الاخوان مش ارهابيه

[phalsteen]

اقتباس المشاركة الأصلية كتبت بواسطة السفيره عزيزه نعم هم من نسيج هذا الوطن ولهم كل الحقوق ولا يمكن الموافقه على تصنيفهم ارهابيين. حتى ولو كانوا قد انتهجوا العنف قديما نحن نحكم عليهم الان.لما كل جريمة تلصق بهم والاعلام يضخم ويشيطن ويثبت التهمة عليهم قبل التحقيقات ...نرفض إقصاء أي فصيل مصرى او إضطهاده او إهانته .حتى ولو كان على غير الملة .لهو حق العيش بيننا فى آمان تبا ثم تبا لكل قاتل لكل موافق على القتل ولكل مساهم ولكل من يدعوا الى الانقسام وينفخ فى نار الفتنة النتنة .حسبنا الله ونعم الوكيل.. الله اسال ان يوحد الصف ويعلى الحق ويحفظ الحبيبة مصر وسائر بلاد الاسلام احسنتى وجل احترامي السفيرة

بالظبط كدة حببتي
اومال احنا بنتكلم عن التحضر والديمقراطية ع اي اساس
لما نحارب الكل
كل واحد مسؤل عن تصرفه
التعميم في حد ذاته مبدأ مرفوض
تسلمي

[phalsteen]

اقتباس المشاركة الأصلية كتبت بواسطة world الاخوان ارهاب انا ليا صديقه من عائله اخوانيه لكن هيا مش بتميل ليهم اتبري منها اهلها و عمها وولاد عمها منعو دخولها البيت عندهم دول بقي كانو ليل نهار معاها اخوات بياكلو ويشربو مع بعض لكن ساعت الوصلو للسلطه محدش يقدر يبعدهم ويريت تششوفي كلام الشيخ الشعراوي عنهم لما ترك جماعه الاخوان كان زيك كده مبهور بيهم ولما عرفهم خرج بسرعه من الجماعه انت زيك كتير من الشعب كان حاببهم عشان كلمتين حلوين هما نفسهم ال كانو بيقولو السيسي مرشح بطعم الثورة وبعدها بقي كافر وفلول لانه حرمهم من السلطه هما ال قعدو يقول عرس دمقراطي ولما الشعب نزل ضدهم قالو شعب متخلف كافر تعالي افكركم لما عضو كبير ف الاخوان اتسال الله ولا علم الاخوان قال مش عاوز اجاوب دا اغلي من ربنا عندهم واكيد احنا اقل اهميه عندهم لو احطينا بجانب السلطه لازم تفرقي بين هدف الجماعه وبين علاقه اطفال مع بعض قبل الوصول

بصي احنا اكبر من حكاية كلمتين
والا كان الشعب راح ورا السيسي برومانسيته
نور عنينا وبتاع
احنا بنتكلم انه استحاله اننا نعمم الكل وناخده بذنب واحد
اطفال ايه بس حببتي
مينفعش ننبني علاقاتنا بالناس
ع شوية كلام
المواقف اللي بتحدد
وانا عامه مقبلتش منها اي تغيير

[phalsteen]

اقتباس المشاركة الأصلية كتبت بواسطة aya 7ekaya انا كمان مؤيده لكلامك ي سما\عمرهم ما كانو ارهاب انا شوفت بنات كتير كانو معايا اخوان عمرى ماشوفت منهم غير الادب والاحترام بغض النظر عن الجانب الدينى عندهم ماشاء الله ال بيقول عليهم ارهاب بيردد كلام بس سمعه مش اكتر ربنا يهدى العقول ال جهل هيفضل طول عمره جهل

الاهم اننا نحكم بالعقل
مش بالانتماء
باننا تبع دا ولا دا
نعرف اننا في الاخر مسلمين ومصريين
يعني الغلط غلط والصح صح

[phalsteen]

اقتباس المشاركة الأصلية كتبت بواسطة morshooo تفكير الجماعه اكيد ( ارهابى ) الى يكفر والى يحلل دم حد يبقى اكيد ارهابى . والمقصود بيهم الجماعه وقيادتها وليس مؤيدين الجماعه

انا معاك في الجزيئيه دي
اللي يفكر ويحلل دم مهما كان
مالوش اسم غير ارهابي
بس اللي ميعملش كدة نقول عليه ارهابي برضو ؟
وطبعا لازم نفرق بين الجماعه والمؤيدين

[العاشق الذى لم يتب]

