قــــــوانين كــــــافيه الفضـــــــفضة

[phalsteen]

مســــــــاء الخير

قبل اي كلام دي رساله شكر لصاحبه الفكرة الاصليه
شمس المنتدي

فكرة كافيه المنتدي كانت توبيك حبينا نوسعه
ونحافظ من خلال القوانين والمتابعه منع اي محاوله للاخلال بنظام الفكرة

كــــــــــــــافيه الفضفضه :

بعيد عن الرسميات والضغوط والكلام الكتير
انا عاوز افضفض بس انا مش بعرف اكتب ولا اعبر
طب احنا لاقينه ليك كل الحلول

لو بتعرف تكتب وتعبر عن اللي جواك عندك قسم الفضفضه الاصلي
ولو عاوز تكتب بشكل سري عندك خاصية الغير مسجل

طب ولو مش عارف اكتب بسيطه ادخل كافيه الفضفضه
واعمل توبيك جديد واطلب من كل اصحابك هنا يسمعوا مشكلتك
ومباشرة هنفضل معاك وكل واحد برأي وبفكرة لحد ما نوصل للحل

طب مهو حلو الكافيه اهوت

لا وفي كمان لسه كتير

انا معنديش مشكله بس عاوز افضفض والاقي حد يرد عليا
مخنوق من موقف معين
من امتحاناتي من مذاكرتي
عندي خلاف مع حد من صحابي
ولادي تعبني
عاوز نصيحه
لسه عضو جديد هنا وحاسس اني تايه ومش عارف حد يفهمني


كل دا هتلاقيه هنا في الكــــــــــــافيه

ويمكن دا الاختلاف عن الفضفضه انك هنا هتتكلم مع الكل
ويمكن الفضفضه الجماعيه احلي نوع للفضفضه
ولو حتي موصلناش لحل اكيد هتقدر تعدي نص مشكلتك
بانك قدرت تحكي ولاقيت حد يكلمك ويناقشك
ويمكن دا الطريق للحل ان شاء الله

وبعيد عن روح النكد والمشاكل متنساش اننا في كافيه
يعني هنضحك ونشارك بعض حتي في المواقف المرحه
وهنلاقي اللي ندبسه ويعزمنا بئه


الامتحانات خلصت وربنا كرمك ونجحت تعالي قولنا تجربتك مع المذاكرة
واعملنا حفله في الكافيه وهنشاركك كلنا
بس متنساش تقولنا عملت ايه عشان توصل لشغلك ولمركزك
ولا لشهادتك دي وكمان خد خبره من كل اللي اكبر منك
او ادي من خبرتك للاصغر منك


كمــــــــــان هتلاقي هنا اسبوعيا مسابقات تفاعليه


وهنحدد ليكم دواعي الاستضافات
وايه اللي ممكن تعمله هنــــــــــــــــــــــــا


طب ايه هيا الشروط اللي التزم بيها ؟


كل عضو ليه الحق في انشاء حوار في كافيه المنتدي
ولكن لازم يكون في غرض او موضوع معين تدار من خلاله السهرة

ليك موضوع في اليوم وبعد الانتهاء اطلب من الاشراف غلق التوبيك
ولو مطلبتش الاشراف هيغلق التوبيك بعد مرور 24 ساعه

الحوارات السياسيه والمجادله حول الاراء والقضايا العامه ممنوع

ممنوع الاساءة لاعضاء المنتدي او للاقسام والموضوعات

كل ما هيتم عرضه او السماح به هنا هو فقط ما يخص
الحياه الشخصية للاعضاء

الاستـــــــــــضافات :

الاستضافات في قسم الفضفضه هيا اللي اسئلتها
تدور حول محور واحد فقط
وهو الخصوصيه
بمعني : كل ما يمس حياه العضو واسراره



المســـــــــــابقات التفاعليه :

هيتم الابتداء في تنفيذها ان شاء المولي قريبا
من خلال الاشراف
ولو في اي عضو عنده فكرة مناسبة ممكن يعرضها علي اشراف القسم
ومن ثما هيتم ابداء الرأي والاتفاق علي الهدايا
وله كامل الحريه في ادارتها بما لا يخالف القوانين




اتمني ينول القسم اعجابكم
والقوانين قابله للتعديل
بما يجده الاشراف مناسبا