الحب ده هبل

[رماد الحب]

الحب شىء جميل جدا

فى بدايته أحاسيس جميلة و سعادة و تألق لأقصى حد فى كل شىء ..

الخطوة الثانية إضطرابات فى النوم و عدم رغبة فى الأكل و تسارع فى ضربات القلب تصاحبها آلام فى المعدة ..
و مع تطور الحالة يبدأ الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك و تتجسد فى كل تصرفاتك ..
مش عارف تركز و لا حتى تفكر فى أى شىء خاصة عندما تقابل حبيبك .. تقول كلمتين .. بعدها يطير كل الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف!

إيه إللى أنا باقوله ده ! حاسس إنك عبيط و أكيد حبيبك قال عليك معتوه .. لكن إطمن .. دى حالة شائعة جدا فى الحب و ناس كتير عانت من نفس المشكلة و شعرت بنفس الهبل

تقوللى ما انا عارف بس المشكلة فى حبيبى و الفكرة إللى أخدها عنى ..

أقولك إهديله أغنية لما بتكون بعيد باحضر كلام أقوله و أما بتكون قريب بتنسينى اليوم بطوله و لا باعرف أتكلم و يا دوب كبيرى أسلم .. يا عمرى و الله لما أشوفك بانسى الدنيا دى ، بانسى الكلام إللى أنا قايله حتى الغرام إللى أنا شايله..

ليتأكد إنك طبيعى و كل دى مجرد أعراض جانبية للحب عند كل الناس ..

لكن هل تعرف سبب التشتت و النسيان و عدم القدرة على التفكير ، و الهبل الذى تشعر به فى حالة الوقوع فى الحب؟!
بيقولك إكتشفوا إن الحب يؤثر على نشاط المخ و يقلل القدرة على التفكير بشكل عام ده غير المناطق التى يصيبها الشلل التام و هى المناطق المسئولة عن الإنتقاد و التقييمات السلبية حيث تتوقف عن العمل تماما ..

و لهذا قالوا زمان إن الحب أعمى لأننا عندما نحب نرى من نحب أعظم حد فى الدنيا و خاليين من العيوب..
ده غير تأثيره على المناطق المسئولة عن الذاكرة و التركيز ..

عشان كده لما أبويا يقول فنجان قهوة بأعمله شاى و فى الآخر باديه لأمى ..

و أراهنكوا إن شادية فضلت تصب فى الشاى لحد ما إتدلق من الفنجان على الصينية على الأرض ..

و بيقولك كمان إن الحب له نفس تأثير تعاطى المخدرات على المخ بعد تصوير المخ بالرنين المغناطيسى حيث لوحظ أن الحب يؤثر عليها مثل تعاطى المخدرات يعنى

لو لاحظت حد مسطول مش ضرورى يكون ضارب ممكن يكون واخد جرعة حب زيادة..
و أحسنلك بكتير إنك تضرب حب بدل ما تضرب مخدرات على الأقل الحب أوفر و ألذ و له نفس التأثير و جايز أكثر كمان..
لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب.
و لما تقابل حبيبك بدل ما تقول له الحب الحب .. الشوق الشوق تقول له إنت أحلى جوينت فى حياتى و لما بشوفك الطاسة بتتعمر كأنى ضربت خلطة منوعات.
كل هذه التأثيرات أثبتتها عدد كبير من الدراسات التى أجريت فى بريطانيا و أمريكا.
الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى خير عبره ، الحب فضل يمسح فى دماغه ..

يمسح فى دماغه لحد ما خلاها أبيض يا ورد..
فى النهاية قدامك طريقين ..


الأول إنك تنفض الحب خالص و تحافظ على مخك و صحتك على أساس إنهم أنفعلك ..

الطريق الثانى إنك تحب بجد و تضحى بعقلك فى سبيل إستمتاعك بالحب.