الختلط الحابل بالنابل
واصبحنانكيل التهم بلادليل
وكل ذو غرضٍ دنيئ يتصيد فى الماء العكر
ذاك يسب وهذا يشتم
وآخريأتى بقصص واهية
والثانى يقسم كذبا
اللهلم أردناإلى الصواب
شكرا لك
سما
لطرح عظيم
تحياتى

[ندى المهندس]

سلمت أناملك الذهبيه

التى تمتععنا دائما بكل ماهو جديد ورائع

ننتظر دائما طرحك الراقى والمفيد

دُمت بكل السعاده ووافر الصحه

ندى المهندس

[world]

اي منطق ال يقول كلامك
انت بتقولي ان ال يحلل الدم يبقي ارهابي وجماعت الاخوان ارهابيه تمام لحد كده

المنطق بقي بيقول ال يايد واحد بيحل الدمم وبيطالب بحرق مصر يبقي ارهابي جبان زيه

ازاي عوزانا نفرق بين واحد قتل وواحد يوافق ع القتل !

ع فكرة انت بتتكلمي بعواطفك تجاه صديقه بتحبيها فكرتك منطقيه التفكير اكتر من كده !
لذلك انا بعزرك

اوع فكرة انا زكرت عدة مواقف من يايدهم فيهم بالطبع ارهابي واهمهم اماعن رفضهم اجابه سؤل (الله ولا شعار الاخوان؟ )
دا كفيل انهم ارهابيين وايضاا لا يعرفو دين

[غريـب ألأطـوآر]

توبيك جميل ومميز بحييكى عليــه

انا باييدك ف الكلام ده ولكن ..

ليــا وجهة نظــر

مع احترأمى للجميــع طبعا لان ده شعــارى

الحكــاية تقريبــا خلصت لان حتى مع وسايل التجميل اللى من البعض

بس همــا من مكنونهم ان دول كلهم ارهــاب وجبنــاء وى وى الى اخره

ومنطقهم تقريبــا بعين واحدة

مثال بسيط الاخت الفاضلة اللى بتقولك من يوويدهم ارهابى ماهو باييدهم

طب ايه رايك بقا انى ارهــابى ف وسطيكم وممكن افجرلكم المنتدى

انا لا اخوانى ولا سلفى نهــائى انا مواطن عــادى جدا

وهيــا بردو اتكلمت بعين واحدة اللى بيحلل الدم الى اخره

وماخدتش بالها نهائى ان كل الفضائيات بتحلل الدم

ودعوات الرصاص الحى لكل اللى ينزل كانهت جاهزة على مدار الساعة

بس العين الواحدة لا تر ى الا جهة واحدة

هنا تحليل دم وهنا لا وطنية للى نازل يخرب

طب ما احنا نزلنا نخرب يوم 25 بردو ولا كنا نازلين نقول اسفين يا ريس

مع العلم ان مفيش حد حلل الدم لان تحليل الدم كله بيجى من الجماعات السلفية

ولما بيجو يحللو بيحللو بكتاب ربنا وسنتة رسوله

لكن واحد زى وائل الابراشى بيحلله من دماغه بمنطق الوطنية

وغيره وغيره طبعــا

الناس تقريبا نسيت انهــا حرب سياسية

هو انتى فاكرة ان كبار الدولة والحكومة مش عارفين حاجه زى كده

بس من خلال الاعلام طوعو الناس لحسابهم عشان الحرب السياسية تبقى ع ارض الواقع منهم من مكاتبهم ومن الناس من عقولهم

