زي الإعجـــــاب

[شاعر الحب الحزين]

بنعيش لغيرنا بنقدم خيرنا للقربا والأغــــــراب

لو قصروا نقول بيستخسروا يبقولنـا أحبـــــاب

نتعب بعد ما نختار نسأل نحتار ومش بنلقى جواب

بنقابل ناس نستلطفهم نوعدهم بحقايق من سراب

نقابل غيرهم ف نبطل نعرفهم نسيبهم على أتفه أسباب

بقينا من ملامح نعرف الطيب والجارح نصدق إحساسنا الكداب

قول رغبة ومصالح بتنسيك عزوة امبارح بتعيشك بين لقى وغياب

فيها إيه لو نعيش لغيرنا ويعيشلنا غيرنا من غير مصالح ولا عتـاب

نعمل حاجة تفرحهم نحط نفسنا مطرحهم نكتبهم بالحب ف كتاب

يفرحونا هما بكلمة حلوة يعيشونا بأحلى غنوة بإحساس جميل خلاب

نحبهم يحبونا نحسهم يحسونا نشتاقلهم يشتاقولنا تماما زي الإعجاب

بنحط إعجاب لكل الناس وبيعجب فينا كل الناس ومنقدرش نحط لنفسنا إعجاب

عيش لغيرك تلاقي غيرك عيش لنفسك هيقل خيرك وهتعمل لكل شيء حساب

هي الدنيا حلاوتها في لمة وكلمة حلوة وبسمة على ضمة تفتح للقلب كل باب




شــــــــــــــــــــــــــــــــــــــ . حـــــــــــــــــــــــــــــــــــــــــــ

[كبريت]

بنعيش لغيرنا ونوهبهم الحب كاحباب

ونقول مصيرنا هواهم والشوق كده غلاب

ونودهم بالصدق مع كل حب

وهما ليهم طبعهم لينا بكل عذاب

نوهب قلوبنا وارواحنا لهم بجنون

ليه المقابل بقا نضم الف سراب

مخنوقة ياصرخة وجع

كده خلف الفين باب

مخنوقة ياكلمة حق

في زمن العتاب

مخنوقة ياكلمتي وجريمتي اني حر

في زمن مقيد بكل كل حساب








شاعرنا الجميل
واستاذي الرائع


شاعر الحب الحزين

طبعا حاولت المجاراة بقلمي بس اروح فين مع انسان قمة الاحترام
وشاعر في القمة كحضرتك


شاكرا اخي
تقبل حضوري هنا
صباحك ورد

[كبريت]

اعتذر اخي
نسيت النجوم والتقييم

صباحك رقيق للغايه

[شاعر الحب الحزين]

اقتباس المشاركة الأصلية كتبت بواسطة كبريت بنعيش لغيرنا ونوهبهم الحب كاحباب ونقول مصيرنا هواهم والشوق كده غلاب ونودهم بالصدق مع كل حب وهما ليهم طبعهم لينا بكل عذاب نوهب قلوبنا وارواحنا لهم بجنون ليه المقابل بقا نضم الف سراب مخنوقة ياصرخة وجع كده خلف الفين باب مخنوقة ياكلمة حق في زمن العتاب مخنوقة ياكلمتي وجريمتي اني حر في زمن مقيد بكل كل حساب شاعرنا الجميل واستاذي الرائع شاعر الحب الحزين طبعا حاولت المجاراة بقلمي بس اروح فين مع انسان قمة الاحترام وشاعر في القمة كحضرتك شاكرا اخي تقبل حضوري هنا صباحك ورد

اقتباس المشاركة الأصلية كتبت بواسطة كبريت اعتذر اخي نسيت النجوم والتقييم صباحك رقيق للغايه

أخي الغالي أستاذنا وشاعرنا الراقي

ما أرقى تواجدك وما أطيب أثره في النفس

يكفيني سعادة حضورك المتألق وتفاعلك النقي

أشكرك يا عذب الحرف ونقي المشاعر

لطيب تواجدك وحضورك الممتلئ بنقاء قلبك

اسعدتني بمرورك الكبير بين سطوري القليلة

احترامي وتقديري

[Lamees]

معاك حق خالد ما استحق ان يولد من يعيش لنفسه
احنا من غير الناس لا قيمة لنا
عشان كده لو حبناهم وفكرنا فيهم
هتكون الحياة حلوة بيهم وليهم

طرح راقي وليس بغريب عليك
كل الود والتحية

[™Amiliya]

مش كل الناس تعرف تعيش لغيرها ولا غيرها بعرف يعيشلها
وممكن احنا كمان منعرفش نعيش لنفسنا عشان نقدر نعيش لغيرنا

ان تعيش لاحدهم فاانت. بطل في قصص تاريخ الانسانية

شاعرنا الراقي

احببتها لدرجة تحسست بغصتك فيها

دام احساسك لنا

[همس الحنين]

ساعات كتير بنعيش لغيرنا

وللاسف بتلاقى عدم تقدير

وساعات تتضحى براحتك للاشخاص

ماتلاقيش منهم الا نكران الجميل

جميله كلماتك والاجمل معانيها

[دفاتر القمر]

هي الدنيا حلاوتها في لمة وكلمة حلوة وبسمة على ضمة تفتح للقلب كل باب

فعلا ده اجمل ما فى الدنيا كلماتك جميله
فيها روح الصدق
تحياتي لك بقدر هذا الابداع

[الأميرة رودي]

جميل ان نعيش لغيرنا ويعيشو غيرنا لينا

جميل جدا لما نحس بالفرحه في عيونهم لمجرد اهتمامنا بيهم.

بس مؤلم جدا لما تلاقي كل عطاءك بدون اى مقابل


االمدينه الفاضله قوانيها صعبه على البشر.
فبيهربو منها !!.

رائع خالد في سرد ماتتمناه وتتعايش به فى مدينتك الخاصه

كن كما انت .
احترامى دائما

[A-rab3awya]

ماأروع تلك الصورة التي رسمتها للقلوب النقيه و العطاء بقلمك الذهبي
ما أجمل هذا الشعور الذي وصفته ببراعتك الفنية
تسسسسلم إيدك استاذ خالد
دمت ودام قلمك الذي يلمع كبريق الماس
تحياتى لجمال نقلتك ف انواع الشعر المختلفه والتنوع ف الكتابه و روعة احرفك
لك تقديري