الناقد والفيلسوف

[الفيلسـوف]

اقتباس المشاركة الأصلية كتبت بواسطة ابو نصير حبيب قلبى .... يعنى عاوز تلبنى كوباية شاى على السبرتيه هو معندكش غاز ولا أيه ياحوده بطل البخل ده قلى أنك طمعان فى أنبوبه أدينى العنوان وابعتهالك دليفرى بس الجلده والخرظوم عليك علشان الواحد على الصبح مينفسش.. الف مبروك ياحوده والله العظيم من كل قلبى وربنا يوفقك فى شركة الأدويه وتكون أسعد إنسان يارب ومتنساش أخوك فى برشامه أسبركس ولا وحده ترمادول علشان نفسى أدهول وانحرف ههههههههههههههههه اخوك ابو نصير

ههههههه اولا السبرتيه والشاى كمان اللى بيبقى ع كعاب الذره بيبقى احلى شاى وناس كتير شربته عليه مش حتصدق انى منهم د ابراهيم الفقى رحمه الله لانى اتعلمت ع ايده د طارق سويدان وصلاح الراشد لما كنت ف ****************** لمده ست شهور يعنى مش بخل انته مشكله بجد لازم تتضبط ياابو نصير تضبيط كامل

[احساسى صحيح]

اول مره اشوف التوبيك فمعذره ساد
الفكره رائعه بحق
وكمان جديده والاجمل اننا سنستفاد بعملك فى تلك الجزئيه
بالتوفيق ان شاء الله
ومنتظرين الضيف والحلقه
موفق ان شاء الله ..

[همسه دموع]

جميله الفكره جدا بالتوفيق
تحياتى

[الفيلسـوف]

هناك الكثير من الاعداء بداخل كل انسان منا هم الذين يستولون ع سعادتنا ويطلق عليهم لصوص الفرحة فهم يسرقون انفسنا منا انه ليس من الحكمه ان ندعهم يسرقون اللحظات الجميلة فحياتنا ف حقيقة الامر انهم ليسوا لصوصا للسعادة بل هم لصوصا للامل والنجاح سارقى الفرحه والامل هم المشاعر السلبيه الحبيسه بداخلنا هم الخوف والحزن والغضب والمرارة والكسل والسلبية والغيرة والقسوة والعناد والحقد والحسد واللقاء واللوم واللا مبالاه هذه المشاعر الهادمة تسرق فرحتنا واملنا ف اى نجاح او تقدم او ازدهار انهم يبنون جدار حولنا ليحول بيننا وبين السعادة والاستمتاع بالحياة اذا استطعنا ان نكسر ونحطم الجدران التى تخنقنا وتظلم اعماقنا والتى تخيلنا ف وقت ما انها غير قابلة لتتحطيم فيها بنا نبدا بعمل فتحة صغيرة ف الحائط الذة يسجن هذة المشاعر ولندع الضوء يدخل ويغمر قلوبنا وحياتنا فلا يجب علينا ان ننتظر ونضيع وقتا اكثر على معرفة كيفيه تكون هذا الظلام الداخلى لايهم من اغلق الابواب علينا بداخلنا سواء كانوا ابائنا او معلمينا او مجتمعنا اوعادا تنا او اهوائنا او حتى انفسنا ومن العجيب حقا اننا قد نكتشف اننا سجنا انفسنا باختيارنا او قد نكون ساعدنا ا لاخرين ليس فقط ان يسجنونا بل اعطاينهم بايدينا مفاتيح سجننا لاتضيع وقتا طويلا للبحث عن سبب المشكله ولكن هيا ابحث عن طيفية حل المشكلة لقد حان الوقت لنتوقف ونقول كفى ونطالب باطلاق سراحنا نريد ان نحرر انفسنا ونسمتع بالحياه وايمانا منا ان هذا البرنامج هدفه افيد واستفيد قررت الاتى استضافه مشرفه تميزت بحسن اخلاقها رونق اسلوبها روحها المتعاونه ولكن تخفى بين شخصيته المستقله الكثير والكثير تحمل كثير من التجارب سوف نعيش معاها سيكولجيا وروحيا ومهنيا اجتماعيا فسيولجيا انتظرونا ف اول اختبار نفسى لها ف الابحار ف مكنون شخصيتها معانا ومعاكم ف اول حلقات الناقد والفيلسوف D sama وايمانا منى انها سوف تعيش تجربه لم تشعر بها باسلوب نقد متميز قائم ع نظريات نفسيه انتظرونا الاسئله والاجابات الرد التالي

[الفيلسـوف]

