استطلاع للرأى .. هل انت مع عودة الدورى من جديد ام ضد عودتة ؟

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ الكوره مصدر سعاده للشعب المصرى وبالتالى مع اعادة الدورى ،، بخصوص الضحايا فا دا قدر وربنا موجود عاجل اجل ان شاء الله حقهم هيظهر وكل مخطئ هينال جزاءه

الكوره للجمهور فعلا وسعاده ناس كتير
تسلم يا ماجيك نورتنى والله

[morshooo]

اقتباس المشاركة الأصلية كتبت بواسطة مـح ـ الصاروخ ـمود انا بتفق معاك تماما فى كل كلمه بتقولها يا احمد ولكن مفيش حق هيجي وبكره هفكرك لان اصلا المسئولين مش معترفين ان اللى ماتوا دول ليهم حق نورتنى ياريس

المسئؤلين الوحيدين هم مجلس ادارة الزمالك
هم الى شايفين ان الناس دى مالهاش حق
تفتكر لو مفيش اى مشكله بين مرتضى والوايت
كان هيبقى دا موقفه اكيد لا
وكان كل يوم عمل مؤتمر صحفى وانا هعمل ووزير الداخليه
لازم يمشى انا رئيس اكبر نادى فى مصر والوطن العربى ..... الخ
وهيعمل الشويه بتوعه لكن عشان فى خلاف
فمش هيقدر يقول الناس دى ليها حق .

[محمود الصاروخ]

اقتباس المشاركة الأصلية كتبت بواسطة morshooo المسئؤلين الوحيدين هم مجلس ادارة الزمالك هم الى شايفين ان الناس دى مالهاش حق تفتكر لو مفيش اى مشكله بين مرتضى والوايت كان هيبقى دا موقفه اكيد لا وكان كل يوم عمل مؤتمر صحفى وانا هعمل ووزير الداخليه لازم يمشى انا رئيس اكبر نادى فى مصر والوطن العربى ..... الخ وهيعمل الشويه بتوعه لكن عشان فى خلاف فمش هيقدر يقول الناس دى ليها حق .

انا هكلمك بشكل عام يا احمد وهتعرف ان حق الناس دى ضايع ضايع

أولا ادارة الزمالك
وبالاخص مرتضى منصور مش شايفين ان الناس دى ليها حق والكلام ده يبان من طريقة كلامهم واسلوبهم بيقول ان المفروض يتم عقاب اى حد يتعاطف مع الوايت نايتس مع ان المفروض مجلس ادارة الزمالك المسئول الاول عن الحادث

ثانيا وزارة الداخلية
طبعا بغض النظر عن ان هيا اللى مسئوله مسئوليه مباشره عن تأمين الماتشات والجمهور اللى هيحضر عموما ايا كان عدده ومسئوليتها عن تامين المواطنين عموما فى الجمهوريه كلها

عندك باين وزارة الداخليه انهم نفوا اى تهمه وقالوا ان السبب هو التدافع
وبكده الموضوع منتهى بالنسبه ليهم

ثالثا اتحاد الكورة المصرى
المسئول الاول والمباشر عن تنظيم مباريات الدورى العام
والمسئول برضه عن قرار عودة الجماهير للمدرجات

اتحاد الكورة ده يا احمد مش قادر حتى يلعب دور المحايد فى الموضوع
واكيد انت شوفت ان مفيش اى عضو منهم حاول انه يتهم الداخليه بالتقصير لان هو عارف ان روحه ف ايد الداخليه وان اى عضو منهم هيغلط او هيوجه اتهام للداخليه
ده هيكون معناه ان الدورى اتلغى الموسم ده ويمكن لسنين قدام

مجلس اتحاد الكوره وزع الاتهامات ع الكل ومحدش منهم قدر يوجه كلمه للداخلية
اظن بقى انهم بالضعف والجبن من انهم يدوروا على حق الناس اللى ماتت

رابعا جمهور الزمالك
هنا هقسم ليك يا احمد جمهور الزمالك لقسمين
الوايت نايتس اللى مشغول بـ الاتهامات اللى بتتوجه له والقبض على اعضائهم
باقى جمهور الزمالك وباين اوى انهم مش مهتمين بالموضوع المهم عند الاغلبيه منهم عودة الدورى بسرعه على امل ان الزمالك ياخد الدورى الموسم ده اللى غايب عن الزمالك من زمان واللى حاسين انهم قريبين اوى من تحقيق البطوله الموسم ده