[شاعر الاقصى]

انا عن نفسي يا رماد الحب

مش عندي إستعداد اضحي من اجل الحب المجنون ده

بس اكيد هحب بس بالمعقول

عرفتي وبعدين إحنا يا عزيزتي مش زمن قيس ولا ليلى احنا في زمن تامر حسني

هحبك النهرده وبكره هاااااافكر ممكن اسيبك كدا يعني صح ولا خطأ

وشكرا

[فــــــــــرح]

والله بجد الحب ده هبــــــــــــــــــــــــــــــــــــــــــل...

[totaaa]

معاكم حق الحب فعلا هبل

مشكورة على الموضوع

[امير العذاب 2]

عمره ما كان هبل عمره ماكان تعب والحب هو أسهل وأكبروأرق وأجمل كلمه لكن هواجمل داء وله دواء هو الحياه هو الأحساس

[امير العذاب 2]

الحب وعلاماته

الحب هو أسهل وأكبروأرق وأجمل كلمه
علاماته
شوق ولهفه وعتاب ونظره وأبتسامه ولقاء وتظهر علاماته على العين فى لمعتها عند رؤية الحبيب

مكان سراينه
يسرى بالدم والعروق فلا يسلم منه أنسان على مدى معرفتى به وتجاربى معه سواء أن كنت محب
او محبوب

أولى نظراته

أعجاب متبادل فى حالة تبادل الحب او أن كان من طرف واحد
الحاله الأولى يتظاهر كل واحد بعدم المبالاه تجاه بعضهم ومن هنا تولد أجمل وارق أحساس

أما الحاله الثانيه فلا يمكن ان يتخلص هذا الطرف من حالة الكسوف او عدم أمكانيته فى
عدم القدره على مصارحة الطرف الأخر بمشاعره نحوها


مراحل التطور

مرحلة التطور تكمن فى الأنجزاب العاطفى وفى الأرتياح المتبادل وتكون اكثر فى الثقه المتبادله بينهم
وتكون أكثر فى الحب الصادق فأنا عندى تجارب أكثر فى هذا الموضوع
ومراحل تطوره تكون فى المعامله الملتزمه وأحترام الشخص لزاته ومدى لهفتهم لرؤية كل منهم الآخر

واقعيته من عدمه حقيقتة
ومن علامات واقعيته من عدمه
الحب الغيره غير المؤزيه -1
اللهفه والشوق والحنين الى بعضهم-2
الخوف والقلق على بعضهم-3

مدى تأثيره على القلب
الحيره والقلق عذاب الروح والفؤاد-1
الأكتفاء برؤية الحبيب-2
ومن أهم سمات الحب التغلب على الصعوبات والتغلب عليها ومواجهة جميع الصعوبات-3

المده ومدى استمراره أن كان جادا
فى النوعيه الأولى تكون فتره قصيره اما الحب الصادق ممكن يتوج بأجمل نهايه ألا وهى الزواج-1
أما مدى أستمراره من عدمه فتكون فى مدى أهتمام الطرفين وصدقهم وأحترامهم لكلمة الحب-2
علامات الخيانه أو الأستهطار بالمشاعر
أن يكون أحد الطرفين وأحيانا يكون الولد هو روميوالذى يقهر النساء بنظراته الخادعه وتتعدد الضحايا-1
أما اللأستهطا بالمشاعر فيكون كالآتى
عدم المبالاه وأستهطاره بالطرف الآخر -1
معرفة واحده أخرى وكأنهم عبيد لدى سيادته-2

[farisel7ob]

صدقينى الحب عمره ما كان هبل

بس المشكله فى الزمن اللى احنا فيه وفى الناس اللى بقت بتاخد الحب على انه لعب وتسليه

انما الحب الصادق احسن حاجه فى الدنيا وبالاخص لو كان حب فى الله

تسلمى على الموضوع

[رماد الحب]

اظن ان الحب لله او الحب للى بضمير معتش موجود خالص

خاصة انى عمرى ماشفت ولد بيحب بضمير