الاداره النسائيه اقوى من الاداره الذكوريه

[big bốss]

اه فعلآ

الاداره البناتيه اقوى من الاداره الذكوريه

يعنى لما يكون فيه اتنين اداره واحده بنت و واحد ولد

تلاقى الاداريه البنت هى الى مسيطره و شخصيتها اقوى

و مش كدا بس

دا كمان فى الاشراف لو الاتنين على القسم

واحده بنت و زميلها ولد

تلاقى المشرفه هى الى مهيمنه على القسم و كلمتها مسموعه


بجد مستغرب و مش عارف السبب

تفتكروا ليه ؟؟؟؟؟؟

[كبريت]

لاء طبعا استاذ نور
اسمح لي اختلف معاك وبكل ود

هو يمكن فوق المنتديات
او تحديدا فوق المنتدى ده نظام مختلف عن كل المنتديات الاخرى
وده مش موضوعنا

انما لاء
استحالة تكون الانثى اقدر على القيادة
مع كل احترامي

السبب

ان ربنا سبحانه وتعالى جعل للرجل مميزات جسمانية وجعل للانثى مميزات جسمانيه وبشكل ارق بعض ما


لو اتكلمت عن وظايف قاسية وصعبه
مثلا كطبيعة شغلي

بتعامل احيانا مع صحراء والصحراء فيها كل الاشياء
بداء من انواع قاتله من الثعابين او الذئاب او الحيوانات المفترسه عموما او العقارب وغيرها من الانواع دي

هل هنا تقدر الانثى تكون قائد ؟
استحالة

كمان لما ربنا سبحانه وتعالى يقول
لذكر مثل حظ الانثيين

ناس كتير فسرت ده في الميراث وبس وده غلط كبير
لان ربنا سبحانه وتعالى قصد حاجات كتير بجوار الميراث

انا هنا مش بشكك في الانثى ولا عقليتها
انما كمان مثال
حصل جدل على تعيين قاضيات
وبصراحه
انا ضد تعيين اانثى قاضية قلبا وقالبا
هيخرج عليا حد ويقول الغرب

هبتسم وبكل ادب واقول
والنبي بلاش داعي نقارن نفسنا حتى بشوارع الغرب هما فين واحنا فيييييييييييييييييييييييييييييين !



المراة تقود بيتها اه
مطبخها ماشي
مشغل تريكو ممكن

وظائف سهله وسلسه وتتناسب مع طبيعة التكوين الجسدي للانثى
انما غير كده صعب


ومش معيار مواقف بالمنتدى انها تكون دستور ولازم يمشي


تحياتي ليك استاذ نور

[شاعر الحب الحزين]

يا عم هتطمعهم فينا كده يا نور هههههههاي

هما بيكملوا بعض على فكرة كل واحد ليه مهامه

بس عشان البنات بتتكلم كتير ف بيبقوا هما مسيطرين

لأن الأغلب بيلجأ للإدارة النسائية ف اقتراحاته ومشاكله

بتلاقيهم مسيطرين بس مش شرط برده

هما بيكملوا بعض ف قراراتهم واختياراتهم


لفتة نظر جميلة منك يا نور

بحييك على مواضيعك الجميلة دايما

احترامي وتقديري

[كبريت]

نسيت اقول حاجه سوري

لو الحياة كده كما هو بالموضوع هنا

يبقى فاضل الانثى هي تتقدم للذكر وتخطبوا وتشتغل كمان هي وكل حاجه بقا

لا يا عم نور

للانثى دورها المناسب ليها كما للرجل ادوارة اللائقة بتكوينه


شكرا جزيلا لك

[واد حبيب]

انت بتتكلم علي نفسك يا نور
انا كنت مسيطر علي القسم عندي
ههههه

[أميرة محمود]

ايوه طبعا احنا بسم الله ماشاء الله علينا
هههههههههه

لا بجد بنظرة موضوعية من غير انحياز
البنات افضل في القيادة
في جوانب
الاهتمام بالنظام
واحترام المواعيد
والذاكرة احنا مبننساش حاجة هههههه
النشاط والاصرار

والرجال افضل في القيادة
في جوانب
رجاحة العقل في التفكير بيفصل بين العواطف والعمل
سرعة اتخاذ القرار
يتقبل روح العمل الجماعي
موضوع لذيذ يا بوص