الاسم السن وياريت بالمره رقم البطاقه الشخصيه وبالمره رقم صدورها الاسم : أسماء مصطفى محمد بس بيقولولي سما السن : 23 سنه رقم البطاقه مش حفظاه هههههههه ايه احساسك لما عرفتى انك اول ضيف معايا عادي يعني قولت وماله بدور على حد يحلل شخصيتي وقولت فرصه اهو نشوف هل تتوقعى انك حتستفيدى من البرنامج ده ولا حاسه انى بعمل دعايا وخلاص عايز اتشهر يعنى ده هيتوقف على الي هيحصل في الحلقات لكن اظن هستفيد لكن بنسبه كام ده الي لسه هيوضح ماذا تعنى الناقد ف قاموس د سما وماذا يعنى الفيلسوف الناقد نوعين اما حاقد او حبيب الحاقد نقد هادم والحبيب نقد بناء مين الفيلسوف ده انت قولت متفكريش ف مش هفكرش مش في ف قاموسي فيلسوف خطوات تحديد الهدف بالنسبه لاى شخص تقوم ع ثلاث عناصر هى الرويه الغايه الهدف ماهى رويتك المستقبليه ل سما اظن المستقبل افضل بس في صعوبات كتير يعني شيفاها هتتعب الفتره الجايه في بدايه مشوار العمل ولسه كمان اكتمال الدراسه ده غير مشوار العمل بالنسبه لزوجي كمان لسه ف اول الطريق لكن شايفه ان المستقبل ماشي لقدام بس محتاج مجهود .. ماهى الغايه الربانيه التى تربطك بمحبه الله عز وجل هو احنا محتاجين حاجه تربطنا بمحبه الله عز وجل ؟؟ يكفي رضاه يعني لان لو حصلنا على الرضا يبقى كل حاجه معانا ماهو الهدف المنشود ف العقل الواعى والباطن ل د سما العقل الواعي والباطن ليهم هدف واحد السعاده .. طبعا متفقين ان السعاده ف القرب من ربنا لكن كلنا بشر واوقات ايمانا بيضعف من الضغوط والمشاكل اتعودت اعيش سعيده وحصل ف الفتره الاخيره حجات كتير في حياتي غيرت ده بحاول ارجع للسعاده الي كنت عيشاها قبل اخر 4 سنين صحيح مش وحشين تماما واكيد فيهم حجات حلوه لكن الوحش فيهم كان اكتر بحاول امسحهم بهدوء واقلب الصفحه وابدأ من اول السطر بس الموضوع مش سهل اذكرى ماهى سما ف سطور بايجاز وكيف انتقلت من عضوه لمشرفه لمشرف مميز مش فاكره بصراحه بالظبط لكن كانت فتره حلوه المنتدى وقتها كان بالنسبه ليا حاجه كبيره اوي واكبر من مجرد شاشه كنا مجموعه مع بعض هنا تقريبا معظمنا معتش موجود كنت انا ونور وفارما وامجد ومرشدي وكذا حد يعني خدت التميز والاشراف بسرعه كنت مهتمه جدا بالقسم وبتطوراته كان وقت جميل والله فكرتني لماذا قلم مصر بالتحديد والاشراف عليه مكنتش بدخل غيره تقريبا من يومي وانا مش بدخل غير الاقلام والصفحات ونادر جدا لو دخلت قسم تاني وده بيكون بناء على طلب حد او رابط او كده لما حد بيبعتلي رابط ف الزوار لازم ادخل ارد عليه لكن قلم الاعضاء بجد بحبه مش عارفه ليه يعني انا مش بدخل زي الاول ومقصره جدا ف القسم لكن متمناش ف يوم الاقي نفسي مشرف سابق ارتباط دخولي المنتدى هو وجود اسمي على القسم ده انتى متهمه بالتقصير ف حق قسم قلم بنات مصر دافعى عن نفسك يادكتور لا مش هدافع انا مقصره جدا مع القسم تقريبا مش بدخل ولو دخلت مش بعمل حاجه بتابع كده وراقب الاجواء وخلاص كنت فاكره ف الاول انها فتره وهتعدي لكن طولت جدا حتى الكتابه بقت نادره مبقتش بكتب للأسف يمكن كل سنه مره مع اني كنت بكتب يوميا الاول .. ماذا عن تنظيم الوقت بالنسبه لكى وماهى اهميته ف حياتك وقتي مش منظم بشكل جامد يعني كل يوم وليه ظروفه بحكم كليتي والبيت يعني بنظم لكل يوم لوحده مش نظام عام ده طبعا بعيدا عن بعض الثوابت يعني .. ف مقوله بتقول ان كل مشكله تمثل احيانا حلا لمشكله اخرى ايه رايك وماذا تمثل هذه المقوله لكى هو لكل مشكله حكمه ربما نعلمها او لا ممكن تكون حل لمشكله او رساله معينه من ربنا او كده .. ما الشئ الذى تعتبريه هدفا ف حياتك او بمعنى اوضح لماذا خلقك الله ع هذه الارض من وجهه نظرك الهدف من وجودنا ف الحياه معروف ومش محتاج وجهة نظري خالص هدفي في الدنيا حاجه تانيه لو بتسأل عليه بيتي يكون سعيد واساعد زوجي يحقق احلامه و اني اكون متميزه ف شغلي وده الي مخليني من دلوقتي بنزل عيادات وبشتغل مع اني لسه مخلصتش بس حابه اتخرج وانا عندي خبره كبيره اذكرى المدلول اللفظى لمفهوم القيم ووضحها ومتنقضها داخل عقلك مش فاهمه السؤال مالذى تفعليه ف وقتك ومالك وموهبتك وطاقتك وفرصتك ف هذا الوقت من حياتك اسئلتك عامه بشكل كبير يعني مالي ووقتي وموهبتي وفرصتي بحاول اسخرهم لسعادتي وسعاده البيت الي عايشه فيه يعني اعمل فيهم ايه يعني ماهو الشى المهم بالنسبه لكى ف الحياه والاشياء التى تهمك اكثر من غيرها اهم حاجه في حياتي عيلتي والصداقه ودي بقت نادره بس الحمد لله ربنا رزقني بيها .. اسماء وريم من فتره كنت بهتم بكل الناس بنفس القدر لكن ده طبعا كان غلط غيرت ده وبقى الموضوع اولويات .. باقى الاسئله في الرد التالي