جمهور الزمالك مش عاوز الدورى يتلغى الموسم ده وبيتكلمو على تدمير الكوره المصريه ومش فارق معاهم تقديم المتهمين للمحاكمه

خامسا لاعيبة الزمالك والجهاز الفنى
اللاعيبة عموما شغلوا نفسهم ب كلام عمر جابر وانهم لعبوا الماتش وهو لا
وبدأوا يتهموا بعض ونسيوا اصلا ان الجمهور ده جاى عشان يشجعهم

الجمهور ده مش بيقبض من حد بالعكس ده بيدفع من جيبه ودلوقتى من دمه عشان يشجع اللاعيبة على المكسب اللى هما بيقبضوا عليه مرتباتهم ومكفائتهم

يبقى الحق هيجي ازى ياأحمد ؟

[جبل عالي]

انا هقول رأيي بصراحة
قبل ما أقرأ آرائكم
عن نفسي طبعا انا ضد اننا نمارس حياتنا
عادي ولا كأن شيء حصل !!!

اللي عامل فينا كده ومخلينا بقينا معدومين الإنسانية
إننا بقينا بنطبق (عادي) على كل حاجة بتمر بينا
لما بقينا أقل من الحيوانات اللي بتاكل بعضها وهي حية كمان!!


يمكن حد يهاجمني ويقول مش عايزين نعيش الالم
او مش عايزين نزود الحزن

لكن لاااااااااااا وألف لاااااااااااا
لما نعيش الألم ونقعد نبكي على اللي بيحصل
ونراجع نفسنا شوية ونتلفت حوالينا
نشوف الواقع القذر اللي بقينا فيه
مع ملاحظة اننا نبطل نرمي التهم على الغير وبس
والله والله والله
احنا مشاركين بأي شكل من الأشكال
مشاركين ............ حتى لو حد زعل مني
ده إعتقاد ومش هغيره ابداااا

عايزين نحس بالكارثة بقااااا
عايزين نتغير شوية عشان ربنا يغير حالنا اعملوا معروف





(أعتذر لو كلامي مش هيعجب)

[كبريت]

باختصار ومع تمام الاحترام
اذا كانت كرة ستودي بحياة الناس تتحرق الكورة وتبقى حياة الناس اهم
شكرا جزيلا

[محمود الصاروخ]

اقتباس المشاركة الأصلية كتبت بواسطة جبل عالي انا هقول رأيي بصراحة قبل ما أقرأ آرائكم عن نفسي طبعا انا ضد اننا نمارس حياتنا عادي ولا كأن شيء حصل !!! اللي عامل فينا كده ومخلينا بقينا معدومين الإنسانية إننا بقينا بنطبق (عادي) على كل حاجة بتمر بينا لما بقينا أقل من الحيوانات اللي بتاكل بعضها وهي حية كمان!! يمكن حد يهاجمني ويقول مش عايزين نعيش الالم او مش عايزين نزود الحزن لكن لاااااااااااا وألف لاااااااااااا لما نعيش الألم ونقعد نبكي على اللي بيحصل ونراجع نفسنا شوية ونتلفت حوالينا نشوف الواقع القذر اللي بقينا فيه مع ملاحظة اننا نبطل نرمي التهم على الغير وبس والله والله والله احنا مشاركين بأي شكل من الأشكال مشاركين ............ حتى لو حد زعل مني ده إعتقاد ومش هغيره ابداااا عايزين نحس بالكارثة بقااااا عايزين نتغير شوية عشان ربنا يغير حالنا اعملوا معروف (أعتذر لو كلامي مش هيعجب)

عدم عودة الدورى هيكون له تأثير كبير وخصوصا ع المنتخب
ولو شوفتى ردى اللى قبل كده على مورشو هتعرفى ان حق الناس دى مش هيرجع
وضايع ضايع زى ما ضاع قبل كدة

نورتنى جبل
^^

[محمود الصاروخ]

اقتباس المشاركة الأصلية كتبت بواسطة كبريت باختصار ومع تمام الاحترام اذا كانت كرة ستودي بحياة الناس تتحرق الكورة وتبقى حياة الناس اهم شكرا جزيلا

تسلم لرأيك ي معلم
نورت
^^