[دفاتر القمر]

مع احترامي لكلامك
بس انا بختلف معاك
القياده فى الذكور انجح
بس بتفق معاك ان بعض النساء
وليس الجميع بيحبوا السيطره
تحياتي علي النقاش الهادف

[big bốss]

اقتباس المشاركة الأصلية كتبت بواسطة كبريت لاء طبعا استاذ نور اسمح لي اختلف معاك وبكل ود هو يمكن فوق المنتديات او تحديدا فوق المنتدى ده نظام مختلف عن كل المنتديات الاخرى وده مش موضوعنا انما لاء استحالة تكون الانثى اقدر على القيادة مع كل احترامي السبب ان ربنا سبحانه وتعالى جعل للرجل مميزات جسمانية وجعل للانثى مميزات جسمانيه وبشكل ارق بعض ما لو اتكلمت عن وظايف قاسية وصعبه مثلا كطبيعة شغلي بتعامل احيانا مع صحراء والصحراء فيها كل الاشياء بداء من انواع قاتله من الثعابين او الذئاب او الحيوانات المفترسه عموما او العقارب وغيرها من الانواع دي هل هنا تقدر الانثى تكون قائد ؟ استحالة كمان لما ربنا سبحانه وتعالى يقول لذكر مثل حظ الانثيين ناس كتير فسرت ده في الميراث وبس وده غلط كبير لان ربنا سبحانه وتعالى قصد حاجات كتير بجوار الميراث انا هنا مش بشكك في الانثى ولا عقليتها انما كمان مثال حصل جدل على تعيين قاضيات وبصراحه انا ضد تعيين اانثى قاضية قلبا وقالبا هيخرج عليا حد ويقول الغرب هبتسم وبكل ادب واقول والنبي بلاش داعي نقارن نفسنا حتى بشوارع الغرب هما فين واحنا فيييييييييييييييييييييييييييييين ! المراة تقود بيتها اه مطبخها ماشي مشغل تريكو ممكن وظائف سهله وسلسه وتتناسب مع طبيعة التكوين الجسدي للانثى انما غير كده صعب ومش معيار مواقف بالمنتدى انها تكون دستور ولازم يمشي تحياتي ليك استاذ نور

كلامك تمام احمد

انا مقلتيش انها اقدر من الرجل فى كل القيادات

انا بذكر هنا فقط فى منتدانا

[big bốss]

اقتباس المشاركة الأصلية كتبت بواسطة شاعر الحب الحزين يا عم هتطمعهم فينا كده يا نور هههههههاي هما بيكملوا بعض على فكرة كل واحد ليه مهامه بس عشان البنات بتتكلم كتير ف بيبقوا هما مسيطرين لأن الأغلب بيلجأ للإدارة النسائية ف اقتراحاته ومشاكله بتلاقيهم مسيطرين بس مش شرط برده هما بيكملوا بعض ف قراراتهم واختياراتهم لفتة نظر جميلة منك يا نور بحييك على مواضيعك الجميلة دايما احترامي وتقديري

ههههههههههههههه

انا لسه هطمعهم يا خالد

همطمعوا خلاص

ممكن زى ما قلت اغلب الاعضاء بيلجا للاداريه البنت

فدا مخليها مسيطره

[აα∂ Ԑγεა]

علي حسب الشخصية بقي ,
في اي مجموعه بيقوموا بنفس العمل الشخصية الاقوي تسود
سواء ولد او بنت مش هتفرق , بترجع للشخصيات
ملهاش مقياس معين ولا كل الامثلة هتكون بنفس النتيجة ,

لكن ككل الرجل اقدر علي القيادة من المرأة في نظري
ميمنعش انه المراءه عندها القدرة علي القيادة
لانه الامثلة بتأكد علي قدرتها علي دا
والمرأة بتشغل مناصب كبيرة تصل لرئاسة البلاد
وفي مجموعة من اكبر شركات العالم برئاسة المراءة

لكن المرأة اكثر عاطفية من الرجل بمراحل وممكن تتأثر قرارتها بشكل اكبر
عالعكس للرجل قدرة علي الفصل بين الامور وتغليب العقل علي العاطفة
ففي مجتمعنا الشرقي بعاداته وتقاليده و شريعته بكل تأكيد الرجل هو الاقدر علي القيادة ,