مدونة الأميرة

[أميرة محمود]

أميرة الآميرات

مختلفة عن الآخريات

أسطورة الجميلات

مفتعلة الأزمات

ومبدعة الاحساسات


لازم أبدأ مدونتى بشوية غرور كدا
وامدح نفسي شوية

[أميرة محمود]

غصب عنى بحبك

وبسمع نبض قلبك

بعيدة رغم قربك

وحاسه يا وطنى بتعبك

وملكنى الوجع بسببك

النار اشتعلت في حطبك

والكل طمعان في مناصبك

وعيونهم مركزة على ذهبك

ومحدش بتعلم من تجاربك

ولكن يكفيك وحسبك

أن الطامعين هــ يدفنوا في تربك

[أميرة محمود]

الشمس نور ودفا

وجودها راحة وشفا

بحس انها سعادة وهنا

[أميرة محمود]

الناس مش نوعين
الناس أنواع كتير
دا اكتشاف انا اكتشفته لوحدى

لا بجد أحلى نوع
الناس الطيبة اوى الكبيرة بتوع زمان
زى جدى كدا
كلامهم كله خير
والضحكة مبتفارقش وشهم
مش معقدين ونيتهم صافية

[أميرة محمود]

حسام الشاعر,
عازف الاحساس,
نسيت اسمي
رووكه,
۩۩ elMagic ۩۩,
ساحر الأحزان,
الأميرة رودي,
طبيب الهوى,
ريانة العود,
Ṕřǿḟ_ṦęήίŏŘ,
رضا التركى,
همسات فوق القمر,
جنون قلب

شجعتونى بوجودكم وتقيماتكم الحلوة
ثانك يو بجد
وجود أشخاص بالقيمة الفكرية العالية
والإحساس الراقي هنا
شيء يسعدنى جدا ويشجعنى
شكرا من العمق

[أميرة محمود]

أنا بحب النجوم أكتر من القمر
معرفش ليه
بس بحس ان النجمة صغنونة كدا ومنوة بشكل هادى
وكمان مجموعة النجوم قريبين من بعض بيعملوا شكل حلو

[أميرة محمود]

أحبك نعم
لكن بطريقتى
فالحب مذاهب
وحتما سيروقك مذهبي
اترك نفسك
وأوقف عقلك
وامنع تفكيرك
وأتبع خطوتى

[أميرة محمود]

حلوة الشيكولاته
بتعمل جرعة سعادة بجد عندى

[أميرة محمود]

لو هرتب اجمل المشاعر
يبقا المركز الاول الحب
لغز القلب وله لذة خاصة دون سواه
والمركز التانى السعادة
هدف جميع البشر ع مر العصور
لدرجة في فترة كانوا عايزين يخترعوا مشروب السعادة
والمركز التالت الرضا
تسليم كل الآمر لله والرضا التام به
والمركز الرابع الانتماء
للوطن وللاهل وللحبيب
والمركز الخامس الابتسامة
الضحكة ال من القلب دى
ال بحس انها كريزا كدا مش قادر اوقفها او اتحكم فيها
والمركز السادس الصداقة
ومعنديش فرق بين الصديقة البنت او الصديق الشاب
المهم الصدق
والمركز السابع المغامرة
او يعنى قصدى المخاطرة
بيكون لها طعم حلو كدا بيعجبنى
المركز الثامن العناد
هو شعور حلو معرفش ليه الناس واخده منه موقف
المركز التاسع والعاشر لسا معرفش
ههههههه

[أميرة محمود]

الصبح الساعة 8
بيحصلي نوع من
توارد الأفكار
وتراسل الحواس
بشكل رهيب
المشكلة انى مبحبش اصحى بدري
كدا بيفوتنى حاجات كتير