اوصف اللي قبلك بكلمتين

[العقل الباطن]

صعب توصفينى
هتلاقى فيا الشىء و نقيضه

بتفكر كتيييير اوى

[حـيـــــآة ❤]

!
مين قالك اني بفكر كتير وأوي كمان..
بيدقق

[العقل الباطن]

دا سر المهنه واقولك ع حاجه بس مش تقولى حاوى :d

ندمانه ع حاجات عملتها

[حـيـــــآة ❤]

مممم..
اي حد بيندم ..

[العقل الباطن]

بجد !

انا ما بندمش .. دا طبيعى ؟
ولا انا كدا سيكو سيكو !

[حـيـــــآة ❤]

آه بجد
انعدام الندم مش كويس

[العقل الباطن]

بعيداً عن الدين فعلاً انا ما بندمش على اى حاجه حصلتلى
يعنى عملت حاجه وقلبت ضد ما بندمش
عملت حاجه وطلعت غلط - بعيداً عن الدين - بردو مش بقول لو كنت عملت كدا
ببدأ من جديد وخلاص وعشان كدا لما حد بيزعلنى مش بشيل منه لان ربنا قدر انى اقابله
وابتلانى ربنا بيه فمش بندم ع معرفته
دا اللى كنت اقصده
لكن لو اتكلمنا فى الدين

[حـيـــــآة ❤]

انا بتكلم بعيد عن محور الدين..
يعني انا قريت لحضرتك موضوع فضفضه
بس معرفتش ارد عليه..
عجبني ان حضرتك بتحاول تغير من نفسك
وال فهمته من كلامك ان حضرتك نادم عل حاجاوكتير..
فمتجيش تقول مبندمش
محدش مبيندمش
ده كان انعدم الاحساس

[العقل الباطن]

الحاجات اللى بندم عليها كلها فى الدين
يعنى فرض سيبته
واحد زعلته و مش صالحته

لكن الندم اللى بتكلم عليه - لما قلتلك ندمانه ع حاجات عملتيها -
انك اتعاملتى مع حد بطريقه معينه كان المفروض تتعاملى مع الشخص بطريقه تانيه
كان يمكن متكونش دى النتيجه اللى وصلت < مثلاً
يعنى تندمى انك قابلتى ناس و عاملتيهم كويس وهما ما يستاهلوش
تندمى انتى مشيتى فى الطريق الفلانى كان المفروض تمشى من الطريق التانى
تندمى على معرفتك لناس معينه
دا كله بئى مش عندى اى حاجه بتحصلى مابقولش ياريتنى ما شوفتك ياريتنى ما عرفتك ياريتنى كنت اديتك بالجزمه .. فهمانى ؟

[حـيـــــآة ❤]

اه ياريتني كنت اديت ناس كتير بالجزمه *آكرمك الله*...
بس صعبه شويه اصلا اني اندم على حد مايستاهلش يغور هو والموقف معاه..
وبعدين حضرتك عرفت منين اني ندمانه.
عشان انا شامه ريحة شياط