تفتكرى حد فينــا هيكسب حاجه لو دول ماتو ولا دول ماتو الاذى كله علينا بس

والمكسب كله عليهم بس

احنا شبابنا تموت من هنا ومن هنا

وهما شبابهم بيتعلمو ف الجامعة الامريكية وف الدول الاوربية

احنا شبابنا متلاقيش علاج نضيف وهما بيتعالجو ف امريكا

الفلوس اللى هيا مش داخلة لينا لا داخلة ليهم وبس

البلد واقعة اقتصاديا ده علينا احنا بس مش عليهم

فهو احنا لو نبص بنظرة شاملة

هتلاقى الناس نفسهــا بتحلل الدم

مش بيقولو على ناس مش ارهابيين انهم ارهابيين

وحكم الارهابى الموت فده تحليل دم

يعنى الفكرة عامة انا بتاخد بمنظور ارهابى فده تحليل لدمى

مع العلم انى عمرى ما مسكت سلاح اساسا لا نارى ولا مطوة او سنجة

السلاح مسكته ف الجيش بس بعد الجيش ايدى مهوبتش ناحيته

ومع ذلك من منظور ناس كتيرة ارهابى بما انى مؤيد او متعاطف

لكن انا لو كنت بتعاطف فبتعاطف لانى شايف ظلم واقع وظلم بين

اللى ميشوفهوش اعمى عمى تام ليييه لان دول تلات سنين بيتحاكمو وبراءات ف الاخر

ودول ف جلسة والتانية اعدامات وموبدات

فيه ظلم اكتر من كده فيه شموخ اكتر من كده

ونرجع نقول ممنوع اهانة القضاء ازاى يا بشر ازاى يا متعلمين يا عقول بتفكر

ازاى وانا شايف الكوسة والبظرميط على اشده بظرميط فاجر بجح

وتناسو ان دول مصريين مولدين ع الارض ديه ليهم حقوق

بس بالعين الواحدة ملهوش اى حاجه مجرد ارهابيين لازم يضربو بالنار الحى

وده مش تحليل دم ديه وطنية ف زمن الوطنية

اما بداية كلامى ان الكلام خلص وده معناه

ان العقول اتزرع فيهــا اللى اتزرع خلاص خلصت القصة

عارفين ايه القادم بقــأ ...

طبعــا محدش حاول يفكر والكل باصص تحت رجله

لا غلط القادم جميل وسعيد

العقول اتملت واتزرع فيهــا كل حقد وغل ودم

والقلوب تلوثت

اجيــال كاملة دلوقتى ملوثة فكريا وقلبيا

ده هنشوف تاثيره ع المدى الجاى

لاننا بقينا زى القنبلة الموقؤتة ممكن تنفجر ف اى لحظة

وبما ان قضاء الله رحيم بنــا فانا حتى مش عايز افكر ان ممكن تبقى حرب اهلية

بس انا هفكر فى احسن الاحتمالات

اضطرابات لمدى لا تقل عن ست سنين جايا

ماهو الموضوع مش بسيط هكذا علمتنى الحيــاة

الدنيــا دايمــا دوارة والغربال ليه شدة

النهاردة حكومتنا نزلت الجيش كله ف البلد عشان السياسة

ولو تتمشو ف الشارع بما ان البلد متسيطر عليهــا

هتلاقو كل شى جميل وسعيد

زبالة ف كل مكان عشوائية ف كل ركن

همجية ونصب وسرقة وبلا ازرق ف كل حتة

وحصل انقلاب فيه عيون ناس وثورة تانية ف عيون ناس

خلاص كده خلصت لا بيتهيالى مش اقل من انقلابيين تلاتة كمان ف الطريق

خيالى مش واسع ع فكرة لا افق البعض صغير وضعيف

لان الحياة الواسعة ديه متختلفش عن حياة صغيرة

بيت واسرة ويحصل فيه طلاق بين ام واب وتوصل للمحاكم والخناقات بين اهل ده واهل ديه

بعد سنة هتتكرر بعد اربع سنين هتتمزق الاسرة بعد سبع سنين ضياع للاسرة

وكل وفرد فيها هيطلع باخلاق شكل واسلوب شكل

منهم اللى هيبقى بلطجى ومنهم المهندس

حسبة بسيطة لو حسبناها او حتى حصلت قدامنا مش هنلاقيها بتختلف كتير

نطبقهــا على ارض الواقع هيا هيا هتحصل مع اختلافات بسيطة

واخيرا توبيك جميل بحييكى عليــه

[world]

من يئيد القتل بدون حق قاتل
ويؤيد الفساد فاسد
وله نفس الحكم
قال رسولنا صلي الله عليه وسلم اذا عملت الخطيئه ف الارض فمن شاهدها فكرهها كان كمن غاب عنها ..
ومن غاب عنها فرضيها كان كمن (شاهدها) رواة الالباني
وانتهي الامر وطبعا انا احترم رئيك اخت نفرتي وروح حبك لصديقتك

[انا جيجي]

الاخوان مش ارهاب امممممممممممممممم

طيب هو تسائل بس الناس الى تطلع تدمر اقسام الشرطة وتسحل البشر فى الشارع عادى كده

بلاش دول الى بيخلو الاطفال الصعيرين يشتمو فى الجيش برده عادى

بلااااااش كل دول

الى عاوزين يخربو البلد ويخلوها دم دول ايه ؟؟؟؟؟؟؟؟؟؟؟؟؟ظ

لا تعليق