[الفيلسـوف]

الجزء التانى من الاسئله ف المرحله الاولى بدا قائمه تحمل كلمات ارجو ذكر مدلول لفظى لها من وجهتك مدلول يعنى تعريف كامل هههه مافيش اختصار الله : الرحمه في هذه الارض _ الاسرة : المسئوليه الي ممكن تكون اجمل شيء لو فيها ود وحب وممكن تكون اسوأ شيء لو غير مرغوب فيها _ الاصدقاء : الضحكه الصافيه مع الوفاء ،، الفضفضه ،، الفرحه ،، حجات كتير حلوه طالما في وفاء واخلاص .. _ الشرف _الامانة : دول واحد الضمير ،، الطريق لحياه مستقيمه ومستقبل كويس ،، _المال : مجرد وسيله للحياه ،، لو اصبح غايه يبقى مش هيكون للحياه طعم _النجاح : هدف سواء دنيا ولا اخره _ الشهره : تعب ،، مبحبهاش ومش بتمناها ،، مش بحب الاضواء الهدوء جميل _ الحب : السكن والموده والرحمه ،، هو ده الحب الي كتير مش قادرين يفهموه تفتكرى ندمتى انى خضتى التجربه ف الناقد والفيلسوف وانتى مش عارفه النهايه حتوصلك فين لا خالص بس في اسئله مستغرباها لانها موجهه بشكل عام ومش فاهمه الرد عليها يكون على اساس ايه بس سوال تانى لو زعلتى عادى ازعلى انتى خلاص ادبستى ف البرنامج ارجو الرد ههه المذكرات البصريه بيقولك المثل المصرى الشهير البعيد عن العين بعيد عنالقلب لذلك فان الملاحظات التذكيريه والمذكرات البصريه تعد من الطرقالفعاله لمساعدتط ع الاحتفاظ بقيمك ف ذهنك الكلام ده معناه ان ف جهاز فالمخ يسمى جهاز التفعيل الشبكى وهو اشبه بالرادار يكتشف كل الوثائق المحيطهويربطها بذاكرتك يعنى مثلا لو بتفكرى انك تنوى شراء سياره جديده فنجدهاانتشرت ف الشوارع بمعنى ان الجهاز الشبكى بيعمل ع مسح البيئه المحيطه ليبحثعن كل ما لديه بعلاقه بالموضوع معلومه علميه سوالى ف الفقره ديه تفتكرى انى ده صحيح وخصوصا انى دكتوره جاوبى بدون تفكير ويدون ضحك اه ممكن اوي بجد صح جدا كمان لالا من غير ضحك ده صح مش عارفه السبب العلمي بصراحه لكن الي بتقوله ده بيحصل اوي لو طلبت منك تقومى باارسال رساله الى سما حتبعتى ايه هطلب منها تبطل تفكر في الي بيزعلها واقولها انتي كنتي في وجود بباكي منعزله عن الناس كلها وعايشه حياه مثاليه جدا ولما نزلتي للمجتمع اتصدمتي ف حجات كتير ده طبيعي لان دي الدنيا الحقيقيه الي كان باباكي مخبيها عنك لكن الله يرحمه ،، لازم تتعاملي وتتجنبي تعاملك تحت تأثير الصدمه لان تعاملك تحت التأثير ده هيخلي الوجع يغيرك كفايه التغيير الي حصل وحاولي تبدأي من جديد عايزين من حضرتك قائمه بالقيم الموجوده بحياتك مع تحديد الغرض من الحياه لتصلى الى القيمه الكبرى بداخلك الاحترام اساس التعامل قرب القلب من ربنا اساس الراحه الايمان من جوا الانسان بيخليه