والنذالةِ البترولية

يعنى انا مش عارف الناس الى بتقلدنى دى

اعمل فيها ايه بس

( منايا )




معلش انا بحب الشعر والله

وبحب ادخل عند الناس الشاعرة جدا

وساعات الواحد اول لما يقوم الصبح

بيحب يصبح على الكل

صباحكم ورد وفل وياسمين

ياأعضاء بنات مصر ياحلوين

ان شالله كده دايما مرتاحين

وف حياتكم سعداء وراضيين

حبيت أصبح وأقولكم فرحانة بيكم

ويارب أشوفكم عندي دايما منورين

ومن طبق الفول فطرانين

والطعميه واكلين

والبتنجان الاسود خربانين

وغسلين ايديكم من القرف يا معفنين

يامعفتيت فاهمين والا مش فاهمين

( جبل عالى ) ( تانى )




ساعات الواحد بيضايق من الصوت العالى

والطبيعى ان الواحد لما يسمع صوت

يكون صوت خفيض ماشى

هامس شغال



أكثر شئ أكرهه في الحياة هو الصوت العالي

أحب دائما الصوت الخفيض عند الكلام

والهامس عند العتاب

والغير مسموع عند النجوى

بصى انا هقولك حاجا

الصوت الخفيض وعرفينه

الهامس نسمع عنه

( االنجوى )

بقى احنا مانعرفش الا نجوتين

نجوى فواد

و

نجوى ابراهيم



( هادية )




اخيرا فى مدونه لعضوة جديده

ياريت نتابعها

http://forums.banatmisr.com/msryat492531/

ندى المهندس





وبكدا بتخلص حلقه النهاردة

ماتقلقوش لسه

الى جاى احلا

[مُنـــــايا]

إيه ده إيه ده....؟؟
مين بيقلد مين ..
هو أنت كتبت الملوخيه ده فين أصلا ً وربي ما شفتها
ولو كنت شفتها عمري ما كنت كتبت علي وزنها
روح يا شيخ منك .....ولا بلاش الطيب أحسن
أشوفك واقع في شر أعمالك....ومش ليك دعوه بالشعر نهائي

[Words Whisper]

النجوى
اللي هو الكلام السر ..


حلوة بئا الانتقاءات ..
شكراً أ.مرشدي ..

[morshooo]

اقتباس المشاركة الأصلية كتبت بواسطة مُنـــــايا إيه ده إيه ده....؟؟ مين بيقلد مين .. هو أنت كتبت الملوخيه ده فين أصلا ً وربي ما شفتها ولو كنت شفتها عمري ما كنت كتبت علي وزنها روح يا شيخ منك .....ولا بلاش الطيب أحسن أشوفك واقع في شر أعمالك....ومش ليك دعوه بالشعر نهائي

يعنى انا لو فكرت اكتب
هكتب عن الملوخيه
عشان تعرفى بس انى نجم فى الكلاا
الكلام يعنى
نورتى التوبيك

[morshooo]

اقتباس المشاركة الأصلية كتبت بواسطة words whisper النجوى اللي هو الكلام السر .. حلوة بئا الانتقاءات .. شكراً أ.مرشدي ..

لا انا بس حبيت اعرفها ان
النجوى عندنا يا اما
راقصه او مقدمه برامج
لكن الكلام السر دا
مالناش فيه :d
نورتى التوبيك

[مُنـــــايا]

اقتباس المشاركة الأصلية كتبت بواسطة morshooo يعنى انا لو فكرت اكتب هكتب عن الملوخيه عشان تعرفى بس انى نجم فى الكلاا الكلام يعنى نورتى التوبيك

آل نجم آل ...
أيون طبعا مش تكتب إلا عن الملوخيه
عشان عقلك في بطنك

[morshooo]

اقتباس المشاركة الأصلية كتبت بواسطة مُنـــــايا آل نجم آل ... أيون طبعا مش تكتب إلا عن الملوخيه عشان عقلك في بطنك

اهو احسن من مافيش :d
وبعدن انتو الى يشوف كلماتكم
لازم يجرى على الملوخيه

[العاشق الذى لم يتب]

انت منور الدنيايارشرش
عندك صبروطولت بال
وتخش وتخنفس
روح ربنايوقفلك اولاد الحلال

[ندى المهندس]

جميل الحوار ودمه خفيف

منايا والله انتى عسل

فعلا قلمك ارقى من انه يكتب عن الملوخيه

ربنا يزيدك تألق

يسلمووووووو تنويهك للمدونه كلك زوق

[انا جيجي]

بمناسبة الملوخية انا عملت ملوخية امبااااااااااااااااااااارح فضلت خيركم اييييييييييييييه وااااااااااااو روعة

تسلم يا معلم مورشو