مصاصه و لبانه

[big bốss]

حاجه غريبه

اتنين اخوات ولد و بنت المهم بقا والدهم بيقلهم عايزين تشتروا ايه ؟

البنت قالت عايزه مصاصه

و الولد قال عايز زى اختى

فالاب قال عيب المصاصات للبنات الولاد لا

ليه يا عم كدا دى حلويات مفهاش تخصيص لا للولد و لا للبنت

طيب نيجى للعلكه او اللبان بالمصرى

لو البنت بتاكل لبان عادى

و لو الولد اكل لبان يقولك دا كذا و كذا الفاظ مش كويسه

طيب ليه يا عم انت ؟

يعنى حتة الحلاوه دى هى الى هتبوظ اخلاقنا مثلآ هههههههههههه

لا بجد احنا شعب غريب و متمسك بحاجات غريبه

الاكل و الحلويات دى فى الاصل مصادر طاقه بس بتختلف النكهات و الطعام

علشان الانسان مش يمل منها و علشان اختلاف الفياده منها

بس هى بعيده كل البعد عن التخصيص المصتنع مننا

و مش اللبانه او المصاصه هى الى هتحدد اخلاق البنت او الولد

هل انت مع كلامى ام ضده ؟

[توحد ارواح]

فعلا هي معتقدات و للاسف بتتورث
وتلاقينا غصب عننا جوانا
زي مثلا موضوع اللبان ده
عيب البنت تمضغ لبانه
وانا اتعودت علي كدا فعلا
استحاله خلاص وكأنه حاجه حرام
بالاخر طبعا دي معتقدات خاطئه
والمفروض اننا نغيرها ونحاول نبدأ بنفسنا
شكرا ع الطرح
تقديري

[big bốss]

اقتباس المشاركة الأصلية كتبت بواسطة توحد ارواح فعلا هي معتقدات و للاسف بتتورث وتلاقينا غصب عننا جوانا زي مثلا موضوع اللبان ده عيب البنت تمضغ لبانه وانا اتعودت علي كدا فعلا استحاله خلاص وكأنه حاجه حرام بالاخر طبعا دي معتقدات خاطئه والمفروض اننا نغيرها ونحاول نبدأ بنفسنا شكرا ع الطرح تقديري

هههههههههههههه

مش عارف حرام فى ايه مضغ اللبان

و عيب على الولد ينضغها

يعنى مش هى اللبانه الى هتبوظ اخلقنا

شكرا لرايك ندى

[هادية]

كلامك سليم يانور نظريا

بس واقعيا احنا طلعنا على كده

واتعودنا على كده

يمكن اسلوب اكل الحلويات دي اسلوب ناعم شوية

ولايليق بالاولاد

بعكس مثلا اسلوب اكل البسكوت او الشيكولاتة

عشان كده شكل الولد وهو بياكلها مش حلو ويتنافي مع مظاهر الرجولة المفترضة فيه

لكنه بيتناسب مع مظهر النعومة المطلوب فى البنات

طبعا ده رأيي الشخصي

تحياتى ليك

[big bốss]

اقتباس المشاركة الأصلية كتبت بواسطة هادية كلامك سليم يانور نظريا بس واقعيا احنا طلعنا على كده واتعودنا على كده يمكن اسلوب اكل الحلويات دي اسلوب ناعم شوية ولايليق بالاولاد بعكس مثلا اسلوب اكل البسكوت او الشيكولاتة عشان كده شكل الولد وهو بياكلها مش حلو ويتنافي مع مظاهر الرجولة المفترضة فيه لكنه بيتناسب مع مظهر النعومة المطلوب فى البنات طبعا ده رأيي الشخصي تحياتى ليك

هو اسلوب الاكل فيه ناعم و خشن يا هاديه

لا طبعا اى اكل مهما كان لا ينقص من الرجوله و لا هيرفع من الانوثه

شكرا لرايك هاديه

نورتينى

[هادية]

اقتباس المشاركة الأصلية كتبت بواسطة big bốss هو اسلوب الاكل فيه ناعم و خشن يا هاديه لا طبعا اى اكل مهما كان لا ينقص من الرجوله و لا هيرفع من الانوثه شكرا لرايك هاديه نورتينى

ايوة فيه يانور

يعنى طريقة مضغ اللبانة هل هي زي طريقة مضغ الشيكولاتة مثلا؟؟

اعتقد فيه فرق بين الاتنين واى حد عارف كده

هل انت لما تشوف شاب بيمضغ لبانة ده شكل طبيعي ؟؟

هل لما الشاب ده يمضغ قطعة بسكوت حيبقي زي ما يمضغ لبانة ويتشدق بيها زي النساء؟؟

ده حتى يبقي تشبه بالنساء اصلا يانور وده منهى عنه في ديننا الكريم

افعال النساء للنساء وافعال الرجال للرجال ودي مفيهاش مقاوحة يابوص :d

[دفاتر القمر]

ده تزمت زياده عن اللزوم
ممكن فعلا اكل اللبان للولاد مش مستحب
بس للاطفال عادي احيانا السيطره
على الاولاد والتحكم فيهم وعدم اعطائهم
مساحه للحريه بيادي الى نتيجه عكسيه
ويخلي الطفل يلجيء الى الكذب
شكرا لك على النقاش

[stairway to heaven]

على فكرة اكل اللبان للبنت بردو عييب
انا لو عايزة اكل لبان هاكله فى البيت
وبما اننا فى مجتمعات شرقية لازم نحترم عاداتنا وتقاليدنا

[.Lamar]

انا معاك هو مش دة اللى هيحدد

بس كمان مش ظريفة ان ولد ياكل لبان

تحس انها شى انثوى شوية

فالولد بيتقوم من صغره دة لا و دة ميصحش

عشان اما يكبر يتصرف كرجل

و من شب على شي شاب عليه

وبالاخير هى وجهة نظر

خاصة ان اللبان كمان مش مستحب للبنات

فهى تقاليد مجتمع ما ينفع توافق و تنبسط بالجزء اللى يرضيك

وترفض الجزء اللى مو عاجبك


شكرا ليك اخى

تحياتى

[Lamees]

برضه اللبانة والمصاصة تخص البنت والولاد تؤ تؤ ^_^