راقي جدا حجات كتير القيم دي مش كلمات بتتكتب دي تصرفات ومواقف القيمه شيء معنوي مش مادي .. سوال ترفيهى كعادتى احب اضحك كتير طبعا انتى فاكره اننا حناخدك لرحله تركياتشوفى نور ومهند وكمان تاج محل يااااه شوفتى لما مضتى عينك حسيتى اازىبالجمال فتحى عنيك بقى اصحى بقى وراكى جامعه وبيت ومسئوليه وشغل بلا مهندبلا نور انتى ف مصر ياحجه يعنى مش حتقدر تغمض عينكى ايه تعليقك ع رحلتىالمتواضعه مش بحب المسلسلات التركي هههههههههه ياريت المره الجايه توديني رحله فيها بحر وياريت اكتر مش يكون في ناس انا عايزه اختار الناس الي هتكون معايا بنفسي نرجع الى المرحله الاخيره من الاسئله من الجزء الاول ف الناقد الفيلسوف اهحنرجع الى الاسئله امال حضرتك فاكرنى مستضيفك علشان ترتاحى لا انتى محبوسههنا عفوا انا القانون هناك اهداف كثيره ف حياتنا اهداف داخليه اهداف خارجيه بعيده المدى قريب المدى اهداف دينيه اهداف دينويه انا قلت اهدافي والله كتير ومش هقولها تاني هههههههههههه فكرى كويس قبل ماتجوبى لانى كل مرحله حيبقى عليه نقد ف الاخر كيف تخططى لحياتك مستقبلا من الجانب الروحى العقلى الاسرى المهنى الوظيفى كيف اخطط !! مش بكتب انا ف ورقه بصراحه هو تخطيط داخلي اهداف محدده لكن الطرق كتير مش عارفه هتفهم ولا لا لكن بيكون قدامك طريق وفجأه تلاقيه بيتحول ف اهم حاجه انك تحدد الهدف وتفكر خطوه بخطوه بلاش تفكر ل 20 خطوه قدام هتتكعبل وتقع ف الاخر قولت فوق اهدافي وهي امنياتي وهي احلامي وهي مش كتير على فكره بس عايزه سعاده ورضى من ربنا السعاده بسيطه البيت يفضل كويس والكليه تخلص على خير وشغلي اكون متميزه فيه يعني شويه مجهود وان شاء الله ربنا يراضينا ويسعدنا بالخير .. شكرا ليك طبعا بس كده كتير اوي وانتظرونى ف مرحله النقد الاولى لاجابات D SMA ابقوا معانا ملحوظه البرنامج خمس مراحل كل مرحله وليه نقدى الشخصى يعنى الضيف حينورنا 20 يوم

[phalsteen]

حلوة فكرة البرنامج
وعجبتني طريقه عرض الاسئله
اول مرة اتابع حوار لسما
بس واضح انها عقيله مميزة
وشخصيه جميله
الله يوفقها
تسلمو

[هادية]

برنامج جميل جدا

وشخصية محترمة لطيفة ناضجة

واجاباتها مميزة

ربنا يسعدها ويوفقها في حياتها

وتحقق كل احلامها يااااااااارب

[أميرة محمود]

موضوع جميل
يسلم فكرك

والحوار مع د سما عسول
واخر سؤال جامد اوى
واجابتها عجبتنى جدا:

اهم حاجه في حياتي عيلتي
والصداقه ودي بقت نادره بس الحمد لله ربنا رزقني بيها

[ساحر الأحزان]

استضافة جميل

منك

مع سما

شخصية ظريفة

ومحبوبة

باسئلة مميزة

واجوبة جميلة من سما

بحييك على البرنامج

وبانتظار الضيف القادم